Jantajxa Swatxꞌil Yet Junxane Naꞌbꞌale Chi Kute Cu Bꞌa
Jaꞌ sbꞌit naj David chi bꞌitnele yet chi atoj ebꞌ Israel bꞌey Jerusalén.
133
Ilwej ton abꞌi, Jantajxa swatxꞌilẍaꞌlen sbꞌa ta junne chi yute snaꞌbꞌal ebꞌ naj yuẍtaj sbꞌa cꞌal ebꞌ ix no sbꞌa.
2 Laan jaxca junoj perfume manxa jantajoj swatxꞌil jix yun stit liioj yin sjolom naj yakꞌomal xaambꞌal, jaꞌton Aarón, catuꞌ jix eyol yin xil stiꞌ masantaꞌcꞌal jix ey apnoj yin snukꞌ sjojan pichil naj.
3 Laan jaxca yal akꞌbꞌal chi ey bꞌey sjolom txꞌotxꞌ wonan Hermón, catuꞌ chi eyqꞌuey yibꞌan txꞌotxꞌ tzalquiltaj bꞌey Sión. Jaꞌ bꞌey ey tzalacꞌulal chi yatej syaaxilal Jehová, jaꞌton kꞌinale tol cꞌam slawubꞌal.