James, Jesus wiichisaan ekun an kaa masinahahk uyuu masinahamaachewiniyuu. Ekun uu peyakw kaye wiya kaa niikanishkahk ayimiheukamiyuu anite Jerusalemihch. Chii masinaham uyuu masinahaamaachewiniyuu chechii chiskutamuwaat aniyuu kaa taapweyihtamiitwaau taan che ishi pimaatisiyich e kweskaatisiitwaau. Chii ishi wiihtam taapwe e ayaawaauhkwe e taapweusiimakahch taapweyihtamuwin chipaa nuukun anite e ishi pimaatisiihkw e kweskaatisiihkw. Chii ishi waawiihtamaacheu taan che ishikaapuushtaakanuyikwaau nanaahkuu chekwaayuuh muyaam chisuwaasuwin, e kachiihkamitunaanuuhch e ihtakuniyich uste e iteyimaakanuut peyakw awen ishpish kutak, taan che ishi naanaakachihtaakanuyich taan e iinaanuyich, e mamahchimunaanuyich, siipiiwesiwin kaye maak ayimihchikewin.