shunkuri aina nu awatim kupirta,

turam jea yumpuneak shuar ainan yutua ijinati. Tura nui jakachu akusha

maaniamunam mantamnawartatui.

imanaiyancha wii jiikiartatjai.

Tura nayaimpinam waka umkar pujuinakaisha

wii nunaka jukin itarartatjai”.

3 Nuna tumainachkusha

nain Carmelo tutaiya nui waka imanai

wina uumturak pujakaisha,

wika imanaisha wena jukittajai.

Tura wina uumrajai tusa nayantsa kunarin

uumak pujuinakaisha kuntin untan akuptukartatjai.

Turam nu nitanka asai achiarar ijinawartatui.

4 Tura nita shuari aina nita inatairi amajsartasa

achirar nita nugken yaruakarmataisha,

ijinatarma tusan wii tiartatjai.

Wii tama nitanka ijinawartinaiti.

¡Wii nitanka iiyaakuk atatjai!

Turasha nunaka pegkernum yaigtasan turashtatjai.

Antsu nunaka waittan susatin asan turattajai,

tusa Yuus tawai tinaiti.

nugkan antiawai. Ni turam nugkaka,

Nilo entsa nujagkrak pakarin amur ataksha kuyua,

nujagkrak pakarin amur ataksha kuyua jawa numamtuk,

init wayaa atak jini, init wayaa atak jini jawai.

Imania asa nugkaka tujutjut jas yumpuneawai,

tumakai shuar ainaka útainawai.

6 Nina inamtairigka nayaimpinam awai,

nuna ichichiartin ainan nugkanam umikuiti,

yuragkim nayantsanmaya mukuinti yaki jas

yumi yutak nugkan inijartinnasha umikuiti.

Nina naarigka “Yuus ashi senchirtin tutaiyaiti”, tusa tinaiti.

Wii iismaka nitaka Etíopenmaya shuar ainajaigka metek ainawai.

Egipto nugkanam pujarmin wii atumnaka jiiruitjarme.

Atumin jiiruitjarum turusnak filisteo ainancha

Creta nugkanam pujuinan jiiruitjai,

tura arameo ainancha turusnak,

Quir nugkanam pujuinan wii jiiruitjai.

8 Wina pataar ainata antuktarma,

Yuus atumin chichartamuk:

Israelita aina pegkerchau ainan

shir nukap takaina nuna wainjai.

Nuna tura asan ijinawartatjai.

Turasha Jacob weantu ainanka ashika ijinashtatjai.

Wii taja nunaka metek umiktatjai.

9 Wina pataar ainata shuar trigon juuk,

pegkerchau aina utsaanak aya pegkerak

juakti tusa awajtina numamtuk,

wisha israelita ainan pegker aina juwainak pegkerchau

ainaka jinati tusan titatjai.

10 Israelita ainaka chichainak:

“Nuka pegkesha tumashtatui,

waitamusha atsuttawai, tusa tuinawai.

Turasha shuar winau aina

pegkerchaun takasu ainaka

maaniamunam ashi jinawartatui.

uruku ajakaruit iman amajsartataj

nu tsawan jeattawai.

Nu tsawan jeatna nuigka,

David weantu aina nuiya apu jastatui.

Ni weantu ainanam inamratnaiti.

Yaunchuk ajakarua imauk kakaram amajsartatjai.

12 Yaunchuk David apu jas pujakai,

chikich shuar ainan nugken atankiar

puju jakarua tumasarag,

edomita ainan, tura chikich shuar wina emematrin ainajai ataksha ikankaran Israel shuar amajsartatjai”, tusa Yuus turamrume Amós tinaiti.

13 Yuus atumin turama nu wina pataar israelita ainatiram antuktarma:

“Trigo aina aram wári tsapak nerek uminkamtai

nunasha ashi juuk uminachiat

ataksha ajan takasar trigon arartata nu,

tura uva ainancha juukar ashi ijurak umitsuk

ataksha ajan takasar uvan arartata nu,

tura nain ainanmasha uva ainaka shir nukap

atata nu tsawan jeattawai.

14 Israel shuar ainan achira chikich nugkanam

yaruakmau aina nita nugke ajakmaunmag

ataksha yaruakan ikankartajai.

Turam nita yaaktari ainan

nita shuari yumpuarmau aina nuna,

ataksha iwarkar nui pujusartinaiti.

Uva ainan arakmakar nu nerekmatai,

nuna jukar ijurawar vinon umitin ainawai.

Arak ainan arakmawar nuiyan juukar yuartinaiti.

15 Amina pataim ainanka wii nugkan susartasa anajmatawaitaj nui nita nugkenig apujsartinaitjai. Nuiyanka pegkesha jiirchartin ainawai. Wii taja nuka metek uminkatnaiti, Yuus tawai”, tusa Amós tinaiti.