2 Hahỹỹ Japét taah sa häd: Gomer, Makog, Madaaj, Jawãn, Mesék, Tiras mäh.

3 Gomer taah sa häd mä hahỹỹh: Asekenas, Ripat, Tugarama sa häd tii.

4 Hỹỹ kä Jawãn panaa sa häd mä hahỹỹh: Pooj jé Erisa karapee du na do hahỹỹ kä. Ta jawén Espanha karapee du na doo m'. Ta jawén Sipere karapee du na doo m'. Ta jawén Roode karapee du na doo kä m'. 5 Ti né hẽ m' kaood bong akajaar hẽnh. Tii kä m' rapanang enäh hõm, ta wób kyyh hedó hõm.

6 Hahỹỹ Hãm taah sa häd: Kus, Esito, Put, Kanaãh mäh.

7 Kus taah sa häd hahỹỹh: Seba, Awirah, Sabata, Rama, Sabiteka sa häd mä tii.

Hỹỹ kä Rama taah sa häd: Sabah, Dedãn sa häd.

8 Kus mä tii Nimirots hana do paah. Nimirots né m' tii pooj jé boh du na doo. 9 Boh yb paa m' tii. H'yyb kawajããn hed'yyt hẽ paa m' tii P'op Hagä Do wë. Nabuj kah'ũũm paa m' tii. Ti noo gó du däk do paa né m' ti raky hadoo, “Nimirots hadoo da, boh yb da tii P'op Hagä Do matym gó’’, tam'aa hẽnh raky n'aa her'oot bä. 10 Tii kä m', Nimirots panang häd pooj jé, Babirõn m' ta häd. Ta panang seeh häd mä Erék. Ta panang seeh häd mä Akad. Ta panang seeh häd mä Karenéh. Sinah häj n'aa bä m' ti Nimirots panang. 11 Tii b’ naa paa m' Asirija häj n'aa hẽnh tabahõm. Tii kä m' takas'ëës pooj jé ta panang Niniweh häd näng doo, tak'ëp baéh do paah. Ta jawén mä takas'ëës ta panang seeh. Ribó-Ih mä ta häd. Ta jawén mä takas'ëës ta panang seeh. Karah mä ta häd. 12 Ta jawén mä takas'ëës ta panang seeh. Resẽn mä ta häd. Ta nu maseeh hẽnh tabadäk mä Niniweh, ta nu maseeh hẽnh mä Karah. Hõõ gó m' tabadäk Rasẽn.

13 Esito pooj jé tadu na doo, Ruts karapee pan'aa m'. Anam na-ããj hẽ m' Esito né hẽ m' du na ta karapee pan'aa. Rehabi na-ããj hẽ m' Esito né hẽ m' han'aa takarapee. Naputu na-ããj hẽ Esito né hẽ m' du na karapee pan'aa. 14 Paturus na-ããj hẽ m' Esito né hẽ m' hana ta karapee pan'aa. Kapatoh na-ããj hẽ Esito né hẽ m' hana takarapee pan'aa. Kasuruh na-ããj hẽ Esito hana né m' ta karapee pan'aa. Kasuruh karapee wób né m' tii Piristew.

15-18 Kanaãh paa m' Sidõn yb. Kanaãh t'aah wah'ëëh hadoo do ti Sidõn. Kanaãh paa m' ta wób du dahäng. Hahỹỹ da m' sa häd: Hiit buuj, Jebus buuj, Amor buuj, Gigas buuj, Hiiw buuj, Aak buuj, Sĩn buuj, Arawad buuj, Semah buuj, Hamat buuj kä.

19 Tii kä m' ta see pé noo gó Kanaãh hã hana do paa ketyn bong mäh. Sa häj n'aa häd mä Kanaãh. Sa panang Sidõn häd näng doo mä tadu doo sa häj n'aa. Ti b’ naa tan'oo hẽnh mä tamahyng, Gerar nemuun. Sa panang Gasa häd näng doo bä takawõõt mä sa panang Sodoma Gomorra häd enäh do nemuun. Ti b’ naa takawõõt mä sa panang Adamah häd näng doo hẽnh. Ta jawén tabahõm sa panang Seboĩh häd näng doo hẽnh mäh. Sa panang Rasa häd näng doo bä ta poo däg kän mä sa häj n'aa.

20 Ti d’ né paa m' Hãm karapee paah. Ti d’ né paa m' ketyn hõm doo kä. Panang enä hõm, ta wób kyyh hedó hõm.

21 Japét jawén nä kä m' Sẽm. Tii kä m' Sẽm hã hana do paa né hẽ ti Eber karapee.

22 Sẽm taah sa häd hahỹỹh: Erãm, Asuh, Apasad, Rud, Arãm.

23 Ti m' hahỹỹ kä Arãm taah sa häd hahỹỹh: Us, Huur, Geséh, Meséh.

24 Apasad t'aah häd mä Serah. Serah t'aah häd mä Eber.

25 Eber taah pawóp hẽ m'. Sét hẽ m' ta häd n'oo däk mä Pereg^a. Hëëj ganabëëh do hyb n'aa tahenäng noo gó tawén häd n'oo däk. Tii kä m' ta hỹỹj häd Jokatãn.

26-29 Tii kä m' Jokatãn taah sa häd hahỹỹh: Amodad, Serép, Asaramawéh, Jerah, Adorãm, Usah, Dikah, Obaw, Abimaéw, Seba, Opiir, Awirah, Jobab. Ta taah paa had'yyt hẽ m' hahỹỹh.

30 Tii kä m' sa panang Mesa häd näng doo bä ta duu doo sa häj n'aa. Panang Sepah häd näng doo hẽnh mä tapoo däk. Papỹỹj hana hẽnh mä tii, waëë babëëh bä m'. 31 Ti d’ né paa m' Sẽm karapee paah. Ti d’ né paa m' ketyn hõm doo kä. Panang enä hõm, ta wób kyyh hedó hõm.

32 Hahỹỹ kä Nowéh taah panaa panyyg paah. Nowéh taah paah, ta tataah taah paa sa panyyg kä m' hahỹ sahõnh hẽ tabaher'ood jëng. Ta ti tabag'yyp jawén paa bä, kaood bong doo kä.