Scamichal Cꞌal Smujbꞌanil Naj Moisés
34
Jix too naj Moisés bꞌey txꞌotxꞌ cusiltaj txꞌotxꞌ yul yet txꞌotxꞌ Moab,
catuꞌ jix atoj naj bꞌey sjolom wonan Nebo bꞌey txꞌotxꞌ wonan Pisgá,
jatuꞌ ey sattaj ecꞌtoj Jericó.
Jata cꞌal tituꞌ jix xꞌox cantoj Jehová tet naj Moisés masanil txꞌotxꞌ Galaad masantaꞌcꞌal bꞌey txꞌotxꞌ yet Dan,
2 yetoj txꞌotxꞌ yet Neftalí,
Efraín,
cꞌal Manasés yetoj cꞌal masanil txꞌotxꞌ yet Judá,
masantaꞌcꞌal chi apni oc txꞌotxꞌ bꞌey jaꞌ mar Mediterráneo.
3 Chi tit tacꞌal bꞌey Négueb masantaꞌcꞌal chi apni oc txꞌotxꞌ bꞌey yacꞌalil stiꞌ jaꞌ Jordán,
cꞌal bꞌey masanil yinlaj Jericó bꞌey caw ey teꞌ palma,
catuꞌ chi jul txꞌotxꞌ bꞌey Sóar.
4 Jix yalon Jehová tet naj Moisés jaxca tiꞌ:
Jaꞌton jun txꞌotxꞌ tiꞌ jix wakꞌcan jin tiꞌ wakꞌon tet Abraham,
tet Isaac,
cꞌal tet Jacob.
Jix walon tet ebꞌ jaxca tiꞌ:
Jaꞌ jun txꞌotxꞌ tiꞌ oj wakꞌ tet ebꞌ je yicꞌaal,
jin chi,
yuxan chin txꞌox cantoj txꞌotxꞌ ey jaach,
caxcꞌal manxa oj jaach apnoj oc bꞌey txꞌotxꞌ,
ẍi Jehová.
5 Yu tuꞌ xin,
jaꞌ yul yet txꞌotxꞌ Moab tuꞌ jix cam naj Moisés,
naj ẍejabꞌ Jehová,
jaxca jix yute yalon Dios tet naj.
6 Jaꞌ tituꞌ jix mujle can naj yu Jehová bꞌey jun acꞌal yul yet txꞌotxꞌ Moab,
sattaj ecꞌtoj Bet-peor.
Caxcꞌal cꞌamto mac otajnen tinaniꞌ bꞌey mujan naj Moisés tuꞌ.
7 Ey 120 abꞌil skꞌinal naj Moisés yet jix cami.
Watxꞌ tocꞌal yilwani eyto cꞌal yip yet jix cami.
8 Jun wal xꞌaaw jix oc ebꞌ conobꞌ Israel yin okꞌilal cꞌal cuscꞌulal yu scamichal naj Moisés bꞌey txꞌotxꞌ cusiltaj txꞌotxꞌ bꞌey yul yet txꞌotxꞌ Moab,
jatacꞌalaꞌ sbꞌeybꞌal ebꞌ.
9 Jaxa naj Josué scꞌaal naj Nun,
jaꞌ jix chaꞌon can sjelanil naj Moisés tuꞌ,
yutol jix ya can oc skꞌabꞌ naj Moisés yibꞌan sjolom Josué,
yuxan jaꞌ ebꞌ conobꞌ Israel jijem cꞌal jix yute sbꞌa ebꞌ tet naj Josué,
jaxca jix yun yalon can Jehová tet naj Moisés.
10 Jaꞌton yet tuꞌ cꞌamxa junojxa ebꞌ ẍejabꞌ Jehová xol ebꞌ yuninal Israel tol jix kꞌanabꞌ yin jaccombꞌa satil jix yun skꞌanabꞌi,
yutol caw tꞌanan oc naj Moisés yin sat Dios yet jix kꞌanabꞌ yetoj.
11 Cꞌamxa junojxa jix el yunen tzettaj yetal tol qꞌueyubꞌtaj yoqui cꞌal milagro jaxca jix yun Jehová yetoj naj Moisés bꞌey txꞌotxꞌ Egipto yin naj rey Faraón,
cꞌal yin ebꞌ eyoc yin yaawilal yetoj,
cꞌal yin jun nación tuꞌ.
12 Cꞌam junojxa mactxequel tol miman yeloc apnoj,
cꞌal yunen tzettaj yetal tol ey smey jaxca jix yun naj Moisés sattaj masanil ebꞌ yet conobꞌ Israel.