22
Jix lawi jun tuꞌ,
catuꞌ jix xꞌoxon jun miman jaꞌ jun ángel tuꞌ ey jin an,
jun jaꞌ jaꞌ caw saj.
Jaꞌ jaꞌ chi akꞌon cu kꞌinal tol ey cꞌal yin tobꞌalkꞌinal.
Chi tzejeji jaxca chꞌen nen.
Jaꞌ bꞌey sdespacho Dios bꞌey eyecꞌ Dios yetoj Naj Yuneꞌ Meꞌ tuꞌ,
jatuꞌ chi eltej.
2 Jaꞌ yul snan jun miman scalleal jun conobꞌ tuꞌ,
jatuꞌ chi bꞌey jun jaꞌ.
Jaꞌ bꞌey caabꞌ spaqꞌuil stiꞌ jaꞌ,
jatuꞌ awbꞌil teꞌ teꞌ chi akꞌon cu kꞌinal tol ey cꞌal yin tobꞌalkꞌinal.
Jaꞌ teꞌ teꞌ tuꞌ,
lacaw el chi satni teꞌ yul abꞌil,
yuxan junjun xꞌaaw chi satni teꞌ.
Chi oc xaj teꞌ yambꞌal oj masanil nación.
3 Cꞌam junoj tzetyetal,
ma cꞌam junoj mactxequel tol yaabꞌetaj yili yul sat Dios oj oc tituꞌ.
Jaꞌ bꞌey jun conobꞌ tuꞌ,
jatuꞌ eey sdespacho Dios cꞌal Naj Yuneꞌ Meꞌ tuꞌ.
Jaꞌ ebꞌ yakꞌomal servil,
oj yiꞌey sbꞌa ebꞌ tet.
4 Oj yil sat Naj ebꞌ.
Oj stzꞌibꞌe oc sbꞌi yin spalan ebꞌ.
5 Jaꞌ tituꞌ,
cꞌamxa akꞌbꞌalil.
Jaꞌ ebꞌ oj oc tituꞌ,
cꞌamxa yopiso tzejtebꞌal yu ebꞌ.
Cꞌamxa yopiso yajan cꞌu yu ebꞌ.
Yutol jaꞌ Naj Kaawil Dios oj tzejtanen ebꞌ.
Oj yakꞌ ebꞌ yaawilal yin tobꞌalkꞌinal.
Tuxa Oj Jul Jesucristo
6 Catuꞌ jix yalon jun ángel tuꞌ ey jin jaxca tiꞌ an:
—Chi skeꞌ ja waon oc wan kꞌane tiꞌ yipoj ja cꞌul,
yutol caw yel.
Jaꞌ Naj Kaawil Dios,
jaꞌ Naj jix akꞌon yal ebꞌ ẍejabꞌ.
Jaꞌ Naj jix chejontej jun yángel,
jix jul yakꞌon yotajne el ebꞌ yakꞌomal servil,
wan tzettaj yetal tuxa chi juli,
ẍi jun ángel tuꞌ.
7 —¡Abꞌwej!
Janicꞌxane catuꞌ chin jul an,
ẍi Jesucristo.
Caw watxꞌ yet ebꞌ chi jijen tzet tzꞌibꞌebꞌilcan yul jun libro tiꞌ.
8 Jain Juan jin tiꞌ,
jain jix wabꞌ an,
catuꞌ jix wilon wan tiꞌ an.
Jaꞌ yet jix lawi wabꞌen an,
cꞌal jix lawi wilon wan tiꞌ,
catuꞌ jix jin ey kaan sattaj jun ángel jix akꞌon wotajne el tuꞌ,
catuꞌ jix wiꞌon ey jin bꞌa tet.
9 Jix yalon wal ey jin jaxca tiꞌ an:
—Manche ja wute jaxca tuꞌ,
yutol jain tiꞌ,
yakꞌomal jin pax servil Dios ja wetoj,
cꞌal yetoj ebꞌ ja wuẍtaj.
Ebꞌ ẍejabꞌ,
cꞌal jantaj ebꞌ chi jijen tzet tzꞌibꞌebꞌilcan yul jun libro tiꞌ.
Jaꞌ tet Dios,
jatuꞌ smoo che yiꞌey ja bꞌa,
ẍi ey jin an.
10 Catuꞌ jix yalon pax junxa tiꞌ ey jin an:
—Manche ja cꞌubꞌa el wan tzet tzꞌibꞌebꞌil ey yul jun libro tiꞌ,
yutol tuxa oj yun tzet chi yalaꞌ.
11 Jaꞌ tinaniꞌ,
jaꞌ mac chi yun spenail,
yun ojabꞌ cꞌal spenail tuꞌ.
