6 Catuꞌ yelcꞌulal ojabꞌ chach okꞌ sicꞌlebꞌil sattaj ebꞌ conobꞌ. 7 Ta cꞌuxan chi skꞌanle ebꞌ ey jaach: ¿Tzet yuxan chach okꞌi? ta ẍi ebꞌ, cha wal tet ebꞌ jaxca tiꞌ: Tol ey jun skꞌaneal tzetyetal tuxa oj juloj, yuxan chin okꞌi. Masanil ánima bꞌey yul yibꞌankꞌinal tiꞌ, caw oj xiw scꞌul ebꞌ sicꞌlebꞌil, tuxa cꞌal oj ey can noan ebꞌ. Cꞌamxa mactxequel oj to skeꞌ tecꞌbꞌan sbꞌa, yutol masanil xacꞌal oj bꞌilwoj yajan yu xiwcꞌulal. Jain Jehová jin chi walaꞌ tol lalan sjul stiempoal, sowalil oj yunne, ẍi Dios Jehová.

8 Jix kꞌanabꞌ pax Jehová ey jin, jix yalon jaxca tiꞌ: 9 Jaach ánima, kꞌanabꞌan el yin jin bꞌi, cha waloni tol jain Jehová jin chi wal jaxca tiꞌ:

18 Jix yalon pax Jehová ey jin jaxca tiꞌ: 19 Jaach ánima, waꞌne yechel caabꞌoj bꞌe bꞌey oj toj naj sreyal Babilonia yetoj yespada. Jaꞌ caabꞌ bꞌe tuꞌ, junne conobꞌ bꞌey oj eloj jaxa bꞌey oj spoꞌole sbꞌa tuꞌ xin. Oj ja waꞌne a caabꞌoj txꞌoxbꞌanile chi txꞌoxon tzet conobꞌal bꞌey oj apnoj junjun. 20 Aoc yechel junoj bꞌe bꞌey oj toj jun rey tuꞌ yetoj yespada, bꞌey conobꞌ Rabá, jaꞌton bꞌey yul xꞌotxꞌ ebꞌ Amón; jal junxa bꞌe tuꞌ xin, chi apni oc bꞌey yul xꞌotxꞌ ebꞌ Judá bꞌey conobꞌ Jerusalén, jun tol watxꞌ yeoc smuroal. 21 Jaꞌ naj sreyal Babilonia oj oc linan naj bꞌey chi spoꞌole sbꞌa caabꞌ bꞌe tuꞌ, oj skꞌanlen yabꞌe bꞌeytet bꞌeal oj yiꞌ. Oj skꞌanle yabꞌ yetoj sjulbꞌal, oj yakꞌon skꞌanlebꞌal tet sdiosal, cꞌal seyon yil yin skꞌej noꞌ noꞌ, yet chi yotajne eloj tzet bꞌeal bꞌey oj toj.^a 22 Jaꞌ bꞌey swatxꞌ skꞌabꞌ, jaꞌ tituꞌ oj elol julbꞌal chi txꞌoxontoj bꞌey yetcꞌulal Jerusalén. Oj al-le tet jaxca tiꞌ: Oc ojabꞌ jowal yin Jerusalén. Al-le ojabꞌi tol chi makꞌle cam ebꞌ ánima tituꞌ. El ojabꞌ aw yet jowal. Makꞌle ojabꞌ poꞌo puerta. Waꞌnele ojabꞌ a waalubꞌe bꞌey yinlaj conobꞌ tuꞌ, catuꞌ chi oc joyan ebꞌ soldado yinlaj masanil. 23 Jal pax ebꞌ ánima bꞌey Jerusalén xin, oj snaꞌ ebꞌ tol jaꞌ jun kꞌane chi al-le tiꞌ man oj yunne, yutol eyxa swa kꞌane waꞌnebꞌilxa yu ebꞌ. Jal Nabucodonosor xin, oj snaꞌontej spitalil ebꞌ tet, yuxan oj iꞌletoj ebꞌ preso yu. 24 Yu jun tuꞌ, yuxan jain Jehová Yaaw jin chi walaꞌ: Jaꞌ je penail, cꞌal je pital caw txequel yeocoj. Jaꞌ masanil je mul, cꞌal je pena bꞌeybꞌal txequel yeocoj, yuxan oj jex mitxꞌle oj. 25 Jaach reyal Israel, penawom jaach, yaabꞌil jaach eloj, cawilxa chi jul stiempoal yin ja chaꞌon jun slawubꞌ syaꞌilal. 26 Jain Jehová Yaaw jin chi walaꞌ: Oj iꞌle el skꞌoxil naj sat yakꞌomal xaambꞌal, catuꞌ oj iꞌle cꞌal pax el scorona jun rey tuꞌ. Masanil xacꞌal oj qꞌuexle oj. Jaꞌ ebꞌ yeynajil, oj iꞌle a can, jal ebꞌ miman yeloc apnoj oj iꞌle eyoj. 27 Caw oj qꞌueycan el yopiso bꞌey chi bꞌinale tuꞌ, masantaꞌcꞌal chi jul jun ey yalon yet yin, jaꞌton jun tuꞌ oj waoc yin yopiso.

28 Jaach ánima, kꞌanabꞌan yin jin bꞌi, yet cha walon jaxca tiꞌ: Jaꞌ Jehová, Naj Yaaw yeoc yin ebꞌ Amonita, jaꞌton ebꞌ chi bꞌuchwa yin jin conobꞌ Israel. Ilwej ton abꞌ chꞌen espada lalan sjuli, watxꞌ xa yeoc chꞌen yet chi makꞌwi cam ánima, kopopi xacꞌal yili, caw chi el tzititoj skꞌakꞌal jaxca raya yet chi yakꞌon lawoj. 29 Jaꞌ tzet jix yil ebꞌ naꞌom el kꞌane, cꞌal wan kꞌane jix al-le je yin, man yeloj. Oj low chꞌen espada yin snukꞌ ebꞌ penawom. Tuxa jix jul scꞌual ẍaꞌon syaꞌilal ebꞌ.

30 Awej eytoj je yespada yul stzꞌuumal. Jaꞌ bꞌey ja txꞌotxꞌal bꞌey jix jaach ali, jaꞌ tituꞌ oj jin naꞌoc ja win. 31 Jaxca wal junoj bꞌolobꞌ, queytuꞌ oj yun wiꞌon el sjowal jin cꞌul je yin; oj jex waoc yul skꞌabꞌ ebꞌ ánima pena snaꞌbꞌal, cꞌal yul skꞌabꞌ ebꞌ jelan yin jex yakꞌon lawoj. 32 Tol oj jex lawoj eyoj, oj jex tzꞌaꞌeyoj; tol oj maltoj je chiqꞌuil bꞌey masanil sat je txꞌotxꞌ. Jain Jehová jin chi walaꞌ tol cꞌam mactxequel oj to jex naꞌontej, ẍi Dios.