Ebꞌ Jix Slatiꞌne Sbꞌa Tzet Utbꞌil Oj Yute Smitxꞌon Jesús
14
Caabꞌe oj xacꞌal yoc skꞌin Pascua ebꞌ Israel,
yet chi sloꞌon ixim pan ebꞌ cꞌam yich,
catuꞌ jix syambꞌa oc sbꞌa ebꞌ yaawil yakꞌomal xaambꞌal ebꞌ Israel tuꞌ tet Dios,
yetoj ebꞌ cuywam yin sley Moisés.
Jix cꞌoli slatiꞌne ebꞌ tzet utbꞌil chi yute smitxꞌon Jesús ebꞌ yin ewantajil,
catuꞌ chi yakꞌon cam naj ebꞌ yaloni.
2 Jix yal ebꞌ jaxca tiꞌ:
—Ma skeꞌ cu mitxꞌon yul kꞌin,
yutol ey smey,
oj tit sjowal ebꞌ ánima kin yu,
ẍi ebꞌ.
Jun Ambꞌal Sukꞌukꞌi Sabꞌ Abꞌil Atoj Yin Sjolom Jesús
3 Eyecꞌ Jesús bꞌey Betania,
bꞌey sna naj Simón,
naj yaꞌey yet yalantoj yu jun yaꞌbꞌil chi kꞌaꞌtoj ánima yu,
jun chi yij lepra.
Chotan ey Jesús tuꞌ slowi,
catuꞌ jix apni jun ix ix scꞌatan.
Yetbꞌi oc ix jun chꞌen alabastro limeta.a
Nonaj yu jun ambꞌal sukꞌukꞌi sabꞌ,
caw miman stool,
nardo sbꞌi.b
Jix jul cꞌal ix,
catuꞌ jix swukꞌon el snukꞌ chꞌen ix,
catuꞌ jix stobꞌon atoj ix yibꞌan sjolom Jesús tuꞌ.
4 Asan xin,
ey cawan ebꞌ eyecꞌ xol ebꞌ eyecꞌ tituꞌ jix tit sjowal ebꞌ.
Jix yalon ebꞌ jaxca tiꞌ:
—¿Tzet yuxan tucꞌal chi etnele el jun ambꞌal sukꞌukꞌi sabꞌ tiꞌ?
5 Tol oj wal jix txonle eloj,
catuꞌ jix poꞌole ecꞌ stool xol ebꞌ mebꞌa,
yutol jaꞌ jun tiꞌ ecꞌbꞌan mi junoj oxebꞌ mil quetzalc stool,
ẍi ebꞌ.
Caw jix tit sjowal ebꞌ yin ix ix tuꞌ.
6 Catuꞌ jix yalon Jesús tet ebꞌ jaxca tiꞌ:
—Bꞌejwej je yalon jun tiꞌ jaxca tuꞌ,
¿tzet yuxan pena che yal yin ix?
Jaꞌ jun jix yun ix win tiꞌ an,
caw watxꞌ.
7 Jaꞌ ebꞌ mebꞌa che yal tuꞌ,
ey cꞌal ecꞌ ebꞌ je yetoj.
Jaꞌ yet oj je yochen oj je yakꞌ junoj tzetyetal tet ebꞌ,
oj skeꞌ je yakꞌoni.
Jal jin,
jain tiꞌ,
man tobꞌalkꞌinal oj ey jin ecꞌ je yetoj.
8 Jaꞌ masanil tzet chi skeꞌ yu ix jix yakꞌ ey jin an.
Yin eyojto chi yaon oc ix jun sukꞌukꞌi sabꞌ tiꞌ yin jin mimanil tiꞌ,
yet watxꞌ listo xa ye jin mimanil an,
catuꞌ chin too mujleoj.
9 Caw yel chi wal ey jex an,
yal cꞌal tzet conobꞌal yul yibꞌankꞌinal tiꞌ bꞌey oj al-le el skꞌaneal yet colbꞌanile,
oj al-le pax el skꞌaneal jun tzet jix yun ix ix tiꞌ,
yu snaꞌletej ix,
ẍi Jesús tet ebꞌ.