Yetoj ebꞌ yaabꞌetaj sbꞌeybꞌal,
sbꞌeybꞌalne ojabꞌ cꞌal ebꞌ.
Jal pax ebꞌ eyoc snaꞌbꞌal yin Dios,
ya ojabꞌ cꞌal oc snaꞌbꞌal ebꞌ yin Dios tuꞌ,
ẍi ey jin an.
12 Catuꞌ jix yalon Jesús jaxca tiꞌ:
—Abꞌwej,
janicꞌxane catuꞌ chin jul an.
Iꞌbꞌil oc spajtzebꞌal junjun mactxequel wu an,
jatacꞌalaꞌ tzet jix el yunen junjun.
13 Jain tiꞌ,
bꞌabꞌel jin sattaj masanil tzettaj yetal,
catuꞌ slawubꞌal jin pax oj.
Jaxca yakꞌon caabꞌ letra A yetoj Zeta,
quey jin tuꞌ an.
Bꞌabꞌel jin sattaj masanil tzetyetal,
catuꞌ slawubꞌ jin masanil tzettaj yetal,
ẍi Jesucristo.
14 Jaꞌ ebꞌ chi iꞌle can el spenail,
jaxca tol chi txꞌale el spichil ebꞌ.
Caw watxꞌ yet ebꞌ,
yutol ey yalon yet ebꞌ sloꞌon sat teꞌ teꞌ chi akꞌon cu kꞌinal tol ey cꞌal yin tobꞌalkꞌinal.
Oj skeꞌ yoctoj ebꞌ bꞌey spuertail jun conobꞌ tuꞌ.
15 Ey wan ebꞌ ma skeꞌ yoctoj.
Jaꞌton ebꞌ pena snaꞌbꞌal,
jaxca junoj noꞌ txꞌiꞌ,
yetoj ebꞌ atxum,
ebꞌ amul,
ebꞌ makꞌom cam ánima,
ebꞌ chi yiꞌey sbꞌa tet tzet chi al-le oc diosal,
yetoj ebꞌ eyoc scꞌul yin lekꞌtiꞌal catuꞌ chi yakꞌon pax lekꞌtiꞌal tuꞌ.
Jaꞌ jantaj ebꞌ tiꞌ,
ma skeꞌ yoctoj ebꞌ.
16 Catuꞌ jix yalon Jesús junelxa jaxca tiꞌ:
—Jain ton Jesús jin an,
jix jin chejtej jun wángel yu jul yalon wan tiꞌ ey jaach,
yet watxꞌ chi al-le tet ebꞌ creyente bꞌey junjun iglesia.
Wu jain tiꞌ,
yuxan jix jul naj rey David,
jix jin oc pax sqꞌuexeloj naj yin Yaawil.
Laan jin jaxca jun miman weycan chi tzejeji yet skꞌinibꞌ,
ẍi Jesús.
17 Jaꞌ Naj Yespíritu Dios yetoj ebꞌ oj oc jaxca yistil oj Naj chi yij Yuneꞌ Meꞌ tuꞌ,
chi yal ebꞌ jaxca tiꞌ:
—Titan,
ẍi ebꞌ.
Yetoj ebꞌ chi abꞌeni:
—Titan,
ẍi ojabꞌ pax ebꞌ.
Jaꞌ mac chi taj stiꞌ,
tit ojabꞌ ebꞌ;
ta chi yoche ebꞌ,
yucꞌ ojabꞌ ebꞌ jaꞌ jaꞌ chi akꞌon cu kꞌinal tol ey cꞌal yin tobꞌalkꞌinal.
Jaꞌ jun jaꞌ tuꞌ,
tucꞌal chi akꞌlei.
18 Jaꞌ jaex je masanil mac jex che yabꞌ tzet jix xꞌoxel Dios yin eyojto yul jun libro tiꞌ,
jaꞌ ey jex oj waltoj junxa tiꞌ:
Ta ey mac oj aon oc yakꞌil wan kꞌane tiꞌ,
jaꞌ wan syaꞌilal chi yaltej jun libro tiꞌ,
oj yatej Dios yibꞌan ebꞌ.
19 Ta ey mac oj iꞌon el junoj tzet jix xꞌoxel Dios yin eyojto yul jun libro tiꞌ,
cꞌamxa yalon yet ebꞌ yoctoj bꞌey sconobꞌ Dios cꞌal yin teꞌ teꞌ chi akꞌon kꞌinale.
Jaꞌ yul jun libro tiꞌ jix tzꞌibꞌelecan skꞌaneal kꞌinale,
cꞌal skꞌaneal sconobꞌ.
20 Jaꞌ jun jix alon wan tiꞌ,
jacꞌal oc chi alon pax jaxca tiꞌ: