Yakubu tə tsəfə kainau na nə dəhə njir nəu Hyel inda tə dunəya. Cha tsəfə təkəra jirikur ana dəma, gəna ana ɗali, ɓwaɓwatə ana sərmbukəu, kəriwa nə ɓwanya Hyel, jirikur ana tlər mənakəu, ənda ndə kwa ɓəlatə kyar. Cha ndər təkəra nji'inda tə nənyi jiri nə Hyel ana nji'inda tə ngyari, dəma ana həyakər, guhi ana jalvi, tla nəuma nə nji, bukər, səsə'ua ana pətlənya. Cha ndər təkəra ənda njir nəu Hyel kwa kina ngya. Ma məna ɗa na jirikur ku Hyel, məno ngya wi nda Hyel kwa i. Ma a da məna ngya wi nda njir nəu Hyel kwa kina ngya wa, a nji da kwa dləukər ənda təkəɗər jirikur ngə tsamən wa.