Jude kaye wiya tiipiiwe chii wiichishaanuu aniyuu Jesus kaye maak James. Chii masinahamuweu aniyuu kaa taapwehtamiitwaau chechii ayaakwaamiishtuwaayich aniyuu nitawiin kaa ishi chiskutamaacheyitwaauh aniyuuh Peter kaa aayimuumaayich anite umasinahiichewiniihch. Anichii nitawiin kaa ishi chiskutamaachetwaau namui mikw uhchi ishi chiskutamaacheuch Jesus ekaa aawiyich Chishemanituu Ukusisa, chii ihtuutuweuch kaye aniyuuh iinuuh chechii machaatisiyich. Jude maak chii ayaakwaamimuweu e itwet Chishemanituu che waweshihaat kaye che nishuuwanaachihaat uyuuh nitawiin kaa ishi chiskutamaacheyitwaauh muyaam taan kaa ishi ihtuutuwaat aniyuu kaa machaatisiyich anite weskach testamint kaa aayimuumaakanuyich.