Jix Yakꞌ Stiꞌ Judas Yaon Oc Jesús Yul Skꞌabꞌ Camich
10 Jaꞌ naj Judas Iscariote,
naj eyoc stzꞌajiloj ebꞌ lacawan scuywom Jesús,
jaꞌ jix bꞌetecꞌ kꞌanabꞌ yetoj ebꞌ yaawil yakꞌomal xaambꞌal ebꞌ Israel tet Dios,
yu bꞌet slatiꞌne yaon oc Jesús yul skꞌabꞌ ebꞌ.
11 Jaꞌ yet jix yabꞌen ebꞌ,
caw jix tzala a ebꞌ,
yuxan jix yakꞌ stiꞌ ebꞌ,
yaon oc tumin ebꞌ tet Judas tuꞌ.
Jix cꞌoli seyon tzet utbꞌil oj yute yaon oc Jesús yul skꞌabꞌ ebꞌ.
Cena Naj Kaawil
12 Jaꞌ yet sbꞌabꞌel scꞌual jun kꞌin yet chi loꞌole ixim pan cꞌam yich,
yet chi akꞌle cam noꞌ meꞌ yet Pascua,
* jix yakꞌ kꞌanlebꞌal ebꞌ scuywom tuꞌ tet Jesús:
—¿Bꞌeytuꞌ cha woche chi too cu waꞌne junoj lugar bꞌey oj cu lowoj,
yu cu naꞌontej Pascua tiꞌ?
ẍi ebꞌ tet Jesús.
La última cena (Marcos 14.12-26)
—Asiꞌwej bꞌey conobꞌ.
Ey jun winaj oj je yil yin tituꞌ,
iꞌbꞌil oc jun mooc jaꞌ yu.
Chex tzajlo cꞌal yintaj naj.
14 Jaꞌ bꞌey chi apni,
che yal tet naj ey sna tuꞌ jaxca tiꞌ:
“Quey tiꞌ jix yun yalon Naj cu cuywam tiꞌ ey jon.
¿Bꞌeytuꞌ ey jun cuarto bꞌey oj jin low yetoj ebꞌ jin cuywom,
yu cu naꞌontej Pascua tiꞌ?
ẍi,”
je chi tet.
15 Catuꞌ oj xꞌoxon jun mimantaj cuarto ey jex waꞌnebꞌilxa eloj.
Naat eya jun cuarto tuꞌ.
Jatuꞌ che waꞌne tzet oj cu loꞌ,
ẍi Jesús tet ebꞌ.
16 Catuꞌ jix too ebꞌ cuywom tuꞌ,
catuꞌ jix apni ebꞌ yul conobꞌ.
Jix ilcha yu ebꞌ jaxca cꞌal jix yute yalon Jesús tuꞌ tet ebꞌ.
Catuꞌ jix swaꞌnen ebꞌ tzet oj sloꞌ ebꞌ yu Pascua tuꞌ.
17 Jaxa yet skꞌejbꞌintajil xin,
catuꞌ jix apni Naj yetoj ebꞌ scuywom slacawanil.
18 Jaꞌ yet lalan slow ebꞌ yin meẍa tuꞌ,
catuꞌ jix yalon Jesús tet ebꞌ jaxca tiꞌ:
—Caw yel chi wal ey jex an,
jaꞌ jun oj jin aon oc yul skꞌabꞌ camich,
eyecꞌ cu xol tiꞌ,
lalan slow ketoj,
ẍi Jesús tet ebꞌ.
19 Catuꞌ jix cusa scꞌul ebꞌ yet jix yabꞌen jun kꞌane tuꞌ ebꞌ.
Yuxan junjunal jix yute skꞌanlen el ebꞌ tet:
—Jaꞌ je xol je lacawanil eyocoj.
Lalan slow wetoj an,
yul jun plato eey cu nan tiꞌ.
21 Jain tiꞌ,
Akꞌbꞌil Wopiso xol ebꞌ ket animail yu Dios tiꞌ,
sowalil oj jin cam jaxca yal-le can yul An Juun Tzꞌibꞌebꞌilcanoj.
Asan xin,
caw okꞌbꞌalcꞌule jun oj jin aon oc yul skꞌabꞌ camich tuꞌ.
Yel xacꞌal watxꞌ yet,
ta ma cꞌaltaꞌ aloj,
ẍi Jesús tet ebꞌ.
22 Lalan slow ebꞌ,
jix yiꞌon a ixim pan tuꞌ Jesús.
Jix yalon yu diosal yu ixim.
Jix lawi tuꞌ jix spoꞌon eyoj,
jix yakꞌon tet ebꞌ:
—Loꞌwej,
jaꞌton jin mimanil tiꞌ,
ẍi Jesús tet ebꞌ.
