Monamikil Yakob wan Esa'ú
32
Okonan ni'ot Yakob wan kinamikik nitanawatilanhelmeDyos.
2 Kwah okinmit Yakob kito:
“In kaha mosewil iningwacho' Dyos!”
Yok yewal kaha okitokayolti Mahanayim.
Génesis 32.1-32
3 Yakob okintake sek tanawatilme,
yehwante yaloskya ka ninohni Esa'ú pa tal Se'ir,
pa in nikwahmil Edom.
4 Wan kinmili:
“Shikilik notats Esa'ú,
yok kito motikipanol Yakob wan pa ashka nimochantitik inak Labán,
5 nikinpi baka',
borrego',
tikipanolmeTakam wan tikipanolmeSiwan.
Onikintitan in notanawatilme,
pa kiliske notats pa niktahtanis pa nishnamikis ka ta'ihniliste.”
6 Kwah walmokwepak in tanawatilme kilik Yakob:
“Tiyak ka monohni Esa'ú wan ashka wal pa mishnamikis ka yewal walal 400 takam.”
7 Yakob hyero momapti,
moka moyokoltiti,
kwakin kinshel pa ome tanichikolme ka masewalme yehwante katkaloya inak yewal,
wan niyok inik tanichikolme borrego',
baka' wan inik kameyo',
8 wan kito:
“Ta wal Esa'ú wan momikti ka in se tanichikol,
kwakin in okse tanichikol kwal choloske.”
9 Niyok kito Yakob:
“Tats,
niDyos nokolinche AbRaham wan niDyos notats Itsak,
tewal yok tinichil shimokwep pa motal wan ka motahwan wan newal nimishchiwilis kwal:
10 newal amo nimonots pa nikpiyas ta'ihniliste wan ka melak kina tihkwitawi in motikipanol tewal,
newal nimopanolti ka no'ota in atenko Yordán.
Wan ashka nikpi ome wehwe tanichikolme.
11 Nimishtahtani,
shinishpale ka nonohni Esa'ú,
kampa nihmakasi pa walas nishmiktis,
wan kinmiktis nosiwam ka ininpilwam!
12 Tewal tinichili:
Melak nimishchiwilis kwal pa tikonanas miyak yewal nimishmakas,
wan nikinchiwas ka mokolinchim pa momiyaptiske kina in shal pa in itenko in We'at yewal amokwal kina mopowas.”
13 Pano pa in yowal,
wan ka inik yolikilme yewal kinpiyaya,
kinkitske tahko pa kimakas ninohni Esa'ú.
14 Kinkishtili 200 chiba' wan 20 chibo',
200 borrega' wan 20 borrego',
15 30 kameyo' siwam ka ininpilwam,
40 baka' wan matahti toro' wan 20 burra' ka matahti burro'.
16 Pa sesen inintikipanolme okintake pa kinmitatiyaloskya se tanichikol,
wan kinmili:
“Shinimik ta'ishpa wan ma yaptiyak wehwehkito pa mochi sesen ka in tanichikolme.”
17 Okititan se ta'ishpa,
kiliyaya:
―Ta nonohni Esa'ú mishnamiki wan mishtahtanili:
“Akyewal mowetatakewan?
Kampa ti?,
akyewal niyolikilme yewal tikinwik?
18 Kwakin tikilis:
“Niyashka motikipanol Yakob yewal otishtake pa nimishmakas tewal,
notats Esa'ú,
Yakob wal takwitap ka tehwante.”
19 Niyok okintake in oksek inintikipanolme wan moshte in oksek yewal kintitan takwitap ka inik tanichikolme,
kinmili:
“Anmehwante ankiliske yok in tahtolme Esa'ú,
kwah ankinamikiske,
20 wan niyok ankiliske: ’
Wal takwitap motikipanol Yakob.’
Wan yewal tamat: ’
Nikyolsewis ka inik yolikilme yewal nikintitanilitik ta'ishpa,
kimani timonamikiske yok yewal nishnamikis kwal.’”
21 Yok in yolikilme kintitaniliyaya ta'ishpa Yakob,
ma yok Yakob pano in yowal,
kaha kikets nikal pa mosewiskya.
Yakob mo'onan ka Dyos
22 Pa in yowal omokets Yakob,
okinonan in ome siwam wan in ome nitikipanolmeSiwam wan in 11 ininpilwam,
okinpanolti pa in atenko,
Yakob.
23 Kwakin okinpanolti in atenko we,
otatake pa kinpanoltiloskya mochi yewal niyashka.
24 Yok omoka Yakob isel wan omo'onan ka yewal se takat,
pa mochi yowal kwah takistiwalaya tonat.
25 Kwah okit in takat kina amokwal kitaniliskya,
okite pa niseltik kaha takitskitik nipyerna,
kwah momiktitikatkaloya nipyerna Yakob okopin niweso.
26 Kwakin in takat kili:
―Shinishmaka,
kampa oksep waltakistiwal tonat!
Yakob kinankili:
―Amo nimishmakawas ta amo tinichil motahtoliste kwal pa newal!
27 In takat kitahtanili:
―Kina ti'itok?
Kinankili:
―Ni'itok Yakob.
28 Wan in masewal kili:
―Yahmo ti'itokas Yakob.
Ashka ti'itokas Isra'El,
kampa otimo'onan ka Dyos wan ka masewalme tikintanil.
29 Yakob kili:
―Tihnek tinichilis kina ti'itok tewal.
Wan in takat kinankili:
―Pates tinishtahtanilitik kina ni'itok?
Kwakin in takat kili Yakob nitahtoliste kwal pa yewal.
30 Yakob okitokayolti PenuEl ompa kaha katkaloya:
“Kampa inak Dyos timo'itak,
ma yok amo onishkishtil noyoliliste.”