3 Yu yakꞌon cu bꞌeybꞌalnen jelanilal, swatxꞌilal, cꞌal sjichanil, chi yakꞌon pax cu naꞌbꞌal.

4 Yet watxꞌ chi akꞌle snaꞌbꞌal ebꞌ achꞌe tol cꞌamto snaꞌbꞌal, chi akꞌle yotajne el ebꞌ jun naꞌbꞌale tiꞌ, yet chi swaꞌnen oc snaꞌbꞌal ebꞌ.

5 Jaex ey je naꞌbꞌal cꞌal jex ey je jelanil, abꞌwej tzet oj walaꞌ, yet watxꞌ oj jelanbꞌoj je naꞌbꞌal, cꞌal ẍꞌibꞌ je jelanil.

6 Jaꞌ wan kꞌane tiꞌ, chi colwa yin cu naꞌon el tzet cꞌuan el yu skꞌane ebꞌ jelan, yetoj cꞌal wan tzetyetal yaꞌtaj snaꞌcha el ku.

7 Ta tol chi yoche cu cꞌul jelan chi cu elocoj, ey ojabꞌ yeloc apnoj Jehová yul cu sat. Jaꞌ ebꞌ cꞌam chi yoche scꞌul jelan chi elocoj, cꞌam chi yaoc snaꞌbꞌal ebꞌ yin wan cuybꞌanile chi al-le eloj.

9 Jaꞌ yu wan naꞌbꞌale tiꞌ, oj skeꞌ swaꞌxoj oc ja bꞌeybꞌal yu, elawtaj ja wili jaxca swatxꞌil yili junoj chꞌen ue chi yaoc ebꞌ ix ix yin snukꞌ, ma jaxca junoj corona tol sakꞌal yili, queytuꞌ oj yun ja welocoj.

10 Ta ey ebꞌ penawom chi yoche chach smontetoj, cꞌam ojabꞌ cha chaꞌ ja wabꞌ tzet chi yal ebꞌ.

11 Tala chi yal ebꞌ ey jaach jaxca tiꞌ: Ocan ketoj jon, yet chi cu majon junoj ánima yul-laj bꞌe, catuꞌ chi cu makꞌon camoj, caxcꞌal cꞌam spenail ey jon.

12 Yin wal yiquisal oj cu makꞌoni, caxcꞌal chi cami, cam ojabꞌi, catuꞌ chi cu tokꞌon can ecꞌ jantaj tzetyetal iꞌbꞌil oc yu.

13 Yet watxꞌ oj kꞌakꞌ no yul cu na yetoj masanil bꞌeomal, catuꞌ oj cu ocwej bꞌeomal, yetoj masanil tzetyetal oj kelkꞌane ecꞌ tuꞌ.

14 Titan, ocan ketoj jon, akꞌle porobꞌal ja bꞌa ketoj jon, oj kakꞌon ja wet yin tzetyetal oj kiꞌecꞌoj, caxcꞌal mi ẍi ebꞌ ey jaach.

15 Jaach wuninal, cꞌam ojabꞌ cha waoc ja bꞌa yetoj ebꞌ; jaꞌ jun sowalil cha wunne tol cha poꞌoel ja bꞌa xol ebꞌ, cꞌam ojabꞌ cha bꞌeybꞌalne sbꞌeybꞌal ebꞌ tuꞌ.

16 Yutol caw chi nanon scꞌul ebꞌ yunen spenail; caw chi nanon xacꞌal scꞌul ebꞌ yet chi el ẍiqꞌuil smakꞌon cam ánima ebꞌ.

17 Cꞌam yopiso junoj yaal chi waꞌxi eyoj, ta tol chi yil noꞌ tzꞌiquin swaꞌxi ey jun yaal tuꞌ, cꞌam chi eyqꞌuey noꞌ yul.

18 Jaꞌ ebꞌ ánima chi swaꞌne ey junoj yaal yin junojxa mactxequel, jacꞌal oc ebꞌ oj smakꞌ cam sbꞌa yetoj yul jun yaal tuꞌ.

19 Jaꞌ ebꞌ chi yoche oc miman bꞌeomal, catuꞌ chi yoche tol caw miman yeloc apnoj, jaꞌ yin wan tzetyetal tuꞌ chi yiꞌtej camich yibꞌan.

22 Jex achꞌe tol cꞌamto je naꞌbꞌal, tucꞌal chex bꞌuchwai: ¿Bꞌakꞌin oj je bꞌejcan je camcꞌulnen jun je cꞌam naꞌbꞌal tuꞌ? ¿Bꞌakꞌin oj je bꞌejcan je bꞌuchwai, cꞌal je yintajne el tzetyetal yel? ¿Bꞌakꞌin wal oj je yoche jun jelanil tuꞌ?

23 Chaꞌwej je yabꞌ tzet chi walaꞌ, yet chex jin cuyoni. Ta jaxca tuꞌ oj je yunne, oj jin colwa je yin yet che yiꞌon je jelanil, catuꞌ oj wakꞌon jin jelanil ey jex an.

24 Jain tiꞌ, caw ecꞌal el chex wawte, yet watxꞌ chex tit ey jin, cꞌam pax che chaꞌ je yabꞌ tzet chi walaꞌ.

25 Tucꞌal che yintajne can el naꞌbꞌale chi wakꞌ ey jex, catuꞌ cꞌam che chaꞌ je yabꞌ jin tenchebꞌal.

26 Jaꞌ yu wan tuꞌ, tucꞌal oj jin tzee oc je yin yet ey jex oc xol syaꞌtajilal. Tuxa cꞌal oj jin bꞌuchwa je yin yet oj jex cam yu xiwcꞌulal.

27 Jaꞌ yet oj jul masanil syaꞌilal je yibꞌan, laan jaxca yet chi jul junoj cajxuchum kaꞌeꞌ tol chi yakꞌ lawoj el masanil, tuxa cꞌal oj jin tzee oc je yin yet oj jul wan tuꞌ je yibꞌan.

28 Jaꞌ yet jun cꞌual tuꞌ, oj jin je yawte, manxa oj jin takꞌwoj ey jex. Oj je yakꞌle jin je seyon ecꞌoj, manxa oj jin ilcha je yu.

29 Yutol jix je yintajne el jelanil, catuꞌ cꞌam niꞌoj je xiwcꞌulal tet Dios.

30 Cꞌam che yoche che chaꞌ je yabꞌ tzet chi walaꞌ, tol che yintajne can el tenchebꞌal chi wakꞌ ey jex.

31 Oj je yabꞌ syaꞌil yu je pena bꞌeybꞌal tuꞌ, tuxa cꞌal oj somcha can el je naꞌbꞌal yu je penail tuꞌ.

32 Jaꞌ ebꞌ cꞌam snaꞌbꞌal, oj cam ebꞌ yu cꞌam snaꞌbꞌalil tuꞌ, oj lawoj ey ebꞌ pena snaꞌbꞌal yutol cꞌam chi ẍaꞌ yabꞌ ebꞌ tzet chi walaꞌ.

33 Jaꞌ mactxequel tol chi ẍaꞌ yabꞌ tzet chi walaꞌ, oj eyecꞌ ebꞌ yin tzalacꞌulal, cꞌam bꞌey oj xiw ebꞌ.