23 Catuꞌ jix yiꞌon pax a jun vaso.
Jaꞌ yet jix lawi yalon yu diosal yu,
catuꞌ jix yaontoj tet ebꞌ.
Masanil ebꞌ,
jix uqꞌuen eltej tzet eey yul jun vaso tuꞌ.
24 Jaꞌton jun tiꞌ jin chiqꞌuil.
Jaꞌ yu,
yuxan oj yun jun acꞌ swa kꞌane Dios.d
Oj el jin chiqꞌuil tiꞌ,
yet watxꞌ ecꞌal mac oj colcha yu.
25 Caw yel chi wal ey jex an,
cꞌamxa bꞌey oj wucꞌ yal uva,
jato cꞌal yet oj oc Dios Yaawilal catuꞌ oj wuqꞌuen je yetoj junelxa,
ẍi Jesús tet ebꞌ.
Yin Eyojto Jix Yalon Jesús Tol Oj Yiꞌel Naj Pedro Yin
26 Jix lawi sbꞌitnen jun bꞌit ebꞌ chi sbꞌitne cꞌaltaꞌ ebꞌ tet Dios,e
catuꞌ jix too ebꞌ bꞌey wonan Olivo tuꞌ.
27 Jix yalon Jesús tet ebꞌ tituꞌ jaxca tiꞌ:
—Jaꞌ yet jun akꞌbꞌal tiꞌ,
oj caabꞌlabꞌoj a je cꞌul win je masanil an.
Queytuꞌ yalon can yul An Juun Tzꞌibꞌebꞌilcanoj,
chi yal jaxca tiꞌ:
“Oj wakꞌ cam naj ilom meꞌ.
Jaꞌ noꞌ meꞌ tuꞌ,
oj sajlem cantoj noꞌ,”
ẍi An Juun tuꞌ.f
28 Jaꞌ yet chin pitzcꞌu pax aoj,
oj jin bꞌabꞌojtoj je sattaj bꞌey Galilea,
ẍi Naj tet ebꞌ.
29 Catuꞌ jix cam yalon naj Pedro tuꞌ tet Naj jaxca tiꞌ:
—Caxcꞌal mi chi caabꞌlabꞌi a scꞌul ebꞌ masanil ja win,
jal jin,
jain tiꞌ ma cꞌaltaꞌ caabꞌlabꞌi a jin cꞌul ja win an,
ẍi naj.
30 —Caw yel chi wal ey jaach an,
jaꞌ yet jun akꞌbꞌal tiꞌ,
oxelxa jin ja wiꞌon el ja win catuꞌ oj okꞌ noꞌ caẍlan yet scaelal,
yet oj ja waloni,
tol ma jin ja wotaj oj,
ẍi Jesús tet Pedro tuꞌ.
31 Jal naj Pedro tuꞌ xin,
jix stecꞌbꞌa cꞌal sbꞌa yaloni,
tol oj stecꞌbꞌa sbꞌa:
—Caxcꞌal oj jin cam ja wetoj an,
tutun ma jaach wiꞌel win an,
ẍi naj tet Jesús.
Jun laan cꞌal yalon ebꞌ scuywom tuꞌ masanil jaxca tuꞌ.
Jix Txali Jesús Bꞌey Getsemaní
32 Jix lawi tuꞌ xin,
catuꞌ jix apni Jesús yetoj ebꞌ scuywom tuꞌ bꞌey jun lugar chi yij Getsemaní.
Catuꞌ jix yalon tet ebꞌ tuꞌ jaxca tiꞌ:
—Eyanwej can chotan titiꞌ,
yajbꞌan chin too txaloj,
ẍi Naj tet ebꞌ.
Jesús es arrestado e interrogado (Marcos 14.32-27)
33 Asan Pedro yetoj Jacobo cꞌal Juan jix yiꞌtoj yetoj.
Catuꞌ jix cꞌoli scusa scꞌul cꞌal yoc yin bꞌiscꞌulal.
34 Yuxan jix yal tet ebꞌ jaxca tiꞌ:
—Ian chin cam yu cuscꞌulal chi wabꞌ an.
Cananwej titiꞌ,
iquis ojabꞌ jex wetoj an,
ẍi Naj tet ebꞌ.
