Jaꞌ jun libro tiꞌ, jix tzꞌibꞌelecan yet abꞌil 430 a.C.

Jaꞌ naj ẍejabꞌ Dios chi yij Malaquías jix tzꞌibꞌencan jun libro tiꞌ bꞌey conobꞌ Jerusalén. Tejan jaꞌ yul stiempoal naj Esdras yetoj Nehemías, jix tzꞌibꞌele jun libro tiꞌ, yutol waꞌnebꞌilxa a stemplo Dios yet jix tzꞌibꞌelecanoj. Jaꞌ ebꞌ conobꞌ yetoj ebꞌ yakꞌomal xaambꞌal, caw jix xꞌoxel spitalil ebꞌ yin tzetyetal tol yet Dios yeocoj. Cꞌam chi yakꞌ yofrenda ebꞌ tol sowalil chi akꞌlei, caw jix yintajne can el wan chejbꞌanile ey can oc yul skꞌabꞌ ebꞌ. Yu jun tuꞌ, jaꞌ naj Malaquías, jaꞌton naj ẍejabꞌ Dios tiꞌ, yalnaj can tet ebꞌ ánima tol oj naꞌle oc yin ebꞌ yu Dios, cꞌal sajbꞌanele can el ebꞌ sconobꞌ Dios tuꞌ. Jaꞌ yet cꞌamto chi yun jun tuꞌ, jaꞌ Dios oj yatej jun ẍejabꞌ, yet chi naꞌletej swa kꞌane yu ebꞌ ánima tuꞌ. Caw ey syaꞌilal oj jul yibꞌan ebꞌ pit chi yute sbꞌa tet Dios, jal pax ebꞌ jijem chi yute sbꞌa tet Dios xin, caw tzalacꞌulal yet ebꞌ, yutol oj ẍaꞌ syaaxilal Dios ebꞌ.