Jix yaoc naj rey Asuero jun toolabꞌal yibꞌan masanil ánima bꞌey chi yakꞌ yaawil masantaꞌcꞌal chi apni bꞌey stiꞌlaj jaꞌ mar. 2 Masanil cꞌal tzet jix yun naj rey yin yopiso, cꞌal skꞌaneal tzet jix yun yale oc naj Mardoqueo yin yopiso yu naj. Jaꞌ wan tuꞌ jix tzꞌibꞌelecan bꞌey ey can ey skꞌaneal tzet jix yun yul conobꞌ Media cꞌal Persia. 3 Jaꞌ naj Mardoqueo tuꞌ jix oc can yin scaabꞌ yaawil yetoj naj rey Asuero. Caw bꞌinabꞌil jix yun yeloc apnoj naj xol ebꞌ yet Israelal. Caw ochebꞌil naj yu masanil ebꞌ yet conobꞌ tuꞌ, yutol jix seyecꞌoj tzet chi yun yoc wan yet conobꞌ tuꞌ yin swatxꞌil, catuꞌ jix yakꞌon wal yip yet watxꞌ chi can ebꞌ yin watxꞌcꞌulal, cꞌal yin tzalacꞌulal.