AMÓS YUUS TIMAUN AARMAU
Shuar magkartin ainan Yuus kajerkamu
1
Yaakat Tecoa tutainam shuarAmós naartin puju jakuiti.
Oveja aina nukap arujakuiti.
Ozías Judá weantu ainanam inamuk pujai
tura Joásan uchiri Jeroboam nina patai ainanam
inamuk pujai, senchi urkauwa nu jeatin jimar uwí
ai, wina chichamur pataim aina ujakarta tusa
Yuus Amósan akattrauwaiti.
2 Turamu asa Amós chichaak:
“Nain Siónnum yaakat Jerusalénnum
pujusag Yuus kajeka chichamurigka
ipamat uruka imattinaiti.
Imatma asamtai nain Carmelonam nupa irunuka
tura israelita ainan nugke ainanmagka nupa
ainaka kaak ashi jinawartinaiti”.
3 Yaakat Damasconmaya shuar aina
Galaad nugkanmaya shuar aina pegkerchau ainan shir nukap takasaru asarmatai,
jiru hierro tutaijai trigo nekegka
tsaimaina numamtuk amajkarai.
Nuna turawaru asarmatai waittan sutsukka inaisashtatjai.
4 Tuma asamtai, jiin akuptukan
apu Hazael pujusa inamtairi jean ekeematkattajai.
Turam nu keak jea nina uchiri Ben-hadad
pujusa inamtairiya nunasha ekeematkattawai.
5 Yaakat Damasco waitiri ainanka wii kupirtatjai.
Turan yaaktanam wayan Bicat-avénnumia apun maattajai.a
Tura Bet-edénnumia apuncha maattajaib
Nuna turamtai Sirianmaya shuar ainatirminka achirmarar
juramkiar, yaakat Quirnum ejétamiartatui,
tusa Yuus turamrume tinaiti.
6 Yuus atumin chichartamuk:
“Yaakat Gazanmaya shuar ainaka
pegkerchaun shir nukap takaina asar,
chikichik nugkanmaya shuar ainan
ashi achikar jukiar inaku waitkatai arti, tusa
Edom nugkanmaya shuar ainanam surukaru ainawai.
Nuna turawaru asarmatai, Gazanmaya shuar ainanka
waittan wii susartatjai”, tusa Yuus tinaiti.
7 Yaakat Gaza pegkramuri ainan jiin
akuptuktatjai, nu turamu keak
jea apu pujusa inamtairi ainanka ashi aesak
yuku amajsattawai.
8 Yaakat Asdodnumia apun
tura yaakat Ascalónnumia apuncha nepetkattajai.
Nuna turakun yaakat Ecrónnum filisteo aina
pujuina nunaka ashi ijinattajai, tusa Yuus tinaiti.
9 Yuus atumin chichartamuk:
“Yaakat Tironmaya shuar ainaka
nita yachi ainajai chichaman umikaru
ainayat nuna arantus iitsuk tresa imajnia pegkerchaun shir nukap takasarai.
Tumaina asar shuar ainan chikichik nugkanmayan
ashi achikar jukiar inatai arti tusa
Edom nugkanam surukaru ainawai.
Tuma asamtai Tironmaya shuar ainanka
waittan sutsukka inaisashtatjai”.
10 Yaakat Tiro pegkramuri ainan jiin
akuptuktatjai, nu turamu keak
jea apu pujusa inamtairi ainanka
ashi aeskattawai, tusa Yuus turamrume tinaiti.
11 Yuus atumin chichartamuk:
“Yaakat Edonnumia shuar ainaka
pegkerchau ainan shir nukap takasarai.
Edomnumia shuar ainaka israelita ainanka
nita patai aig wait anentsuk senchi kajerkaru
asar ijinawaru ainawai.
Nuna turawaru asarmatai, Edomnumia shuar
ainanka waittan sutsukka inaisashtatjai”.
12 Nuna tura asarmatai, edomita ainan yaaktarin
Temán tutaiya nuna jiin akuptukan ekeematkattajai.
Nu turamu keak apu pujusa inamtairi aina
Bosránum iruna nuna aeskattawai, tusa Yuus turamrume tinaiti.
13 Yuus atumin chichartamuk:
“Amón nugkanmaya shuar ainaka
pegkerchau ainan shir nukap takakmasarai,
nita nugken uun amajsartasa wakeruina asar
Galaad nugkanam nuwa ajamtin ainan
ajapeniar ijinawaru asarmatai,
waittan tuke susartatjai.
14 Jiin akuptukan yaakat Rabá pegkramurin
ekematkattajai.
Nu keak apu pujusa inamtairi aina aestuktatui.
Senchi maaniamu au asamtai,
útainak nase uutna imatiartatui.
15 Nita apurinka
chikich apu nijai atuk takau ainajaimak
achikar chikich nugkanam jukiartatui”, tusa Yuus tawai tinaiti.