Sema Inpaamten Jesu Cristod John
Sema Maypangkep Niyay A Dibcho
Sema engisolat niya dibcho, si John i ngaran to. Iyay-elbat ired ma emati i seja too, si emo John a anak Zebedee a disipolon Cristo.
Idi insolat John iyay, aama wa. Nonta inpansolat to, iyan-iyan a singen iyaykalebos cha dogad a dinikmot na baybay a iyanngaran na Patmos. Into-no na gobirno na Roma chiwan kagol na iyankasabaan to maypangkep Cristo. Say inpansolat ton jay, nonta A.D. 95 emo la.
Nonta inpan-iya-iyan John cha Patmos, piyadigathan cha ira ma emati tep nat piyan chen onoran i Impirador na Roma a engowan i mesepol a chejawen na emiin a too. Isonga, iyansolat si John ired ma emati say pekedsang toy nemnem cha tan say memasig iren mematid Cristo angken piyadiga-digathan cha ira.
Sema insolat John, maypangkep iren ma mepesamak alin inpaamten Jesu Cristod si-kathod singen kokokip. Kigwan Cristo i mepesamak no on-oli did jay tan sema mepesamak no mantepos iya dobong.
Idi kigwan Cristo ira jay, in-arig to, tan sema banag na echom a in-arig to, iyangkedigat a ma-gwathan. Nem inam-ay a ma-gwathan i kainportantian iren jay a babaen Cristo, kolpin egwahen Afo Chiyos a emiin ira ma naengontred si-katho, tan sema iren naemetpet na pamati red Cristo, man-iyan ired Afo Chiyos na ingked ingka.
Sema Iyaysolat
Sema kapoanan na solat 1:1-8
Sema pilmiron singen kokip a iyaybiybiy cha John 1:9-20
Sema solat ired ma pithon gropon emati 2:1—3:22
Sema kaychejaw Afo Chiyos cha dangit 4:1-11
Sema ekofikop a papil tan Ngalobon Kalniro 5:1-14
Sema pithon engipket niwa ekofikop a papil 6:1—8:1
Sema pithon trompita 8:2—11:19
Sema bii tan sema dragon 12:1-18
Sema chegwen emanekot a animal 13:1-18
Sema Ngalobon Kalniro tan sema 144,000 a toon insalakan to 14:1-5
Sema kaani iren ma tood dobong 14:6-20
Sema pithon malokong a iyapno na chosa 15:1—16:21
Sema biin iyansahay cha emanekot a animal 17:1-18
Sema ingka-gwak na Babylon tan ingka-gwak na emiin a naengontred Afo Chiyos 18:1—20:10
Sema kaonoran a pengowis Afo Chiyos na emiin a too 20:11-15
Sema badon dangit, badon dobong, tan badon Jerusalem 21:1—22:5
Sema kaonoran na solat 22:6-21