Adãm makũũh panaa panyyg n'aa paa hahỹỹh
5
Hahỹ Adãm panaa sa häd heen n'aa kerih doo.Nadëb P'op Hagä Do pahuunh noo gó m', tapahuunh ta da tabahadoo hyb n'aa. 2 Aj'yy, ỹỹnh tapahuunh. Taky edëng mä sa hã. Baad, hanäm do taber'oot mä sa hã. Tapahuunh noo gó ta häd n'oo däk mä Adãma.
3 Adãm 130 ãn tabahadoo däk bä m', ta t'aah kä m' ta da hadoo kä. Ta häd n'oo däk mä Seet. 4 Seet benäng jawén paa bä m', Adãm awäd wät 800 ãn. Taah nyy wät mäh, ta toog na-ããj hẽ. 5 Adãm awäd wät 930 ãn, tii bä m' tadajëb kän.
6 Seet 105 ãn tabahadoo däk bä m', ta t'aah kä Enós. 7 Enós benäng jawén paa bä m', Seet awäd wät 807 ãn. Taah nyy wät mäh, ta toog na-ããj hẽ. 8 Seet awäd wät 912 ãn, tii bä m' tadajëb kän.
9 Enós 90 ãn tabahadoo däk bä m', ta t'aah kä Kenan. 10 Kenan benäng jawén paa bä m', Enós awäd wät 815 ãn. Taah nyy wät mäh, ta toog na-ããj hẽ. 11 Enós awäd wät 905 ãn, tii bä m' tadajëb kän.
12 Kenan 70 ãn tabahadoo däk bä m', ta t'aah kä Maraéw. 13 Maraéw benäng jawén paa bä m', Kenan awäd wät 840 ãn. Taah nyy wät mäh, ta toog na-ããj hẽ. 14 Kenan awäd wät 910 ãn, tii bä m' tadajëb kän.
15 Maraéw 65 ãn tabahadoo däk bä m', ta t'aah kä Jaréd. 16 Jaréd benäng jawén paa bä m', Maraéw awäd wät 830 ãn. Taah nyy wät mäh, ta toog na-ããj hẽ. 17 Maraéw awäd wät 895 ãn, tii bä m' tadajëb kän.
18 Jaréd 162 ãn tabahadoo däk bä m', ta t'aah kä Enók. 19 Enók benäng jawén paa bä m', Jaréd awäd wät 800 ãn. Taah nyy wät mäh, ta toog na-ããj hẽ. 20 Jaréd awäd wät 962 ãn, tii bä m' tadajëb kän.
21 Enók 65 ãn tabahadoo däk bä m', ta t'aah kä, ta häd mä Metusarah. 22 Metusarah benäng jawén paa bä m', Enók awäd wät 300 ãn. Taah nyy wät né m' tii ẽnh, ta toog na-ããj hẽ. 23 Enók awäd wät 365 ãn. 24 P'op Hagä Doo hã paa m' ta h'yy kasadä. Dawuh mäh. P'op Hagä Do mahũũm mä ta wë.
25 Metusarah 187 ãn tabahadoo däk bä m', ta t'aah kä, ta häd mä Ramék. 26 Ramék benäng jawén paa bä m', Metusarah awäd wät 782 ãn. Taah nyy wät né m' tii ẽnh, ta toog na-ããj hẽ. 27 Metusarah awäd wät 969 ãn, tii bä m' tadajëb kän.
28 Ramék 182 ãn tabahadoo däk bä m', ta t'aah kä. 29 Ta yb häd noo däk mä ti Nowéh. Ti m' taky hadoo:
—P'op Hagä Do ky n'aa wasee do paa hëëj. Ti hyb n'aa ti tak'ëp ër moo bok, tak'ëp ër bakaanh. Hỹỹ kä hahỹ tah ỹ manaa da ër h'yyb n'yym doo —näng mä Nowéhb ky n'aa.
30 Nowéh benäng jawén paa bä m', Ramék awäd wät 595 ãn. Taah nyy wät né m' tii ẽnh, ta toog na-ããj hẽ. 31 Ramék awäd wät 777 ãn, tii bä m' tadajëb kän.
32 Nowéh 500 ãn tabahdoo däk bä m', tamawob paa m' ta taah. Hahỹ paa m' sa häd: Sẽm, Hãm, Japét. Tamawoob hẽ m'.