—Jñá tíjna jè chjo̱ta̱xá ngajko̱‑le̱ chjo̱ta̱ judío xi kitsin.

Nga̱ tsaꞌya‑nìji̱n jè niñò‑le̱ kꞌia̱ nga koan‑tsen ya̱ jña tjo‑ni tsꞌoí,

kꞌoa̱ jé jàꞌai̱ ꞌyaxkoín‑ji̱n.

3 Kꞌia̱ nga kinchrꞌoé én xo̱ tsò jè chjo̱ta̱xá ngajko̱ Herodes,

chixòjen kjoa̱faꞌaisjen‑le̱,

kao̱ ngatsꞌi chjo̱ta̱ Jerusalén.

4 Kꞌoa̱ kinchja̱maxkó‑le̱ ngatsꞌi na̱ꞌmi xi tjió títjòn‑le̱ na̱ꞌmi kao̱ chjo̱ta̱ xi kji kjoa̱téxoma‑le̱ Niná xi kiski Moisés,

kiskònangi‑le̱ jñá‑ni nga tjínè‑le̱ nga jtsín Jè xi Niná Si̱ikasén.

5 Kꞌia̱ jè chjo̱ta̱ xo̱kjoan kitsò‑le̱:

—Ya̱a na̱xi̱nandá Belén xi ꞌnde Judea nchja̱‑ni,

nga̱ i̱isꞌìn tjítꞌa xo̱n xi kiski jè chjo̱ta̱ xi kinchja̱ya ngajao‑le̱ Niná:

7 Kꞌia̱ Herodes kinchja̱ꞌma‑le̱ jè chjo̱ta̱ xi nꞌión tse kjoa̱‑isen‑tokòn tjín‑le̱,

nꞌión nda kiskònangi‑le̱ jmé kjoàn ni̱chrjin‑ni nga koan‑tsen jè niñò;

8 kꞌoa̱ kisikasén ya̱ Belén,

kitsò‑le̱:

—Tangión saꞌnda ya̱,

kꞌoa̱ nꞌión nda chjónangio xi tꞌatsꞌe̱ ꞌndí;

kꞌoa̱ kꞌia̱ nga koa̱nsjai‑no ti̱kinchrꞌoé‑naó jmé‑ni nga kꞌoa̱ti̱ kjoíkexkón‑nia tsànda an.

9 Kꞌia̱a ki jè chjo̱ta̱ xo̱kjoan nga je kinchrꞌoé‑le̱ chjo̱ta̱xá ngajko̱;

kꞌoa̱ to̱ i̱i koan,

jè niñò xi tsabe ya̱ jña tjo‑ni tsꞌoí kꞌoa̱asꞌìn ki títjòn‑le̱ nga tíbándia̱a‑le̱ saꞌnda nga kichò,

kꞌoa̱ ya̱ tje̱n kichò jè niñò ya̱ kìxi̱‑le̱ jña tíjna jè ꞌndí.

10 Kꞌoa̱ kꞌia̱ nga je tsabe jè niñò nga ya̱ tíjna kìxi̱‑le̱ ndꞌia,

nꞌión koan‑tsjoa-le̱ kꞌoa̱ nꞌión kisitsjoa.

11 Kꞌoa̱ kꞌia̱ nga jaꞌasꞌen ya̱ ndꞌia,

tsabe jè ꞌndí kao̱ María,

na̱‑le̱,

kꞌia̱ tsakjayojten‑tꞌa nangi,

tsabexkón jè ꞌndí;

kꞌoa̱ kiskoꞌaìngi kàxa̱‑le̱,

kꞌoa̱ kitsjoatꞌa‑le̱ kjoa̱tjaò:

tao̱n sinè,

xichaxi xi tì xi na̱ská na̱nje̱n kꞌoa̱ kao̱ ntsji̱n-yá xi nda nje̱n.

12 To̱nga kꞌoa̱a tsakꞌìn‑le̱ ya̱ ya nijñá‑le̱ nga tsì tsà ti̱ya̱ kàtafaꞌato‑nile̱ Herodes,

kꞌoa̱ xìn ndia̱a jaꞌa kꞌia̱ nga ki‑ni ya̱ ꞌnde‑le̱.

