John, an kaa saachihaakanuut uchischinuhamuwaakan kaa ishinihkaataakanuut, wii chii masinaham aniyuu masinahiikaniyuu John umiywaachimuwiniyuu kaa ishinihkaateyich nesht kaye wiya chii masinaham uyuuh nistu masinahamaachewinh. An niishtam masinahamaachewin chii masinahiikanuu e ayaakwaamimaakanuutwaau anichii kaa taapwehtahkwaau chechii ayaakwaamiishtuwaatwaau aniyuu nitawiin kaa ishi chiskutamaacheyich ekaa nitawiin chechii ituhtahiikutwaau. Chii ishi chiskutimaacheuch aniyuu Jesus ekaa uhchi ayaawiyich Christ, Chishemanituu Ukusiyuu. Chii iteuch ekaa naapeu uhchi ishinaakusiyich Chishemanituu. John chii ishi masinaham taan e ishi chihchiwe iteyihtaakuniyich chechii taapwehtaakanuyich Jesus Christ e chii Chishemanituuwiyich nesht e chii naapwewiyich. Chii ishi wiihtam anichii kaa taapwehtahkwaau chechii chischeyihtahkwaau Chishemanituu e utawaashiimitutaakutwaau, saachihiitutwaawenich nesht nanihiihtahkwaawenich Chishemanituu ukacheskwewiniyuu.