Jaꞌ Dios Chi Akꞌon Yip Ebꞌ Ánima Tol Yet Xa Yeocoj
Bꞌit yet chi atoj ebꞌ Israel bꞌey Jerusalén.
125
Jaꞌ ebꞌ chi aon oc Jehová yipoj scꞌul,laan ebꞌ jaxca txꞌotxꞌ tzalan Sión cꞌam chi bꞌilwi, tol ey cꞌal ecꞌ yin tobꞌalkꞌinal. Queytuꞌ yeoc ebꞌ.
2 Jaxca yeoc txꞌotxꞌ wonan yinlaj Jerusalén, queytuꞌ yeoc Jehová yinlaj sconobꞌ tinaniꞌ cꞌal yin tobꞌalkꞌinal.
3 Jaꞌ ebꞌ rey cꞌam swatxꞌil snaꞌbꞌal, man naatiloj chi yakꞌ yaawil ebꞌ bꞌey txꞌotxꞌ txꞌotxꞌ akꞌbꞌil yu Dios tet ebꞌ sconobꞌ; ta cꞌamaj, jaꞌ ebꞌ ánima watxꞌ snaꞌbꞌal, oj scuy sbꞌa ebꞌ yin spenail yetoj ebꞌ.
4 Jaach Jehová jin Diosal, akꞌ ja watxꞌcꞌulal tet ebꞌ watxꞌ sbꞌeybꞌal, cꞌal tet ebꞌ chi yaoc yin scꞌul yunen sjichanil.
5 Jal ebꞌ chi elcan yin watxꞌ bꞌeybꞌale xin, a cantoj ebꞌ yetoj ebꞌ penawom yul skꞌabꞌ syaꞌilal.
¡Ey ojabꞌ cu watxꞌcꞌulal jaon Israel jon tiꞌ!