Nikolinchim AbRaham wan Keturá
25
AbRaham okipi okse siwat,
yewal itoka Keturá.
2 Yewal okintakatilti Simrán,
Yokshán,
Medán,
Midyán,
Yishbak wan Súa.
3 Wan Yokshán oye nitats Shebá wan Dedán.
Nikolinchim Dedán yek in ashurteko',
in letusheyo' wan in lehumeyo'.
4 In ninpilwam Midyán yek Epá,
Éper,
Henok,
Abida wan ElDá,
moshte inik yek ininpilwam Keturá.
5 Wan AbRaham kimak Itsak mochiten nitakawaliste.
6 Ininpilwam ka oksek ininsiwam,
AbRaham okinmak nitemakaliste kwah ayamo'ok mikiyaya wan okintitan wEhka kaha takis in tonat,
pa amo yeloskya kaha Itsak.
7 Mochi in shiwim yoliyaya AbRaham kipiyaya 175 shiwim,
Génesis 25.7-34
8 wan AbRaham omik we,
kwal katka,
ka myak shiwim,
wan panoti ka niwichalme yehwante mikik.
9 In omente ininpilwam Itsak wan Yishma'El kitapachok pa in koyonkekweba Makpela,
katka nikwahmil Eprón nikon Tsohar,
in heteteko,
wan onka kaha waltakis tonat pa Mamré.
10 In kwahmil omokowil AbRaham ka inik heteteko'.
Wan ompa kitapachok AbRaham kaha yewal kitapachowaya Sara nisiwa.
11 Kwah omik AbRaham,
Dyos kimashti nikon Itsak,
wan in moka mochantiti ka takoyonak yewal kitokayolti Beer-Lahay-Roy in kinek kili:
“Takoyonaliste Dyos yewal yoltik wan nichit.”
Nikolinchim Yishma'El
(Ip. 25:12-16) (1Ta-m. 1:29-31)
12 Ina yewal nikolinchim Yishma'El,
nikon AbRaham yewal kipi inak Hagar,
in egiptiya yewal nitikipanolSiwat Sara.
13 Ni'itokalme ininpilwam Yishma'El,
okintokayoltik kina takatik:
Nebayot,
yewal oye nikon ta'ishpa Yishma'El,
takwitap otakat Kedar,
AdBel wan Mibesam,
14 Mishemá,
Dumá,
Masá,
15 Hadad,
Temá,
Yetur,
Napísh wan Kedemá.
16 Inik ininpilwam Yishma'El,
wan ni'itokalme nipweblo wan nikalme tachiwalme ka shashal tilawak:
12 tatakewalme,
pa sesen kat ininpweblo'.
17 Yishma'El yolti 137 shiwim.
Kwakin okonan i'ihyo wan omik,
wan oy monamik ka niwichalme yehwante mikik.
18 Wan miki pa ininishpa ka moshte ninohniwan.
Wan yishma'elteko' mochantitikatkaloya pa in tal Hawilá wan asik pa Shur,
kwah se wal pa Asirya.
Moka i'ishpa in tal Egipto.
Nitakatiliste Yakob wan Esa'ú
19 Inik nikolinchim Itsak,
nikon AbRaham:
AbRaham okitakatilti Itsak.
20 Itsak kipiyaya 40 shiwim kwah omonamikti inak Rebeka,
nikon BetuEl wan ninohniSiwat Labán inik aramteko' mochantiloya pa Padán-aram.
21 Itsak kitahtani in WeTatsDyos pa Rebeka,
nisiwa,
kampa amokwal kinpiyaskya ininpilwam.
Wan in WeTatsDyos okikak Itsak in ten kitahtan,
wan yewal o'osti ta'apa.
22 Wan ininpilwam mo'onanaloya pa itik yewal,
yok yewal kito ta in yok,
“Pates kwakin niyoltik?”
Kwakin oy otahto inak WeTatsDyos
23 Wan kinankili in WeTatsDyos:
“Ome mopilwam tikinapapti;
ome pweblo' yeske tashelolme pa tewal.
Se pweblo yes ka miyak chikawaliste wan in okse amoyok miyak kipiyas chikawaliste,
wan in yewal takati ta'ishpa kitikipanolis ninohni tipichi.”
24 O'as in tonat pa takatiskya,
wan katkaloya omente pa'itik yewal.
25 Yewal ta'ishpa okis katka chichiltik,
mochi ikwerpit kipiyaya nitohmi okitokayoltik Esa'ú.
26 Takwitapit otakat ninohni,
kikitskitiwalaya nikshi ninohni Esa'ú.
Wan okitokayoltik Yakob.
Itsak kipiyaya 60 shiwim kimani okintakatilti Rebeka.
27 Mo'apawak piltontim.
Wan Esa'ú oye takat pa in tashosholtik wan ta'asiyaya ka mit,
wan Yakob oye takat ka sewiliste momatiya ni'icha.
28 Itsak kitasotaya Esa'ú,
kampa kikwaya nita'asil;
wan Rebeka kitasotaya Yakob.
29 Se tonat,
Yakob kiyokshititikatka takwal,
wan Esa'ú astiwalaya pa in kwawim siyaptiwalaya.
30 Kili Yakob:
―Nimishtahtani shinishmak tipit motaposonal chichiltik,
kampa nimayantiwal wan hyero nisyaptiwal.
Kampa yok kitokayoltil Edom.
31 Yakob kinankili:
―Nimishmakas ta tinishnamakiltis motamawistiliste ka motakatiliste in ta'ishpa.
32 Esa'ú kito:
―Inik nimikti ka mayanaliste.
Ten monots takatiliste ta'ishpa?
33 Wan Yakob kito:
―Shinichil ka tahtol melawak ashka.
Wan Esa'ú kili ka tahtol melawak Yakob wan kinamakilti nitakatiliste ta'ishpa.
34 Kwakin Yakob,
okimak Esa'ú pan wan nitaposonal ka lenteha'.
Wan otakwa,
otakon wan opanoti.
Yok amo oki'ihit Esa'ú kina nitakatiliste ta'ishpa.