2 Kwakin Yakob kinmili moshte yehwante katkaloya pa nikal:

“Shikinkishtik moshte inik oksek dyose' pa antaneltokal yewal ankinpiyal anmehwante,

shimotapohpowilik wan shimaltik shikintalik oksek moshashalme.

3 Ma timoketsak ma tiyak pa BetEl.

Ompa nihnichikos tetelme pa niktalis tamakaliste pa Dyos yewal nishpale pa in tonat kwah nikatka pa in polewiliste,

yewal hanse tonatim katka ka newal kaha niyaptiyas.”

4 Kwakin kimakak Yakob mochi in oksek dyose' yewal kinpiyaloya,

wan temakak mochi inik sarsiya' yewal kiwikaloya pa ninnaka,

wan Yakob kintapach itsinta tepotskwawit yewal amowEhka katka pa Sikem.

5 Kwakin panotiyak,

wan Dyos kintitanil tamaptiliste pa mochi inik Wehwepweblo' yewal katkaloya itehtenko,

yok amo'ak kintohtok ininpilwam Yakob.

6 Yakob wan moshte yehwante yaloya asik pa Luts,^a

yewal niyok kitokayoltil BetEl,

pa in tal Kanán.

7 Wan Yakob kinichiko tetelme ka tatamakal pa Dyos in tal okitokayolti In-BetEl,

yewal kinek kili in Dyos pa BetEl kampa ompa omoneshti Dyos kwah yewal cholowaya ka ninohni.

8 Wan Débora omik,

yewal ki'apa Rebeka,

wan kitapachok itsinta tepotskwawit amo wEhka katka BetEl.

Kwakin kitokayoltik kaha kitapachok Alon-bakut yewal kinek kito in tepotskwawit kaha chokaloya.

9 Kwah walmokwep Yakob pa Padán-aram,

oksep omoneshti Dyos wan kimashti

10 Dyos kili:

“Ti'itok Yakob,

ma yok yahmo ti'itokas Yakob.

Ti'itokas Isra'El.”

Kwakin Dyos okitokayolti Isra'El.

11 Wan Dyos kili:

“Newal niDyos kipi chikawaliste.

Shikinpi mopilwam wan shimomiyaptik.

Pa tewal kisas se pweblo ka masewalme,

wan takwitap yeske myak tanichikolme ka masewalme wan ika mokolinchim yeske reye'.

12 In tal yewal onihmak AbRaham wan Itsak,

nimishmak tewal niyok,

wan nikinmakas in tal mokolinchim yewal takatiske kwah timiki.”

13 Kwakin Dyos panoti kaha Yakob kaha tahtowaya inak yewal.

14 Kikets Yakob se tet kina se taneshtiliste.

Ompa kaha Dyos tahtowaya inak yewal.

Wan kitekili nihugoUbaBino wan kishawili aseyte ipa tet,

15 ompa kaha Dyos okitakichil yewal,

Yakob okitokayolti BetEl.

16 Panotiyak pa BetEl.

Kwah amo wehkA katkaloya pa asiloskya pa Eprata,

kwah Rakel okitakatilti nikonTakat,

wan hyero kitakokolti.

17 Kwah kipanowaya takokoliste pa kitakatiltiskya,

in siwat tapahti kili:

“Amo shimomapti;

kampa tikpiya okse mokonTakat!”

18 Kwah Rakel miktiyaya,

wan tamtiyaya ni'ihyo okitokayolti Ben-oní,

ma yok nitats Yakob,

okitokayolti BenYamín.

19 Yok miki Rakel,

wan kitapachok pa ot yewal ya pa Eprata,

wan niyok itok BetLéhem.

20 Pa in tal kaha kitapachok kikets Yakob se tet weyak,

wan pa ashka nestik nitaneshtiliste kaha kitapachok Rakel.

21 Isra'El okonan ni'ot wan kikets nikal tachiwal ka shashal tilawak ompa Migdal-Éder.

22 Kwah mochantiyaya Isra'El ompa pa tal,

okalak Rubén nikon we kaha katka Bilha,

wan Rubén omotek inak kwah panok myak tonatim kimat Isra'El.

Kinpiyaya Yakob 12 ininpilwaTakam:

23 Ininpilwam Le'a ye Rubén,

yewal otakat ta'ishpa in oksek yek Shime'ón,

Lewí,

Yehudá,

Isakar wan Sabulón.

24 Ininpilwam Rakel yek Yosé wan BenYamín.

25 Ininpilwam Bilha,

nitikipanol siwat Rakel,

yek Dan wan Neptalí.

26 Ininpilwam Silpa,

nitikipanol siwat Le'a,

yek Gad wan Asher.

Inik yek ininpilwam Yakob yewal kitakatiltik ompa Padán-aram.

27 Omokwep Yakob pa nikal nitats Itsak yewal katka pa Mamré,

amo wEhka kaha katka Arba,

yewal niyok itok,

Hebrón,

katka kaha mochantiyaya Itsak wan AbRaham.

28 Oyolti Itsak 180 shiwim

29 kwakin omihyot wan omik,

kimani omonichik ka niwichalme yewal mikik.

Omochi awel Itsak ompa oyol myak tonatim,

kitapachok ininpilwam Esa'ú wan Yakob.