Cautera mǝdǝmbe mala Bulǝs aban ká aban
AMƏ TASALONIKA
Mǝncau
Tasalonika ka, nda nggeala mǝgule mala bu-nzali Masǝdoniya aɓa nzali Roma. Bulǝs mǝn ikǝlisiya abanì a nzǝm mǝnana nyingŋǝna Filipi ka. Kat andǝ amani ka, banì sau ɗang, ɓinǝcau lo nǝban Amǝ Yahudi mǝnana à pak mɓali arǝ Bulǝs ace lidǝmbǝa male aɓa hamnǝ cau mala Kǝrǝsti aɓalǝ aɓwana mǝnana amǝ Yahudi na raka. Pǝlǝa à tsǝk Bulǝs pup ɓǝ̀ nying Tasalonika aban ká Biriya. Nǝ nzǝmo, a nzǝm mǝnana yi bwalǝna Korinti ka, ɓimǝturo andǝ mǝgya Timoti gilǝa pe wi cau amur pa mala agir a ikǝlisiya mǝnana a Tasalonika ka.
Cautera mǝdǝmbe mala Bulǝs aban ká aban Amǝ Tasalonika ka à gilǝì ace ɓakɓabum amǝkwaɗi mǝnana abanì ka, andǝ bwal ɗenyicau malea ɓǝa cam kàngkàng. Yì ka, pak yàwá nǝ cau mǝɓoarne mǝnana oe amur paɓamuru andǝ earcearǝu malea ka. Kasǝɓalǝia arǝ ulang do mǝnana dum nǝi aɓalǝia, mana à nda tarǝia ka, sǝ nyesǝia wia acau amur aɗikiban mǝnana lo aɓa ikǝlisiya amur cau mala nyare yiu mala Kǝrǝsti.
Agir mǝnana a ɓālǝi ka
Tita cau1:1
Pak yàwá andǝ ɓwangsǝban1:2–3:13
Ɓakɓabum ace ɓealǝu mala do kwaɗi4:1-12
Kwarkiru amur cau mala yiu mala Kǝrǝsti4:13–5:11
Masǝlǝata acau ɓakɓabum5:12-22
Masǝlǝata cau5:23-28