35 Catuꞌ jix sjitzontoj sbꞌa janicꞌ xa sattajto catuꞌ jix ey noan sat txꞌotxꞌ,
jix txali yu skꞌanoni ta chi skeꞌ cꞌam chi jul jun syaꞌilal tuꞌ yibꞌan yet jun yorail tuꞌ.
36 Jix yal yin xa jaxca tiꞌ:
—Mamin,
masanil cꞌal tzetyetal chi cꞌal skeꞌ ja wu.
Ta chi skeꞌ tol cꞌam chi jul jun syaꞌilal tiꞌ wibꞌan.
Man ojabꞌ jaxca oj tzet chi woche jain tiꞌ an,
jaꞌ ojabꞌ ja wochwan chi yunne,
ẍi Jesús.
37 Jix lawi tuꞌ,
catuꞌ jix apni scꞌatan ebꞌ oxwan tuꞌ,
jix yiloni,
tol lalan swey ebꞌ.
Yuxan jix yal tet naj Pedro jaxca tiꞌ:
—Simón,
¿tumi lalan ja weyi?
¿Tumi ma skeꞌ ja tecꞌbꞌan ja bꞌa tet weyan junoj hora wetoj an?
38 Iꞌwej el je weyan.
Txalanwej,
yet watxꞌ cꞌam chex eyqꞌueyi,
yet ey mac chi yakꞌle jex yijbꞌan yin spenail.
Jaꞌ cu pixan tecꞌan ton yei,
jal pax cu mimanil cꞌam chi techa yu,
ẍi Jesús tet ebꞌ.
39 Catuꞌ jix too txaloj junelxa.
Jaxca cꞌal jix yute txaloj sbꞌa yet sbꞌabꞌelal,
queytuꞌ jix bꞌet yute txaloj sbꞌa junelxa.
40 Jaꞌ yet jix jul junelxa,
jacꞌalaꞌ chi wey ebꞌ,
yutol caw cꞌam chi techa weyan yu ebꞌ.
Ma xa naꞌcha tzet jix yute takꞌwoj sbꞌa ebꞌ tet.
41 Jaꞌ yet jix bꞌetecꞌ txaloj yet yoxelal,
jix yalon tet ebꞌ jaxca tiꞌ:
—¿Tumi jacꞌalaꞌ je weyi?
¿Tumi comon xewilal che yunne?
Kꞌojbꞌilxa,
jix aapnoj yorail wale oc yul skꞌabꞌ ebꞌ penawom,
jain Akꞌbꞌil Wopiso xol ebꞌ ket animail yu Dios.
42 Aan linanoj toonwej.
Chi jul naj oj jin aon oc yul skꞌabꞌ ebꞌ,
ẍi Jesús tet ebꞌ.
Skꞌaneal Yet Jix Michꞌcha Jesús
43 Lalanto yalon tuꞌ,
catuꞌ jix apni Judas,
naj jix ocle stzꞌajiloj ebꞌ lacawan.
Ecꞌal ánima jix apni yetoj.
Ey ebꞌ iꞌbꞌil oc yespada,
ey ebꞌ iꞌbꞌil steꞌ.
Jaꞌ ebꞌ yaawil yakꞌomal xaambꞌal ebꞌ tet Dios,
cꞌal ebꞌ cuywam yin sley Moisés,
yetoj ebꞌ icham winaj ey yopiso,
jaꞌ ebꞌ jix chejon ebꞌ.
44 Jaꞌ Judas tuꞌ,
jaꞌton naj jix txonon Jesús,
albꞌilxa yu,
tzet oj yute xꞌoxon ocoj,
jix yal tet ebꞌ jaxca tiꞌ:
—Jaꞌ jun oj jin tzꞌubꞌel stiꞌ,
jaꞌton jun tuꞌ,
che mitxꞌa.
Cꞌanani che yute catuꞌ che yiꞌontoj,
ẍi naj tet ebꞌ.
45 Yu jun tuꞌ,
yuxan palan cꞌal yapni naj yin Jesús.
—Jaach Cuywam,
ẍi naj tet Jesús.
Catuꞌ jix oc tzꞌubꞌna yin stiꞌ Naj.
46 Catuꞌ jix oc bꞌulna ebꞌ yin,
jix smitxꞌon ebꞌ,
catuꞌ jix iꞌletoj Naj yu ebꞌ.
47 Jaꞌ ebꞌ yaman yetoj,
ey jun jix yiꞌatej yespada.
Jix tzokꞌon el xiquin jun smooso naj yaawil yakꞌomal xaambꞌal ebꞌ tet Dios.
48 Catuꞌ jix yalon Jesús tet ebꞌ ánima jix apni bꞌulna yin tuꞌ jaxca tiꞌ:
—¿Tumi elkꞌom jin che yilaꞌ,
yuxan iꞌbꞌil oc je yespada,
cꞌal je teꞌ chi jul jin je mitxꞌoni?
49 Junjun cꞌal cꞌu jix jin cuywa je xol yul stemplo Dios,
ma pax jin je mitxꞌ tituꞌ.
Jaxca ton tiꞌ chi yun xin,
yu yunen tzet tzꞌibꞌebꞌilcan yul An Juun Tzꞌibꞌebꞌilcanoj,
ẍi tet ebꞌ.
50 Jix bꞌejlecan Naj yu ebꞌ scuywom xꞌojli,
jix eltoj ebꞌ masanil.
Jun Naj Achꞌe Jix El Tꞌirtꞌonoj
51 Ey pax jun naj achꞌe tzajan cꞌal yintaj naj.
Pichan oc jun an sábana yin smimanil,
catuꞌ jix oc mitxꞌna ebꞌ yin naj.
52 Jix sbꞌejcan an sábana naj yul skꞌabꞌ ebꞌ,
catuꞌ jix el tꞌirtꞌon naj.
Jix Bꞌetecꞌ Jesús Sattaj Ebꞌ Sat Yaaw
53 Catuꞌ jix yiꞌontoj Jesús ebꞌ tuꞌ,
bꞌey naj yaawil yakꞌomal xaambꞌal ebꞌ Israel tet Dios.
Jaꞌ taꞌ tituꞌ jix syambꞌa oc sbꞌa masanil ebꞌ yaawil ebꞌ yakꞌomal xaambꞌal ebꞌ tet Dios,
yetoj ebꞌ icham winaj,
cꞌal ebꞌ cuywam yin sley Moisés.
54 Jal pax Pedro xin,
naat tzajan yintaj Jesús masantaꞌcꞌal jix apni bꞌey yamakꞌil sna naj sat yaawil ebꞌ tuꞌ.
Catuꞌ jix ey chotan kꞌaẍnoj yetoj ebꞌ policía stiꞌ na tuꞌ.
55 Jaꞌ ebꞌ yaawil yakꞌomal xaambꞌal ebꞌ tet Dios,
cꞌal masanil ebꞌ sat yaaw,
jix sey wanoj kꞌane ebꞌ chi snaꞌa yin Jesús,
yet watxꞌ chi ale oc camich yibꞌan yu ebꞌ.
Cꞌam cꞌal tzet jix ilcha yu ebꞌ.
56 Ecꞌal ebꞌ jix yakꞌle snaꞌon a kꞌane yibꞌan Naj.
Txꞌoj txꞌoj cꞌal pax tzet chi yal junjun,
yuxan ma ẍaꞌle sbꞌa yalon ebꞌ.
57 Ey jun cawan ebꞌ jix yakꞌle ya waan snaꞌon a kꞌane yin Naj,
catuꞌ jix yalon ebꞌ jaxca tiꞌ:
58 —Jaꞌ jaon tiꞌ,
jix kabꞌ yalon Naj jaxca tiꞌ:
“Jain tiꞌ,
oj wuchey jun stemplo Dios waꞌnebꞌil yu ánima tiꞌ.
Jaꞌ yet yox cꞌual tuꞌ,
catuꞌ oj waꞌxoj a sqꞌuexel wu an,
man ánima oj waꞌnen oj,”
ẍi Naj jix kabꞌe,
ẍi ebꞌ.
59 Man cꞌal yu jaxca tuꞌ jix ẍaꞌle sbꞌa yalon ebꞌ.
60 Catuꞌ jix a waan naj yaawil yakꞌomal xaambꞌal ebꞌ tet Dios tuꞌ snan xol ebꞌ.
Catuꞌ jix yalon tet Jesús jaxca tiꞌ:
—¿Tumi cꞌam chach takꞌwi niꞌoj?
¿Tumi cꞌam cha wabꞌ wan chi yal ebꞌ ja win tiꞌ?
ẍi naj tet Jesús.
61 Tzꞌin cꞌal ẍi Naj,
ma cꞌal takꞌwoj.
