Jonás cu tꞌʌnic Jaj Tsꞌur
2
Tiꞌ yʌn Jonásoꞌ ich u jaꞌpnin nʌcꞌ cʌy.
Tu tꞌʌnic u Jaj Tsꞌurir Cꞌuj Jonás,
caj yaꞌaraj Jonás tiꞌ Jaj Tsꞌur:
2 Tarech a yamtiquen tu quin mucꞌyaj.
Quireꞌ tin tꞌʌnech ich tu chꞌic tamin tu cu bin mac a cu nʌj quimin.
Tiꞌ tin cꞌam tꞌʌnech:
""Yamten,
quen."
A techoꞌ Jaj Tsꞌur ta wuꞌyaj in tꞌʌniquech.
Jeroj,
tuneꞌ,
ta yamten.
3 Tu ta pichꞌintajen ich cꞌacꞌnab tu chꞌic tamin tu cheren ich u ruꞌumin cꞌacꞌnab.
Tʌcʌ jaꞌ tu yʌnen.
Jeroj,
tuneꞌ,
caj tar u chꞌic yum yamin cꞌacꞌnab quin caꞌ bosar quireꞌ ta tuchiꞌtaj.
4 A techoꞌ quin tucric Jaj Tsꞌur tech ta jocꞌsajen ta wicnʌn.
In tucric mix biqꞌuin quin bin in wiriquech caꞌcheꞌ Cꞌuj,
quen,
soc in caꞌ cꞌujintiquech tu cu nʌj cꞌujintiquech mac,
tu a raꞌ nʌjir a ricꞌsab tiꞌ u cꞌujintiquechob.
5 Tiꞌ toj cu tꞌʌnic Cꞌuj Jonás:
Caj bint jaꞌ ten caj in cꞌʌrajaꞌ caj quimen.
Caj u rʌc bʌcris tin joꞌr u cꞌuꞌ u cʌyir cꞌacꞌnab.
6 Caj binen chumuc cꞌacꞌnab chꞌic tam tu ruꞌumin tu cu yʌnxchun wits tu jorir tu cu yocor mac a cu quimin a tu mʌꞌ u jocꞌor mac.
Chen a techoꞌ in Jaj Tsꞌurech Cꞌuj ta toc jocꞌsa ten,
Cꞌuj,
tu cu mʌꞌ jocꞌar mac a cu quimin.
Ta tsꞌaja ten in cuxtar --baxuc cu tꞌʌnic Cꞌuj Jonás.
7 Bej caj in wuꞌyaj tin wor tan in quimin,
jeroj,
Jaj Tsꞌurir caj in tꞌʌnech,
Cꞌuj,
quireꞌ in jach tsꞌurirech,
Cꞌuj.
A techoꞌ ta wuꞌyaj in tꞌʌniquech tu yʌnech tu cu jacar yor mac tu cu cꞌujinticob a techoꞌ.
8 A mac a cu cꞌujinticob u rʌquir cꞌuj,
mʌꞌ baꞌwir tiꞌ,
jot.
Mʌꞌ ja wirej,
tech Cꞌuj,
tu pꞌuxpachtajob tech a mac a cu chen chꞌic otsir tiꞌ mac.
9 Barej a tenoꞌ,
jeꞌ in cꞌʌyic in cꞌay Cꞌuj quireꞌ tech quin cꞌujintiquech.
Jeꞌ in cꞌujintiquech tu quin quinsic in wʌrʌcꞌ in sija tech.
Chen jariꞌ Jaj Tsꞌur cꞌuchaꞌan yor u taꞌquic mac.
10 Jeroj tuneꞌ,
Cꞌuj caj u tꞌʌnaj cʌy caꞌ u xejen cʌy u saꞌamir cꞌacꞌnab.
A cʌyoꞌ caj u quibaj a baꞌ araꞌb ten Jaj Tsꞌur.