Nja tsəfə Mətləkunya kainau Bulus nə Njir Korinti ku bəjir ɓwaɓwatə nyi təkəra njir nəu nda vu Korinti. Alenya njir daɓədzə tə shili na ɓwanya na dunama təkəra Bulus, kəl ja, a chim tə cha cha ɓatliya pama nda ga char hirgyaɗi nyi 'ual'ual təkəra sə'ingə tə ɗa nga.

Aku tangərmar kainau nda, Bulus tə ɓwanya təkəra sənda gwa'atə cha ɓwanya na dunama nə njir nəu inda vu Korinti. Cha ɓwanya təkəra sənda shili na dawa ku pama njir nəuwa, ngə cha char hirgyaɗi gagaɗa aka ɓwanya nyi tə shili na tubi ana ɓatliya. Ətsəu cha gədi njir nəu inda vu Korinti nda hagwa nyi chi nə njir nəu nda vu Yahudiya. Ku batəbatər səlirma, Bulus tə chaɗə hu'u dza kərnyi təkəra changhabalkur nyi aka alenya njir Korinti yiɗau nda tə fiya kərnənda ka changhabal jirijiri, nda kwa ɓwanya səwa tləm təkəra Bulus ana tla gəzhi təkəra cha.