Sema Solat
JUDE
Sema Maypangkep Niyay A Dibcho
Sema engisolat niyay, si Jude a orichiyan James. Insolat Jude ired ma ematid Jesu Cristo, nem nat aamtaan iriy kad-an iren ma emati. Sema inpangisolat to, nonta A.D. 65-80 emo la.
Say kagol na iyansolathan Jude niyay, gwara ira ma iyayka-chom cha ematin naiyantoro na nat podno. Nakigwan cha i angken onoran iren ma ematiy ensekig a panbiyag tep pekawanan ngorechan Afo Chiyos kagol na kaasi tho. Isonga, iyansolat si Jude a banchaanan to ira ma emati say kontraen chiy ite-itek a naintoro iren ma too. Kigwan Jude ired ma emati i chosaen Afo Chiyos ira ma too kagol na ngaaw a naima-imag cha. Inbilin to ngo ired ma emati i mesepol a singpeten chen onoran iwa podnon toro-toron edafod Afo Chiyos.
Sema Iyaysolat
Sema kapoanan na solat 1:1-2
Sema bancha maypangkep iren ma naiyantoro na nat podno 1:3-4
Sema chosen Afo Chiyos iren ma iyanbasol nontan da 1:5-7
Sema ensekig a panbiyag iren ma naiyantoro na nat podno tan chosa ra 1:8-13
Sema padton Enoch maypangkep na kekowis iren ma naiyantoro na nat podno tan kechosa ra 1:14-16
Sema padto iren ma apostolis maypangkep iren ma naiyantoro na nat podno 1:17-19
Sema bilin ired ma ematin mesepol a pekedkedsang chiy pamati ra say a-magen chiy mapteng 1:20-23
Sema panchejaw Jude cha Afo Chiyos 1:24-25