Uu masinahamaachewin, an iskweu kaa wiyaapamaakanuut nesht utawaashiimh, chii masinahamuwaakanuuch. Maaskuuch chiishuweche uyuu kaa itwet e kweskaatisiit iskweu nesht anit e ishi peyakuteusiit maak kaye chii chiishuweche ayimiheukamikw nesht anichii umaamuuayimihaauch. Utah umasinahamaachewinihch John chii wiihtam taan e ishpish chihchiwe iteyihtaakuniyich umaamuuayimihaauch chechii saachihiitutwaau. Chii wiihtam maak e saachihiitunaanuuhch ekut chechii uhchi nanihiihtaakanuyikwaau Chishemanituu ukacheskwewinh nesht Chishemanituu ukacheskwewinihch ekut waahtamaakuyihkw saachihiiwewinihch chechii ishi pimaatisiihkw. Kaye chii ayaakwaamimuweu John ekaa chechii pisiiwiikutwaau umaamuayimihaauch aniyuuh nitawiin kaa ishi chiskutamaacheyitwaau.