Jaꞌ jun libro tiꞌ, jix tzꞌibꞌelecan yet abꞌil 520-480 a.C.

Jaꞌ naj Zacarías jix tzꞌibꞌencan bꞌey Jerusalén. Jaꞌ jun libro tiꞌ, chi yaltej yu wan kꞌane jix al-le tet naj Zacarías, jaꞌton jun ẍejabꞌ Dios jix meltzotej bꞌey Babilonia, jix apni oc bꞌey Jerusalén, jaꞌton yet jix lawi stiempoal yeecꞌ ebꞌ jaxca presowomal bꞌey Babilonia.

Jaꞌ jun libro tiꞌ, ey caabꞌ tujan yeocoj. Jaꞌ capítulo 1 masantaꞌ capítulo 8, jaꞌ tituꞌ chi yaltej tol ey tzet jix txꞌoxle yil naj Zacarías yu Dios yin weyicheal. Chi yalon pax tej yu tzet jix yun scaꞌ waꞌnele a conobꞌ Jerusalén, cꞌal tzet jix yun swaꞌnele a stemplo Dios, yetoj cꞌal tzet jix yun swaꞌxi oc snaꞌbꞌal ebꞌ ánima yin Dios. Chi yalon cꞌal pax tej yu sjulbꞌal Cristo.

Jaꞌ bꞌey capítulo 9 masantaꞌcꞌal capítulo 14, jaꞌ tituꞌ chi yaltej skꞌaneal Cristo, yetoj cꞌal slawubꞌal tzet oj yun snaꞌle oc yin conobꞌ Israel, cꞌal yin wanxa conobꞌ. Chi yalon pax tej tol jaꞌ conobꞌ Israel, oj waꞌxoj pax a jaxca yeoc yet yalantoj.