Eukw uyuu Peter kaa masinahahk, peyakw aniyuu Jesus uchischinuhamuwaakanh kaa niishushaapuyich. Aniyuuh umaamuuayimihaauh anite itehche Asia kaa ishinihkaatech aschiiyuu kaa ihtaayich chii masinahamuweu. Eukw uchii kaa taapwehtahkwaau chii nanehkaachihaakanuuch aniyuu uhchi e taapweyimaatwaau Jesus. Eukw maak uyuuh Peter kaa masinahamuwaat e chiiwii kaachiichihaat. Chii wiihtamuweu taan kaa ishi wiisacheyihtamiyich Jesus wiyawaau uhchi nesht chii iteu chechii chischinuwaapamaatwaau taan kaa ishi shuuchihteheyich Jesus nesht taan kaa ishi taapweyimaayich Chishemanituu. Chii iteu kaye, aniyuu Chishemanituuh e chii wiyaapimikuyich chechii utiiniimitutaakuyich kaye maak aniyuu Jesus e chii wiisacheyihtamiyich nesht e chii nipiyich wiyawaau uhchi, ekun chipaa ishi pimaatisiyuuch taan e ishi nituweyimikutwaau Chishemanituu chechii ishi pimaatisiitwaau.