Catuꞌ jix yalon naj tet Jesús junelxa:
—¿Tumi jaach Cristo jaach tiꞌ?
¿Tumi jaach Scꞌaal jaach Dios,
Naj chi al-le watxꞌ kꞌane yin?
ẍi naj tet Jesús.
62 —Jaaꞌ,
jain toni.
Jain ton Akꞌbꞌil Wopiso xol ebꞌ ket animail yu Dios tiꞌ,
oj jin je yil yet chotan jin ey bꞌey swatxꞌ kꞌabꞌ Dios,
Naj miman yipal.
Oj je yil pax weyol satcan xol asun,
ẍi Jesús tet naj.
63 Catuꞌ jix snicꞌontoj niꞌoj spichil naj tuꞌ.g
Catuꞌ jix yalon naj jaxca tiꞌ:
—¿Tzet to wal chi oc testigo ku tinaniꞌ?
64 Jix kabꞌe,
tol caw chi bꞌuchwa Naj yin Dios.
¿Tzet je chi yin Naj tinaniꞌ?
ẍi naj.
—Cam ojabꞌi,
ẍi ebꞌ masanil.
65 Jix lawi cꞌal jun tuꞌ,
ey ebꞌ jix tzubꞌli oc yin.
Catuꞌ jix smajchen sat Naj ebꞌ,
jix cꞌoli smakꞌle Naj yu ebꞌ.
Catuꞌ jix skꞌanlen el ebꞌ tet:
—Naꞌeloj,
mac jix jaach makꞌoni,
ẍi ebꞌ tet Jesús.
Jix lawi jun tuꞌ,
catuꞌ jaꞌ ebꞌ policía jix makꞌon Naj sicꞌlebꞌil.
Jix Yiꞌel Jesús Naj Pedro Yin
66 Eyecꞌ naj Pedro bꞌey yamakꞌil jun na tuꞌ,
catuꞌ jix apni jun ix scriada naj yaawil yakꞌomal xaambꞌal ebꞌ Israel tet Dios.
67 Jix yilon ix yin Pedro,
yet lalan skꞌaẍni.
Jix cam xacꞌal yoc tꞌanan ix yin naj,
jix yalon ix tet jaxca tiꞌ:
—Jaꞌ jun mactxequel cha wal tuꞌ,
man wotaj oj an.
Caw cꞌam niꞌoj chi naꞌcha el wu wan tzet cha wal ey jin tuꞌ an,
ẍi naj tet ix.
Jix lawi jun tuꞌ,
catuꞌ jix sjitzon el sbꞌa naj bꞌey yamakꞌil na tuꞌ.
Catuꞌ jix okꞌa noꞌ caẍlan.
69 Jix yilon ix criada tuꞌ yin junelxa.
Jix yalon ix tet ebꞌ yaman ecꞌ tituꞌ:
—Jaꞌton jun winaj tiꞌ,
yetbꞌi sbꞌa yetoj ebꞌ scuywom Jesús,
ẍi ix.
70 Tol jix yiꞌ pax el yin junelxa.
Jun jix to txolan tuꞌ,
jix yalon pax ebꞌ eyecꞌ tituꞌ tet:
—Caw yel,
jaach tiꞌ ja wetbꞌi ja bꞌa yetoj ebꞌ yutol a Galilea jaach.
/Ilaꞌ tol laan ja kꞌanabꞌ yetoj ebꞌ a Galilea,
/ ẍi ebꞌ tet naj.
71 Catuꞌ jix cꞌoli skꞌanontej sjowal scꞌul Dios naj Pedro tuꞌ yibꞌan.
Jix slocontej sbꞌi Dios,
jix yaloni:
—Jaꞌ jun winaj che yal tuꞌ,
caw man wotaj oj an,
ẍi naj tet ebꞌ.
72 Yet xacꞌal jun txolan tuꞌ,
jix okꞌa noꞌ caẍlan yet scaelal.
Catuꞌ jix snaꞌontej naj tzet jix yal Jesús tuꞌ tet yet jix yalon jaxca tiꞌ:
“Cꞌamto chi okꞌ noꞌ caẍlan yet scaelal catuꞌ oj jin ja wiꞌon el ja win yin yoxelal yet oj ja waloni,
tol ma jin ja wotaj oj,”
ẍi Jesús tet naj.
Jaꞌ yet jix snaꞌontej jun tuꞌ,
catuꞌ jix michꞌcha scꞌul yokꞌi.