Cautera mala Bulǝs aban ká aban Amǝ Kolosi ka, à gilǝì aban ká aban ikǝlisiya mǝnana a Kolosi, ɓe nggeala a nzali Asiya Mǝkyauwe, mǝnana dǝurǝo mala nzali yi kiɗikì a pǝlǝa 60 AD ka. Ikǝlisiya mǝnia a la man ngga Bulǝs nǝ̀ mǝnni ɗang, Abafǝras na, sǝ acemǝnana nda aɓa nzong-nzali ban mǝnana Bulǝs twali ɓamuri nǝ̀ ɗenyi nǝi ka, kǝ tasǝ amǝturo à kǝ pur Afisu ɓǝa kyan nggam. Yì Abafǝras ka ɓe ɓwamǝgule na amur amǝkwaɗi; à bang cau male kusǝ pas aɓa mǝnia yì cautera ka, sǝ yì ka, à nda a tarǝia andǝ Bulǝs a kùrban a baku mǝnana à gilǝ mǝnia yì cautera ka.