Jaꞌ yet ey jin ecꞌ xol syaꞌilal tuꞌ, jix jin txali tet Dios. Jix takꞌwi Naj ey jin yet wal ey jin ecꞌ bꞌey cambꞌal. Jaꞌ tituꞌ jix el waw ey jaach an, catuꞌ jix ja wabꞌen jin txa.

3 Jaach jix jin ja kꞌojeytoj yich jaꞌ Mar, tuxa cꞌal chi ecꞌ bꞌalaloj jaꞌ wibꞌan an.

4 Catuꞌ jix walon ey jaach tol chin el ja sattaj yin junelne waloni. Jix jin naꞌ an tol manxa oj wiloc yin ja na tol ja wet yeocoj.

5 Yutol jix jin muji cantoj yu jaꞌ mar yin junelne. Jix oc bꞌakꞌan wan an cꞌultaj ey yul-laj jaꞌ mar tuꞌ yin jin jolom.

6 Jix jin pax xacꞌal can eytoj yichlaj wonan yin junelne, jix jin maji xacꞌal can eytoj tituꞌ waloni; jaach jin Diosal, jaach jix jin ja colel tet camich tuꞌ.

7 Jaꞌ yet tuxa wal chin camel chi wabꞌe, jix jaach jin naꞌtej, jaꞌ yet jix jin txali ey jaach, jix apni jin txa bꞌey ja calubꞌal.

8 Jaꞌ ebꞌ ánima chi yiꞌey sbꞌa ebꞌ tet wan chi al-le oc diosal, jaꞌ ebꞌ tuꞌ chi sbꞌejcan ja camcꞌulal ebꞌ.

9 Jal jin jain tiꞌ xin, chi a waw yu walon yu diosalil ey jaach, oj wakꞌon jin xaambꞌal catuꞌ oj jin jije wunen bꞌey jix wakꞌcan jin tiꞌ ey jaach. Yutol asanne jaach jix ja wakꞌ jin colbꞌanil, ẍi naj Jonás tet Dios.