jiirmarua nu, atumin pachitmas chichaak:

2 Ima atumkettrume winau arti tusa

chikich nugkanmaya shuar aina iruna nuiya etegkamutirmeka.

Tura asan atum pegkerchau aina takasmaunam waittan susattajrume.

3 Jimar shuar tsanig weká nuka

metek atuwak tumauwaiti.

4 León shinakka, kuntinan maa

nuna akasmatak shininaiti.

Tura león tsakat waanam egkemas shinakka

nunaka yutain wainak akasmatak tinaiti.

5 Chigkika nemaktintri apujtusmau asa nemauwaiti.

Kuntin achiktasa apujsamu kuenkugka,

kuntinan achiak tumauwaiti.

6 Kachu umpuamun antuinakka

shuar ainaka pampain ainawai.

Yaktanam iturchat nagkama nuka

Yuus tumati tusa timau asa tumauwaiti.

7 Yuus turattsa wakeraksha

nina chichamen etserin ainan,

ni turatnurin pachis ujatskeka turichuiti.

8 León shinaun antuinakka,

ashi shuar ashamainak kurain ainawai.

Numamtuk Yuus yanak wina chichamur

etserkata tusa akattrat,

nuka ashi etserkartin ainawai.

tura Egipto nugkanam apu aina

pujusa inamtai jea ainanmasha chichakrum:

“Yaakat Samaria naintri aina nui kaunkatarma.

Tumarum Samarianmaya aina magkartuinak,

pegkerchaun takainak pachimnaik a nu iistarma”.

10 Yuus chichaak:

“Samarianmaya ainaka pegkernaka takainatsui.

Apu pujusa inamtairi jea ainanam shuar aina ijinku warí

aina yaruakmau ainan irumrar pujuinawai”.

11 Tumaina asarmatai nita shuari aina

yaakat Samarianmaya ainajai maaniattsa tentakartatui.

Turawar maaninak yaakat pegkramun yumpuarartatui.

Tura jea apu pujusa inamtai ainan yumpuinak warí ainancha yaruakartatui.

12 Ovejan kuitamin ovejarin león yuram ayamruktasa

akasmataksha ashi amukmaun jimar nawen

nuna turachkusha kuishi tsakari ampirmaunkesha,

jumaina numamtuk, atum israelita ainatiram,

Samarianam pujuinatiram

tura Damasconam alfombra tutai

aintramunam pujuinatirmesha uwemrattsarum tsekeakrum ikuktattrume.

13 Yuus ashi turina nu chichaak:

“Jacob weantu aina nu ujaktarma.

14 Nita tunaun takasaru asarmatai,

waittan wári susartatjai.

Nu tsawan jeakaigka,

tagku aina patasa epetai atin najankamu,

Betelnum iruna nuna yumpuntrartatjai.

Tura tagku patasa epetai yantamen

kachua numamtin najanamu

aina nuna tsairkan nugka akaketkattajai.

15 Shuar wiakchan jee aina tsetsek tepeamtai

pujutai kuntina nai ainajai iwarkamu iruna nuna,

tura asat tepeamtai pujutai,

jea iruna nujaimak yumpuartatjai.

Wii taja nunaka metek umiktatjai”, tusa Yuus tawai tinaiti.