Jix Iꞌle A Sbꞌisil Ebꞌ Israel Junelxa
26
Jaꞌ yet jix oc tucan jun syaꞌilal tol chi cam ebꞌ ánima yu,
jix yalon Jehová tet naj Moisés cꞌal tet Eleazar,
naj scꞌaal Aarón;
jaꞌton naj sat yakꞌomal xaambꞌal:
2 Iꞌwej a sbꞌisil ebꞌ Israel yin junjun tujan icꞌaaleal yeocoj,
chi el yich yin ebꞌ eyxa 20 abꞌil skꞌinal,
ebꞌ smoo stoo yin jowal,
ẍi Dios.
3 Catuꞌ jix yambꞌale oc ebꞌ ánima masanil yu naj Moisés cꞌal yetoj Eleazar,
bꞌey yacꞌalil txꞌotxꞌ Moab,
bꞌey stiꞌ jaꞌ Jordán,
bꞌey sattaj ecꞌtoj conobꞌ Jericó,
4 jix tzꞌibꞌele sbꞌi masanil ebꞌ 20 abꞌil xa skꞌinal chi bꞌey cꞌaltoj,
jaxca jix yun yalon Jehová tet naj Moisés.
Jaꞌton masanil ebꞌ jix eltej bꞌey conobꞌ Egipto:
5 Ebꞌ scꞌaal naj Rubén,
jaꞌton bꞌabꞌel scꞌaal naj Israel,
jaꞌton ebꞌ chi bꞌina can yin yicꞌaal naj Enoc,
Falú,
6 Hesrón,
cꞌal Carmí.
7 Jaxa yet jix iꞌle a sbꞌisil ebꞌ yicꞌaal naj Rubén ey 43,730 ebꞌ winaj yin masanil.
8 Jaꞌ Falú,
jaꞌ ey scꞌaal naj Eliab;
9 jaxa naj Eliab,
jaꞌ ey scꞌaal Nemuel,
Datán cꞌal Abiram.
Jaꞌ naj Datán yetoj naj Abiram icham winaj yul conobꞌ yeoc ebꞌ naj.
Jaꞌton jun bꞌulan ebꞌ naj jix el sjowal yin Jehová cꞌal yin naj Moisés yetoj cꞌal yin naj Aarón.
10 Yuxan jix sjaj sbꞌa txꞌotxꞌ txꞌotxꞌ catuꞌ jix tukꞌle can eytoj ebꞌ cawan tiꞌ yetoj cꞌal naj Coré.
Masanil ebꞌ jix oc tzajan yintaj naj Coré jix cam ebꞌ,
jaꞌton ebꞌ 250 jix cam yu kꞌakꞌ kꞌakꞌ.
Jaꞌ ebꞌ tuꞌ jix oc ebꞌ yin txꞌoxbꞌanile tet ebꞌ Israel masanil.
11 Jal pax ebꞌ yicꞌaal naj Coré,
ma cam ebꞌ.
12 Jal pax ebꞌ scꞌaal naj Simeón xin,
jaꞌton ebꞌ tiꞌ chi bꞌina can sbꞌi yin yicꞌaal,
jaꞌton Nemuel,
Jamín,
Jaquín,
13 Zérah cꞌal Saúl.
14 Jaꞌ sbꞌisil yicꞌaal ebꞌ tiꞌ,
ey 22,200 ebꞌ winaj yin masanil.
15 Jaꞌ ebꞌ scꞌaal Gad chi bꞌina can sbꞌi yin yicꞌaal,
jaꞌton ebꞌ tiꞌ:
Sefón,
Haguí,
Suní,
16 Ozní,
Era,
17 Arod cꞌal Arelí.
18 Jaꞌ sbꞌisil ebꞌ yicꞌaal ebꞌ tiꞌ,
ey 40,500 ebꞌ winaj yin masanil.
19 Jal ebꞌ scꞌaal naj Judá,
ebꞌ jix cam bꞌey txꞌotxꞌ Canaán,
jaꞌton:
Er yetoj cꞌal Onán.
20 Jaꞌ ebꞌ scꞌaal Judá chi bꞌina can sbꞌi yicꞌaal,
jaꞌton Selá,
Fares cꞌal Zérah.
21 Jaꞌ ebꞌ scꞌaal Fares,
chi bꞌina can sbꞌi yicꞌaal,
jaꞌton Hesrón cꞌal Hamul.
