3 A da eo ngya chul ngya nda kwa gwa'atə madawa tləhi wa, tsa nja da uya ea na bikə ku tlər kəea. 4 A təvəra ənga, aku dəhə sənda eo məra ea kwa char ənda njir mər tlər Hyel ea. Ya ea kwa mər ənga ana mbahuɗəu, ku ɓwaɓwatəu, izza ana ma'a təmachi. 5 Nja dəgə ea, nja fəu ea ku jarum, nja takasiya ea ku mwali, ea mər tlər nda ndiya dunama kəea, ea hanyi kəla hanyi ana kəla sərsuma. 6 Təwa ngya chichi kəea, ana zəndə nda ea ni, ana səsəu kəea, tsa'a na mənakəkur, ea kwa char ənda njir mər tlər Hyel ea təwa Shanguɗə Karti nda ku ea, ana nyida nda tsa'anyata, 7 ana mafakə nə jiri kəea, ana gyalkur Hyel. Tsa'atsa'akur ngə sənda ea gəziya barabara ka balmi kəea. 8 Təwa səli ana tar səli, ngəla ana fala. Nja hətə ea njir tla gəzhi, kəl ja, jiri ea kwa dəka. 9 Wi a njo zəndə ea wa, kəl ja, dəhə nji kwa zəndə ea, wi eo tah, ya ana pi ea, nja dəgə ea, ya ana nja tsəya ea wa. 10 Madangə ku huɗətla ea, kəl ja, ea kwa mər hirgyaɗi, nji ɗaliɗali ea, kəl ja, ea kwa mərtə nji ka njir gəna. Səda tsa ea wa, kəl ja, dəhə sə nəkəea nga.

11 Nahi njir Korinti, ea ɓwanya nə hi tə babaləu, ya kwa nyida hi ea tsa'anyata. 12 A da ea ngya hi wa, kəl ja, nahi nga ngyar dləukə ea na ta zhang. 13 Yo i hya wum na'a wi nguli ɗa hi, hya char ea ənda kwa nyida ea hi wi nda eo nyida hi!

14 Ngwa hya dlətə kər ka nji kəla nəu Hyel wa. Aman tsa'atsa'akur kwa daɓə na ɗimikura? Aa mya daɓə vimbəlmbəla na kutla? 15 Mi sənda tə pama Kəristi ana Sərtaka? Aa, mi sənda daɓə njir nənyi jiri ana nji kəla nənyi jira? 16 Ətsəu ya, mya daɓə Mbwa'alə Hyel na kata? Aka Mbwa'alə Hyel nda na pi mən. Wi nda Hyel tə na,

18 Yo ɗa ka Adan hi,