2 Esauh gat'ëë padëëk mä Kanaãh buuj sa uuh. Hahỹỹ m' ta ỹỹm sa häd: Adah, Elõn toog. Hit buuj ti Elõn. Ta ỹỹm seeh häd Oholibamah, Anah toog, Sibijõn ta tatoog. Sibijõn häd näng doo mä Hiw buuj. 3 Ta ỹỹm seeh häd mä Basemat, Is-maéw toog, Nabajot ä̃nh.

4 Adah t'aah kä m' Esauh sii Eripas. Basemat t'aah kä m' Esauh sii Rewew. 5 Oholibamah taah kä m' tamawob hẽ Esauh sii. Sa häd hahỹỹh: Jeus, Jarãn, Korah. Ti d’ né paa m' Esauh taah kä Kanaãh bä tahagä noo gó henäk doo.

6 Ti m' Esauh ata hõm ta ỹỹm, ta taah, ta toog, sahõnh ta sii haj'eenh doo, sahõnh hẽ ta masããh, sahõnh hẽ ta wak'ããb Kanaãh häj n'aa bä banaa. Kahỹỹd kän mä tii bä. Dawyy tabawäd däk mä ta hỹỹj mahä̃nh. 7 Tak'ëp paa m' sa masããh kanekan däk ta hỹỹj daheeh, ti hyb n'aa tawén kahỹỹd wät. Séd hã rawén nabok ta hỹỹj daheeh, dooh paa m' tahajaa wäd bä sa masããh waa jawii. 8 Ti hyb n'aa m' Esauh du do kän hagä doo waëë Seih häd näng doo hẽnh. (Esauh häd seeh Edõm).

9 Hahỹỹh Esauh panaa sa häd hahỹỹh. Esauh hã né paa m' tabana Edõm buuj panaa Seih waëë hã haj'eenh doo.

10 Hahỹỹh m' Esauh taah sa häd: Eripas, ta ỹỹm Adah sii. Ta t'aah seeh häd mä Basemat sii Rewew.

11 Eripas mä taah sa häd hahỹỹh: Teman, Omar, Sepo, Gatãm, Kenas. 12 Esauh t'aah Eripas häd näng doo ti anäng nä ta ỹỹm seeh. Dooh m' ta ỹỹm heh'äät up tadoo bä. Ta häd Timana. Ta sii kä m' sét hẽ ta t'aah Amarék häd näng doo. Sahõnh hẽ hahỹỹh Esauh ta tataah ta ỹỹm Adah daheeh.

13 Hahỹỹh Rewew taah sa häd: Nahat, Sewah, Samah, Misah. Hahỹỹh Esauh ỹỹm Basemat tataah.

14 Hahỹỹh Oholibama taah häd: Jeus, Jarãn, Korah. Oholibama häd näng doo Esauh ỹỹm tii, Anah toog, Sibijõn tatoog.

15 Hahỹỹh Esauh panaa mahang sa wahëh pan'aa:

Pooj jé henäng do m' Esauh t'aah Eripas häd näng doo. Eripas taah sahõnh hẽ sa wahëh pan'aa had'yyt hẽ m'. Hahỹỹh sa häd: Teman, Omar, Sepo, Kenas, 16 Korah, Gatãm, Amarék. Hahỹỹh sahõnh hẽ Edom buuj sa wahëh pan'aa. Eripas panaa had'yyt hẽ. Adah tataah had'yyt hẽ.

17 Hỹỹ kä Esauh t'aah Rewew häd näng do taah. Sahõnh hẽ sa wahëh pan'aa had'yyt hẽ. Hahỹỹh sa häd: Nahat, Sewah, Samah, Misah. Sahõnh hẽ hahỹỹh Edom buuj sa wahëh pan'aa. Rewew panaa had'yyt hẽ. Basemaỹ, Esauh ỹỹm, tataah had'yyt hẽ.

18 Sa wahëh hedo hõm Oholibama, Esauh ỹỹm taah. Hahỹỹh sa häd: Jeus, Jarãn, Korah. Sahõnh hẽ sa wahëh hedo hõm Oholibama taah. Esauh ỹỹm, Anah toog.