22 Jaꞌ sbꞌisil ebꞌ yicꞌaal naj Judá,
ey 76,500 ebꞌ winaj yin masanil.
23 Jaꞌ ebꞌ scꞌaal naj Isacar,
chi bꞌina can sbꞌi yicꞌaal,
jaꞌton Tolá,
cꞌal Puvá,
24 Jasub cꞌal Simrón.
25 Jaꞌ sbꞌisil ebꞌ yicꞌaal Isacar,
ey 64,300 ebꞌ winaj yin masanil.
26 Jaꞌ ebꞌ scꞌaal Zabulón,
chi bꞌina can sbꞌi yicꞌaal,
jaꞌton Séred,
Elón cꞌal Jahleel.
27 Jaꞌ sbꞌisil yicꞌaal ebꞌ tiꞌ,
ey 60,500 ebꞌ winaj yin masanil.
28 Jaꞌ ebꞌ scꞌaal naj José,
caabꞌ tujan jix yun ebꞌ,
jaꞌton Manasés cꞌal Efraín.
29 Jaꞌ ebꞌ scꞌaal Manasés,
chi bꞌina can sbꞌi yicꞌaal,
jaꞌton Maquir,
smam naj Galaad.
30 Jal ebꞌ scꞌaal Galaad,
chi bꞌina can sbꞌi yicꞌaal,
jaꞌton Iézer,
Hélec,
31 Asriel,
Siquem,
32 Semidá cꞌal Héfer.
33 (A Selofhad scꞌaal Héfer,
cꞌam cꞌal scꞌaal naj,
asan scutzꞌin naj ey,
jaꞌton ebꞌ ix tiꞌ:
Mahlá,
Noá,
Hoglá,
Milcá cꞌal Tirsá.)
34 Jaꞌ sbꞌisil ebꞌ yicꞌaal Manasés,
ey 52,700 ebꞌ winaj yin masanil.
35 Jaxa ebꞌ scꞌaal Efraín,
chi bꞌina can sbꞌi yicꞌaal,
jaꞌton Sutélah,
Béquer cꞌal Tahán.
36 Ey jun scꞌaal naj Sutélah chi bꞌina can sbꞌi yicꞌaal,
jaꞌton Erán.
37 Jaꞌ sbꞌisil ebꞌ yicꞌaal Efraín,
ey 32,500 ebꞌ winaj yin masanil.
38 Jaꞌ ebꞌ scꞌaal naj Benjamín,
chi bꞌina can sbꞌi yicꞌaal,
jaꞌton:
Bela,
Asbel,
Ahiram,
39 Sufam cꞌal Hufam.
40 Jaꞌ ebꞌ scꞌaal naj Bela,
chi bꞌina can sbꞌi yicꞌaal,
jaꞌton:
Ard,
cꞌal Naamán.
41 Jaꞌ sbꞌisil ebꞌ yicꞌaal Benjamín ey 45,600 ebꞌ winaj yin masanil.
42 Jal pax ebꞌ scꞌaal Dan chi bꞌina can sbꞌi yicꞌaal,
jaꞌton Suham.
43 Jaꞌ sbꞌisil ebꞌ yicꞌaal Suham,
ey 64,400 ebꞌ winaj yin masanil.
44 Jal pax ebꞌ scꞌaal Aser,
chi bꞌina can sbꞌi yicꞌaal,
jaꞌton:
Imná,
Isví,
cꞌal Beriá.
45 Jaꞌ ebꞌ scꞌaal naj Beriá,
chi bꞌina can yin sbꞌi yicꞌaal,
jaꞌton:
Héber,
cꞌal Malquiel.
46 (Jaꞌ naj Aser tuꞌ,
ey jun scutzꞌin chi yij sbꞌi Sérah.)
47 Jaꞌ sbꞌisil ebꞌ yicꞌaal Aser,
ey 53,400 ebꞌ winaj yin masanil.
48 Jaꞌ ebꞌ scꞌaal Neftalí chi bꞌina can sbꞌi yicꞌaal,
jaꞌton:
Jahseel,
Guní,
49 Jezer,
cꞌal Silem.
50 Jaꞌ sbꞌisil ebꞌ yicꞌaal Neftalí ey 45,400 ebꞌ winaj yin masanil.
51 Yu jun tuꞌ,
yuxan jaꞌ sbꞌisil masanil ebꞌ winaj yet Israel ey 601,730.
