5 Kwah Yakob kimat kina in takat kikatsawilti nikon Dína,

ininpilwaTakam katkaloya pa in tashosholtik ka in yohyolkilme.

Yok amo nawat Yakob,

omochi pa walmokwepaloskya ininpilwam.

6 Kwakin Hamor nitats Sikem oy okit pa tahtoskya ka Yakob.

7 Kwah walmokwepak ininpilwam Yakob,

walaloya pa in kwahmilme kaha katkaloya,

kwah okimatik in yewal ten okipan Dína,

okinkok miyak ininyolme wan hyero kwalanik.

Pates Sikem okichi yewal ten amokwal ka siwatPiltonte Isra'El kampa omotek ka nikonSiwat Yakob.

Katka ten pa amo'ik panoskya ten,

kina in.

8 Ma yok,

Hamor kinmili:

―Nokon Sikem kinek monamiktis ka mokonSiwat.

Shihmakak pa monamiktis inak yewal.

9 Ma timonamiktik tehwante ka anmehwante.

Shitishmakak anmopilwaSiwam wan shikinonanak topilwaSiwam pa anmehwante.

10 Shimokawak wan shimochantik nika ka tehwante,

in tal onka pa mota'ishpa.

Shiyolik nika,

shitakowak wan shitanamakak pa in tal shimokowilik kwahmilme pa in tal.

11 Kwakin Sikem kili Dína nitats wan ninohniwan:

―Ma nikpi tekipanoliste kwal ka anmehwante,

wan annimishmakas ten annishtahtaniske.

12 Shiktalik in tashtawaliste pa in siwat,

shinichilik kishki monek pa annimishwalikili,

ma ye we kina ankinekil,

wan annimishtashtawilis ten annishtahtaniske.

Shinishmakak in siwatPiltonte pa yok yes nosiwa.

13 Yakob ininpilwam kwah tahtok ka Sikem wan nitats Hamor kikwahkwamanak kampa ninohni Dína ye takatsawaltil.

14 Kilik:

―Amokwal yok tikchiwaske,

pa antimishmakaske tonohniSiwat se takat yewal amo kipi takotonili nikwerit kaha mashishal.

In yewal tepinawaliste pa tehwante.

15 Antimishmakaske pa timonamiktis ka yewal,

anmehwante ta ankichiwak kina tehwante:

shimokotonilik anmokwerit kaha anmashishal moshte takam ka anmehwante.

16 Kwakin antimishmakaske topilwaSiwam wan tikinonanaske anmopilwaSiwam pa tehwante,

timochantiske ka anmehwante wan yok timochiwaske se tanichikol ka anmehwante.

17 Wan ta amo ankinekil ankichiwaske se tahtoliste pa ankipiyaske takotonili nikwerit kaha mashishal,

kwakin tikonanaske tonohniSiwat wan tihwikaske.

18 Yok kikakik kwal Hamor wan nikon Sikem in tahtol;

19 in takatYankwik Sikem kimawishtililoya yehwante in takam pa in pweblo,

wan amo owehkA pa kichiwaskya in yewal kilik ininpilwam Yakob.

Kampa yok miyak kinekiya nikonSiwat Yakob.

20 Yok Hamor wan nikon Sikem kampa kalakik pa in pweblo pa tahtoloskya ka in takam pa ininpweblo,

ompa kaha kalakil moshte.

21 Kinmilik:

―Mochantil ka sewiliste ka tehwante in takam israelita'.

Mochantiske nika pa takowaske wan tanamakaske.

Kampa we tal pa yehwante,

kampa timonamiktiske ka ininpilwaSiwam,

wan yehwante monamiktiske ka topilwam.

22 Ma yok,

in takam mokawaske mochantitiyaske yok ka tehwante tikpiyaske takotonili nikwerit kaha mashishal tehwante,

kina yehwante kipiyal.

23 Yeske toyashka inintanichikolme ka borrego',

chibo' wan ininkwahmilme wan in oksek anmoyolikilme,

kwakin ma tikinmilik yehwante kampa yeske ka se tahtoliste pa mochantiske ka tehwante.

24 Kwakin moshte in takam yewal kisaloya ompa kaha kalakil pa in Wepweblo mokawak ka se tahtoliste ka Hamor wan nikon Sikem,

wan moshte pa in Wepweblo mochiwilik takotonili.

25 Panok yey tonatim kwah kichiwak in.

Kwah yehwante kintakokowaya wan in ome ininpilwam Yakob,

Shime'ón wan Lewí,

ninohniwan Dína,

konanak ininteposte oksep oyak pa in pweblo kaha amo'ak kimatiya yewal ten yaloya kichiwaloya,

ompa kinmiktik in takam,

wan kinmiktik moshte.

26 Tamiktik Hamor wan Sikem wan kikishtik Dína ompa kaha katka pa nikal Sikem wan kiwikak.

27 Kwakin walak ininpilwam Yakob kaha katkaloya mochi in mihmihke,

kalakik wan ta'ishtikik mochi pa in pweblo.

28 Kinishtikik mochi borrego' wan chibo' wan mochi inik oksek yewal katkaloya ininyashka yehwante pa in Wepweblo,

wan yewal katka pa kiyawak pa ininkwahmilme.

29 Kinsasakak mochiten wan moshte siwam wan ininpilwam.

Konanak mochiten yewal katka pa kalitik pa in kalme.

30 Kwakin Yakob kinmili Shime'ón wan Lewí:

―Annishtalik pa polewiliste annishchiwilik pa annishkokoliske yehwante inik mochantilme pa in tal in kananeyo' wan in pereseyo'.

Tehwante amo timiyak takam wan ta yehwante monichikok pa mo'onanaske ka newal,

kwakin newal wan moshte pa nokal tiyeske tamiktilme.

31 Ma yok,

in omente ininpilwam kinankilik:

―Kitoloya kampa amokwal katka pa kichiwiliskya tonohni kina se siwat yewal motek ka moshte takam?