Sema Maypangkep Iren Ma Naengibalnay Na Naemati
3
Podno jay a kowan konen sema piyan ton manbalin na mengibalnay iren ma naemati, epateg i obden piyan to. 2 Isonga mesepol a nagwariy maypabasol cha si-katho. Mesepol ngon sa-kiy imbaliy to tan nat iyanbii-bii. Manemnem komen toon naengitifel na piyan na angel to, tan rispiktaren koma na tothoo. Sintilen to koma iriy bisita, tan edaing komen mantoro. 3 Nat mabotheng koma. Nat mabekal koma, no diket man-anos koma. Nat mabonget koma, tan nat aagom pay koma na pilak. 4 Amta tho komen mantaripato na pamilja tho say patien na aanak to tan say rispiktaren cha. 5 Tep no eg to amten mantaripato na pamilja tho, mebedin ayen taripatoen to ira ma naematid Afo Chiyos? 6 Sema mengibalnay na naemati, mesepol a nat sema ihay pamati tho, nahol ni onpahi-tek, et chosaen Afo Chiyos a inges to ngoy Diablon pimahi-tek. 7 Mesepol ngon rispiktaren na too, angken sema iren nat naemati. Tep no nat mapteng i ogadi na naengibalnay, mengsel i too na ngaaw maypangkep cha si-katho, et mecharal emoy ngaran to. Et si-kathoy pesing na Diablon menaol say manbesol iwa naengibalnay.Sema Maypangkep Iren Ma Natimolong Na Naengibalnay Ired Ma Naemati
8 Sema iren dalekin epispis a ontolong ired ma naengibalnay, mesepol ngon mapteng i ogadi ra say merispiktar ira, tan mesepol a nat man-itek ira. Nat mabotheng koma ira, tan nat aagom pay koma ira na pilak. 9 Petpetan cha komay podnon toro-toron inpaamten Afo Chiyos cha si-kathayo maypangkep na pamatid Cristo, tan ono-onoran cha koma ma toro-toro say edinis i konsinsiya ra. 10 Sema iren pispisen mon ontolong, paras mo nin ira, et no mesi-neng a nagwariy maypabasol cha si-kara, mebedin a mansilbi iren katolong na naengibalnay. 11 Tan sema iren imbaliy cha ngo, mapteng komay ogadi ra say merispiktar ira, tan nat man-oma-omang koma ira. Manemnemnem koma ira, tan naepiyal koma ired emiin a naima-imag cha. 12 Sema iren ontolong na naengibalnay, mesepol a sa-kiy imbaliy cha tan nat iyanbii-bii ira. Amta ra komen mantaripato na kosto na anak cha tan pamilja ra. 13 No mapteng i pesing iren ma dalekin ontolong, merispiktar ngo ira, et ontoled pay iren mengigwanggwang maypangkep na pamati red Cristo Jesus.
14 Kowan isolat ira jay cha si-kam niman, angken kowan namnamaa i magenon onkowanak ded tan. 15 Sema pangkep kon mansolat niman, angken no metaktahak, amtaen mo ngorechan i mapteng a panbiyag a onoran koma na pamiljen Afo Chiyos. Tep si-kathayon emiin a naematid sibibiyag a Afo Chiyos, may-arig kiyed tohod tan iyaytegwenan na baliy Afo Chiyos tep si-kathayoy engipiyalan to na podnon toro-toro say maytoron kosto-kosto tan nat mesa-sa-dathan. 16 Amta thayon emiin i sema iren toro-toro maypangkep Cristo Jesus a napiyati thayo ket, epateg a pasiya. Sigod a nat inpaamten Afo Chiyos iwa toro-torod tothoo, nem niman inpaamta thod si-kathayo.
Si Cristo, iyanbalin na too.
Piyaneknekan na Ispirito Santo i maronong.
Mita iren ma anghilis.
Inkasaba iren ma too i maypangkep cha si-kathod
chakel a ili.
Sema iren tood ja dobong, emati ired si-katho.
Et inkayang Afo Chiyos cha dangit
say mechejaw si Cristo.