Bitrus Changhabal tə tsəfə kainau na nə njir nəu inda tə hə'i Asiya inda nja ɗa məndza'u nə təkəra jirikur kənda. Nji tə dəgə nda, nda tla gəzhi təkəra nda, nda ngəl nda, ga mər tə nda dəhə chulkə səɗimi. Bitrus tə tsəfə kainau nə nənda ka cha tsətə nda ɗufəu nda ngya na dunama ku jirikur kənda ana ka cha nənda fəkər təwa ɗənghatə nda ɓwaɓwatəu, tah ana hya'atər Yesu Kəristi ka cha shili na mən dləuya. Ətsəu nda səsə'utə ɓwaɓwatə na, nda kwa dzətə jirikur kənda, ya ku udiya Hyel kwa nənda wazəba ma Yesu Kəristi kwa da ɓəla shili. Bitrus tə nar nyi nə njir nəu nda ngya wi nji nda Yesu Kəristi tə pəliya, ya nənyi nda.