3 Yakob,

okinpana moshte wan omotankwaketsaya ka chikome han pa tal kwah astiyaya ninohni.

4 Ma yok Esa'ú omotal okinamik Yakob wan okinapal wan okitenamik.

Wan chokaloya in omente.

5 Kwakin otachi Esa'ú wan okinmit in siwam wan ininpilwam,

kitahtanili:

―Akyehwante inik yewal kat monak?

Yakob kinankili:

―Yehwante nopilwam,

yewal Dyos onishmak newal,

motikipanol tewal.

6 Kwakin walaloya inintikipanolmeSiwam ka ininpilwam wan omotankwaketsak pa i'ishpa yewal.

7 Kwakin Le'a wan ininpilwam asik wan omotankwaketsak.

Wan takwitap Yosé wan Rakel niyok omotankwaketsak.

8 Esa'ú kitahtanili:

―Ten tihnek tikitos ka mochi inik tanichikolme yewal onikinnamiktiwal pa ot?

Yakob kili:

―Nihnekiya niktaniskya tikipanoliste kwal pa notats.

9 Kwakin Esa'ú kito:

―Miyak nitapi nonohni.

Shimokawil in yewal tikpi pa tewal.

10 Yakob kinankili:

―Nimishtahtani,

ta melak kwal tishnamiktik shikonan in temakaliste,

kwah onikit moshayak,

onikit kina nishayak Dyos.

Tewal otishnamik kwal.

11 Shikinonan in yewal nimishwalikilitiwal,

kampa Dyos kwal nishchiwili newal,

wan nikpi mochiten moteshmonek.

Kampa Yakob hyero kimakatikatkaya pa kinonanaskya,

yok Esa'ú okinonan.

12 Kwakin Esa'ú kili:

―Ma tiyaptiyak pa ot.

Newal nimishtokas.

13 Yakob kinankili:

―Notats kimat kina piltontim kat sehseltik wan monek pa nikinmitatiyas in borrega' yewal tachichiltil.

Ta tikinwikal kongana pa se tonat mikiske mochi in yohyolkilme.

14 Nimishtahtani,

notats,

shiyapti ta'ishpa ka motikipanol,

wan newal yolikit niyaptiyas kina tatiliktsatiyal yolikilme wan kina tatiliktsatiyal piltontim newal ompa nikasis notats pa Se'ir.

15 Kwakin Esa'ú kili:

―Nimishkawilis tahko nomasewalme yewal walal ka newal pa mishpalewiske.

Yakob kinankili:

―Amo nishteshmonikil?

Kampa melak kwal tishnamik notats.

16 Yok,

pa in tonat Esa'ú omokwep pa ni'ot pa Se'ir.

17 Wan Yakob,

yawiya pa in ot pa Sukot,

ompa okichi nikal wan okinchi tasoway ka inik nimahmashaltik kwawim pa yolikilme ompa okitokayolti Sokot (kinek kito ramada').

18 Kwah Yakob walmokwep pa Padán-aram o'as kwal,

pa Kanán,

pa in Wepweblo Sikem yewal pa in tal Kanán,

wan ompa okikets nikal tachiwali ka shashal tilawak kaha kitaya wEhka in Wepweblo Sikem.

19 Mokowili tal kaha kikets nikal,

okinkowil ininpilwam Hamor,

nitats Sikem,

otashta 100 tomi tachiwali ka plata.

20 Ompa okinnichik tetelme kaha kitaliskya tamakaliste wan okitokayolti,

El Elohe Isra'El.^a