Eukw uyuu umasinahamaachewin John kaa masinahamuwaat uwiichewaakan Gaius kaa ishinihkaasuyich. Uu naapeu Gaius kaye wiya chii niikaanishkam ayimiheukamikuyuu. Chii ihtaayuuh maak naapeu anit utayimiheukamikuhch, Diotrephes e chii ishinihkaasuyich ekaa uhchi nituweyimaayich aweyuu John e chii pechi itishahwaayich. Kaye namui uhchi aapateyihtamuweu aniyuu taan kaa ishi niikaanishkaacheyich John. John chii masinahamuweu Gaius uyuu masinahiikaniyuu e wiihtamuwaat taan e ishi mamihchihiikut nesht chechii nanaaskumaat taan e ishi wiichihiiweyich kaye maak chii aanuweyimeu aniyuu naapeu Diotrephes ekaa uhchi wii aapatihtamiyich. John maak chii ishi wiihtam cheshtinaash che ituhtet anite ayimiheukamikuhch wiya wechiihch chechii aapatisiihkahtahk uyuu taan e ispayiyich.