Jaꞌ jun libro tiꞌ jix tzꞌibꞌelecan yet abꞌil 56 d.C. Jaꞌ naj Pablo jix tzꞌibꞌencan yet eyecꞌ naj bꞌey conobꞌ Filipo.

Jix stzꞌibꞌetoj naj Pablo jun carta tiꞌ tet ebꞌ creyente a conobꞌ Corinto, Yutol ey ebꞌ creyente pena tzet jix yal ebꞌ yin Pablo bꞌey jun iglesia tuꞌ. Jal pax Pablo xin, caw ey scamcꞌulal yin ebꞌ, ey wal ecꞌ yin snaꞌbꞌal tol chi xꞌox swatxꞌcꞌulal tet ebꞌ, chi xꞌoxon eloj tol chi tzala naj yetoj ebꞌ.

Jaꞌ yet tax jix el yich, jix yal Pablo tzet yu, yuxan jow jix yun yalontoj tet jun mac pena chi el yuneni, yetoj tet wanxa ebꞌ jix ochen tol chi oc tucan Pablo yin smulnail. Caw chi tzalai, yutol jow jix yute sbꞌa tet ebꞌ, yu jun tuꞌ, yuxan jix qꞌuexcha snaꞌbꞌal ebꞌ creyente, eyxa tzalacꞌulal xol ebꞌ.

Jix lawi tuꞌ, jix skꞌanon jun ofrenda tet ebꞌ yet chi too jun colwal tuꞌ tet ebꞌ creyente a Judea. Caxcꞌal mi ey ebꞌ a Corinto chi tzꞌaj yaloc sbꞌa ẍejabꞌoj Cristo, jal naj Pablo tol abꞌ man ẍejabꞌoj Cristo yalon ebꞌ.