13 Kꞌia̱ nga je ki jè chjo̱ta̱ xi nꞌión tse kjoa̱‑isen‑tokòn tjín‑le̱,

kꞌoa̱akoan nga jngo cho̱ꞌnda ngꞌajmi‑le̱ Niná koan‑tsen‑le̱ José ya̱ ya nijñá‑le̱ kꞌoa̱ kitsò‑le̱:

«Tìso̱tjai̱n,

chjoaí jè ꞌndí kao̱ na̱‑le̱,

kꞌoa̱ ti̱yoí ya̱ na̱xi̱nandá‑je Egipto,

kꞌoa̱ ya̱ ti̱jnai saꞌnda kꞌia̱ nga an kꞌoa̱xín‑lè;

nga̱ kꞌoa̱akoa̱n nga jè chjo̱ta̱xá ngajko̱ Herodes,

koa̱asjai jè ꞌndí nga̱ koa̱nmè‑le̱ si̱ikꞌen».

14 Kꞌoa̱ José,

nga jaꞌá‑le̱ nga njiòn kiskoé jè ꞌndí kao̱ na̱‑le̱,

kꞌoa̱ ki ya̱ na̱xi̱nandá‑je Egipto,

15 (kꞌoa̱ ya̱ tsakꞌèjna saꞌnda nga kꞌen Herodes;

jmé‑ni nga kitjosòn‑ni jme xi Niná kitsò josꞌìn kinchja̱ jè chjo̱ta̱ xi kinchja̱ya ngajao‑le̱,

kꞌia̱ nga kitsò:

«Ya̱a na̱xi̱nandá‑je Egipto tíjna ꞌndí‑na̱ nga kinchjà‑le̱».^b)

16 Kꞌia̱ nga tsabe Herodes nga jè chjo̱ta̱ xi nꞌión tjín‑le̱ kjoa̱‑isen‑tokòn tsakꞌana̱cha̱‑le̱,

nꞌión jti koan‑le̱,

kꞌoa̱ tsakꞌénè nga kàtanìkꞌen ngatsꞌi xti ꞌndí xꞌi̱n xi kje jaò‑jìn‑le̱ nó,

xi tjió ya̱ na̱xi̱nandá Belén kao̱ ngatsꞌi xi tjió ya̱ jngotjondai‑le̱,

ya̱ tsakꞌa‑nile̱ jme ni̱chrjin xi kitsò nga tsabe títjòn niñò jè chjo̱ta̱ xi nꞌión tjín‑le̱ kjoa̱‑isen‑tokòn.

17 Kꞌoa̱ kꞌia̱a kitjosòn jè én xi kinchja̱ Jeremías chjo̱ta̱ xi kinchja̱ya ngajao‑le̱ Niná,

kꞌia̱ nga kitsò:

19 To̱nga kꞌia̱ nga je kꞌen Herodes,

kꞌoa̱koan nga jngo cho̱ꞌnda ngꞌajmi‑le̱ Niná,

jaꞌatsen‑le̱ ya̱ ya nijñá‑le̱ José nga tíjna ya̱ na̱xi̱nandá‑je Egipto,

20 xi kitsò‑le̱:

«Ti̱sótjai̱n,

chjoaí jè ꞌndí kao̱ na̱‑le̱,

kꞌoa̱ tꞌin ya̱ nangi Israel,

nga̱ jeè kꞌen ngatsꞌi xi koanme‑le̱ nga kisikꞌen jè ꞌndí».

21 Kꞌoa̱ kꞌia̱ tsakisótje̱n José,

kiskoé jè ꞌndí kao̱ na̱‑le̱,

kꞌoa̱ jaꞌai ya̱ nangi Israel.

22 To̱nga kinchrꞌoé nga jè Arquelao tíbatéxoma ya̱ ꞌnde Judea,

nga jè tíjna ngajao‑le̱ Herodes xi nꞌai‑le̱ koan,

kitsokjòn nga ki ya̱;

to̱nga tsakꞌaì‑le̱ kjoa̱kìxi̱ ya̱ ya nijñá‑le̱ nga̱ ki ya̱ ꞌnde Galilea,

23 kꞌoa̱ jaꞌai,

kꞌoa̱ ya̱a kisijchá yao‑le̱ ya̱ na̱xi̱nandá‑nꞌión Nazaret,

jmé‑ni nga kitjosòn‑ni jo kitsò kꞌa chjo̱ta̱ xi kinchja̱ya ngajao‑le̱ Niná,

nga chjo̱ta̱ Nazaret kꞌoín Jesús.^d