Eukunich yaapach uchii iinuuch kaa masinahuwaakanuutwaau aniyuuh nishtam kaa masinahamuwaat Peter. Uchii kaa taapwehtahkwaau shaash chekaat chii ihtuutawaakanuuch nitawiin chechii ishi taapwehtahkwaau. Peter chii chischisuumeu suuhk chechii yaaitanamiyich utaapwehtamuwinawaau ekute mikw ekaa chechii wiyeshimikuyich nispaach chiskutamaachesuu. Chii chischisuumeu kaye Chishemanituu che wanaachihaayich nispaach chiskutamaachesuu. Kaye maak chii chischisuumeu Peter uyuu iinuu chechii payehchi pimaatisiyich nesht chechii Chishemanituuwaatisiyich wesh chii itweyuu Jesus chestinaash miin kaau che takushiniyich.