2 yutol jaꞌ Naj jix waꞌnen sbꞌatxlubꞌal yich txꞌotxꞌ txꞌotxꞌ tiꞌ, catuꞌ jix swaꞌnen ey yich yul-laj jaꞌ mar, cꞌal yich jaꞌ mimej jaꞌ.

3 ¿Mactxequel chi skeꞌ yatoj bꞌey txꞌotxꞌ tzalan tol yet Jehová yeocoj? ¿Mactxequel junoj chi skeꞌ yapni oc bꞌey chi yal sbꞌa ebꞌ ánima tet Jehová?

4 Jaꞌ ebꞌ chi skeꞌ yapni ocoj jaꞌton ebꞌ tiꞌ: Jaꞌton mactxequel tol cꞌam spenail chi el yunen yetoj sbꞌeybꞌal, tol saj yeoc snaꞌbꞌal, cꞌam spenail yin; ebꞌ cꞌam chi oc yin eyilal tet echele, yetoj ebꞌ cꞌam chi yal lekꞌtiꞌal kꞌane.

5 Jaꞌ ebꞌ tuꞌ oj ẍaꞌ syaaxilal Dios ebꞌ, catuꞌ oj akꞌle cꞌal scolbꞌanil ebꞌ.

6 Queyton tuꞌ sbꞌeybꞌal ebꞌ naꞌan cꞌal Dios yu, ebꞌ chi yoche chi apni oc sattaj Naj cu Diosal jaon yicꞌaal jon Jacob tiꞌ.

7 ¡Jex conobꞌ Jerusalén, jajwej jun miman spuertail je conobꞌ tol ey cꞌaltaꞌ yet peyxa! ¡Jajan ojabꞌ scaabꞌ paqꞌuil, yet watxꞌ che chaꞌ sjul jun Rey yin tzalacꞌulal, jun tol caw bꞌinabꞌil!

8 ¿Mactxequel jun Rey caw bꞌinabꞌil tuꞌ? Jaꞌton Jehová, Naj ey yip. Jaꞌton Jehová chi skeꞌ yu masanil, jelan yakꞌon eyqꞌuey jowal.

9 ¡Jex a Jerusalén, jajwej jun miman spuertail je conobꞌ tol ey cꞌaltaꞌ yet peyxa! ¡Jajan ojabꞌ scaabꞌ paqꞌuil, yet watxꞌ oj je chaꞌ sjul jun Rey yin tzalacꞌulal, jun tol bꞌinabꞌil!

10 ¿Mactxequel jun Rey caw miman yeloc apnoj tuꞌ? ¡Jaꞌton Jehová, Naj Yaaw yin masanil, jaꞌton Naj Rey bꞌinabꞌil tiꞌ!