Sleyal Tzet Chi Yun Spoꞌole Ecꞌ Txꞌotxꞌ Txꞌotxꞌ
52 Jix yalon Jehová tet naj Moisés jaxca tiꞌ:
53 Chi poꞌole can ecꞌ txꞌotxꞌ txꞌotxꞌ xol masanil junjun tujan icꞌaale,
jatacꞌalaꞌ jantaj sbꞌisil ebꞌ yin junjun tujan icꞌaaleal,
jaxca jix yun yiꞌle a sbꞌisil ebꞌ.
54 Jaꞌ ebꞌ miman sbꞌisil,
miman pax xꞌotxꞌ ebꞌ chi akꞌlei,
jal ebꞌ txenne sbꞌisil txenne xꞌotxꞌ ebꞌ chi akꞌlei.
Jaꞌ ebꞌ tiꞌ jix akꞌle can xꞌotxꞌ ebꞌ,
jatacꞌalaꞌ tzet jix yun yiꞌle a sbꞌisil ebꞌ,
ẍi Dios.
55 Jaꞌ txꞌotxꞌ jix poꞌole ecꞌ tuꞌ jatacꞌalaꞌ jix yun sicꞌcha el txꞌotxꞌ yin junjun bꞌulan icꞌaaleal.
56 Jix poꞌole el txꞌotxꞌ xol masanil ebꞌ icꞌaaleal,
ebꞌ miman sbꞌisil cꞌal ebꞌ txenne sbꞌisil.
Sbꞌisil Ebꞌ Levita
57 Ebꞌ scꞌaal Leví chi bꞌina can sbꞌi yicꞌaal,
jaꞌton:
Guersón,
Quehat cꞌal Merarí.
58 Ebꞌ yitxiquin Leví,
jaꞌton:
Libní,
Hebrón,
Mahli,
Musí,
yetoj Coré.
Jaꞌ naj Quehat jaꞌton:
Smam naj Amram.
59 Jaꞌ naj Amram tuꞌ jix nupi naj yetoj jun ix scutzꞌin naj Leví,
jaꞌton ix chi yij sbꞌi Jocabed,
alinaj ix yet eyecꞌ naj Leví bꞌey Egipto.
Jaꞌ Amram yetoj Jocabed jaꞌton ebꞌ smam xutx naj Aarón,
Moisés yetoj cꞌal ix María.
60 Jal ebꞌ scꞌaal Aarón,
jaꞌton Nadab,
Abihú,
Eleazar yetoj Itamar.
61 Jaꞌ Nadab yetoj naj Abihú,
jaꞌton ebꞌ jix cam yu sjowal scꞌul Dios,
yutol comon cꞌal jix yaoc skꞌakꞌal jun xaambꞌal ebꞌ sattaj Jehová.
62 Jaꞌ masanil ebꞌ winaj yin yicꞌaal naj Leví,
jaꞌton ebꞌ jun xꞌaaw skꞌinal chi bꞌey cꞌaltoj,
ey 23,000 ebꞌ.
Jaꞌ ebꞌ tiꞌ cꞌam ebꞌ eyoc sbꞌisiloj xol ebꞌ yet Israelal,
yutol jaꞌ ebꞌ Levita tuꞌ cꞌam smajul txꞌotxꞌ ebꞌ jix yiꞌ yetoj ebꞌ Israel.
63 Queytuꞌ jix yun yeloc sbꞌisil ebꞌ Israel jix iꞌle a sbꞌisil yu naj Moisés yetoj Eleazar,
naj yakꞌomal xaambꞌal,
yet eyecꞌ ebꞌ bꞌey jun acꞌal yul yet txꞌotxꞌ Moab,
bꞌey stiꞌ jaꞌ Jordán bꞌey sattaj ecꞌtoj conobꞌ Jericó.
64 Masanil ebꞌ ánima tiꞌ,
cꞌam junoj ebꞌ jix oc sbꞌisiloj yu naj Moisés cꞌal yu Aarón yet jix yiꞌon a sbꞌisil ebꞌ yet Israelal bꞌey txꞌotxꞌ cusiltaj txꞌotxꞌ chi yij Sinaí.
65 Yutol jix yal Jehová tol oj cam ebꞌ bꞌey txꞌotxꞌ cusiltaj txꞌotxꞌ,
cꞌamxa junoj ebꞌ jix cancanoj;
asanxane Caleb scꞌaal naj Jefuné,
yetoj naj Josué scꞌaal Nun asanxane ebꞌ jix cancanoj.