19 Sahõnh hẽ hahỹỹ né paa Esauh taah, sa panaa sa wahëh sii. (Esauh häd seeh Edõm).

20 Seih häj n'aa bä m' ti aj'eenh ta wób tii bä. Seih taah paa m' tii bä haj'eenh doo. Tii bä wahë n'aa. Seih häd näng doo m' Hor buuj. Seih taah sa häd mä hahỹỹh:

Rotãn, Sobaw, Sibeõn, Anah, 21 Disõn, Eser, Disãn. Ti d’ né paa m' Seih taah, Hor buuj sa wahëh. Edõm^a häj n'aa bä rabaj'eenh mäh.

22 T'ĩĩ hẽnh rabaj'eenh na-ããj hẽ sa taah. Hahỹỹh Rotãn taah sa häd: Hori, Homam. Timana häd näng do paah, Rotãn ä̃nh.

23 Hahỹỹh Sobaw taah: Awãn, Manahat, Ebaw, Sepo, Onam.

24 Hahỹỹh Sibeõn taah: Ajah, Anah. Anah häd näng doo ti d’ né paa m' haw'yyt naëng haju doo banawäng hẽnh ta yb Sibijõn masããh jumeto tabahag'ããs noo gó.

25 Hahỹỹh Anah taah: Disõn, Oholibama. Oholibama ta toog.

26 Disõn taah sa häd hahỹỹh: Hemedãn, Esebãn, Itarãn, Kerãn.

27 Hahỹỹh Eser taah sa häd: Biwãn, Sawãn, Akãn.

28 Hahỹỹh Disãn taah sa häd: Us, Arãn.

29 Hahỹỹh Hor buuj sa wahëh sa häd: Rotãn, Sobaw, Sibeõn, Anah, 30 Dishõn, Eser, Dishãn. Ti d’ né paa m' sa wahëh had'yyt hẽ Hor buuj hã. Ketyn hõm mä sa panaa Seih häj n'aa bä. Wahëh enä hõm had'yyt hẽ m'.

31 Hahỹỹh sa wahëh heh'äät up Edõm buuj sa mahang. Ti noo gó dooh nä Isaraéw buuj sa wahëh. Hahỹỹh mä sa häd:

32 Beer, Beoh t'aah. Ti né pooj jé Edõm buuj sa wahëh. Ta panang häd mä ramanaëënh Dinahaba.

33 Beer dajëp jawén paa bä m' ta jawén buuj Jobab, Serah t'aah. Bosrah mä ta panang häd.

34 Jobab dajëp jawén paa bä m' ta jawén buuj Usãm, Teman buuj häj n'aa bä naa.

35 Usãm dajëp noo gó ta jawén buuj Adad, Bedad t'aah. Adad häd näng doo j'aa ketsë mä Midijãn buuj sa hã Moabi häj n'aa bä. Ta panang häd paa m' ramanaëënh Awit.

36 Adad dajëp jawén paa bä m' ta jawén buuj Samarah Masarekah panang bä naa.

37 Samarah dajëp jawén paa bä m' ta jawén buuj Saur Rehobot panang bä naa. Rehebot häd näng do tamiih nabyyh me paa m'.

38 Saur dajëp jawén paa bä m' ta jawén buuj Baw-Hanan, Akobor t'aah.

39 Baw-Hanan, Akobor t'aah, dajëp jawén paa bä m' ta jawén buuj Adad. Ta panang häd Paw. Ta ỹỹm häd mä Mehetabéw. Mehetabéw häd näng doo Materéd toog. Materéd, Me-Sahab toog.

40 Hahỹỹh p'aa hẽnh mä Esauh panaa wahëh sa häd. Getsén sa panaa rababong do sa panang bä. Hahỹỹh sa häd: Timana, Arawah, Jetét, 41 Oholibamah, Erah, Pinon, 42 Kenas, Temãn, Mibasar, 43 Magadijew, Irãm. Ti had'yyt né paa m' Edõm buuj sa wahëh. Panang enä hõm had'yyt hẽ m'. Séd wahëh edo hõm sa panang bä.

Esauh né paa m' Edõm buuj sa yb. Ta panaa had'yyt né paa m' Edõm buuj.