Itsak pa Gerar
26
Pa inik tonatim katka mayanaliste pa in tal,
oye okse mayanaliste pa inik tonatim kwah AbRaham yoltikatka.
Yok oy omochanti Itsak pa Gerar,
inak AbiMélek ininwe in peleshteko'.
2 In WeTatsDyos omoneshti wan kili:
“Amo shitem pa Egipto.
Shimochanti pa in tal kaha nimichilis.
Génesis 26.1-35
3 Shimochanti pa in tal kina se pashaloliste,
wan newal niyes ka tewal wan nimishmashti.
Tewal wan mokolinchim nikinmakas mochi in tal,
wan yok nikchiwas in ka tahtolme melawak yewal ten nikili pa ni'ishpa motats AbRaham.
4 Nikinmiyaptis mokolinchim kina sitalme pa in ilwikak,
wan mokolinchim nikinmakas mochi in talme.
Moshte pweblo' pa in mochital yeske tamashtinilme ika mokolinchim,
5 kampa AbRaham onishneltok wan okichi ten oniktake,
yoliyaya ka notamawishtiliste pa notahtolme wan nishneltok mochi notamashtiliste.”
6 Wan yok Itsak moka mochantiti pa in tal Gerar.
7 Inik takam yehwante ompa mochantiloya kitahtanililoya ka nisiwa wan yewal kinankili,
in siwat nonohnisiwat.
Wan momaptitikatka pa kinmiliskya yewal nosiwa,
kampa tamatiya nishmiktiske kampa kinekiske konanaske Rebeka kampa yewal kwal tachiyaya.
8 Kipiyaya myak tonatim ompa,
kimani AbiMélek,
ininweRey in peleshteko',
tachishtikatka pa se tatapoli,
okit kampa Itsak kinapalotikatka nisiwa Rebeka.
9 Kwakin AbiMélek otatake pa kinotsaloskya Itsak wan kili:
―Yok kampa yewal melawak mosiwa!
Pates kwakin,
tikito kampa yewal monohnisiwat?
Itsak kinankili:
―Newal nitamat ika yewal nishmiktiloskya.
10 AbiMélek kili:
―Pates yok otitishchiwil in?
Pa tipit hanya motekaskya se takat ka mosiwa,
wan titishchiwiliskya se ta'ihtakoliste!
11 Kwakin AbiMélek otatake pa kimatiloskya pa mochi in pweblo:
―Ta ak amokwal kichiwili in takat wan nisiwa,
in takat mikis.
12 Itsak otatok pa in tal wan WeTatsDyos kimashti,
pa in shiwit kipishka 100 pa mochi sesen.
13 Wan mochi ka miyak tomi,
wan ka miyak chikawaliste.
14 Okinpi myak borrego',
baka' wan myak inintikipanolme,
inik peleshteko' amokwal kitak kampa kinekiloya tapiyaloskya kina yewal tapiyaya.
15 Moshte takoyonalme pa inik tonatim ka AbRaham,
nitats,
kinkoyonaloya inintikipanolme,
inik peleshteko' kintapacholoya wan kintemiltililoya ka tal.
16 Kwakin AbiMélek kili Itsak:
―Ya shi oksela kampa tewal titapi miyak mochikawaliste ka tehwante.
17 Kwakin Itsak panoti,
wan okital nikal tachiwali ka shashal tilawak pa in tal ishtawak pa Gerar,
wan ompa omoka mochantiti.
18 Oksep kinishtapok in takoyonalme ka at pa inik tonatim ka AbRaham,
nitats kinishtapoloya kwah omik AbRaham inik peleshteko' kintapacholoya,
wan oksep okintokayolti kina nitats kintokayoltiya.
19 Se tonat,
inintikipanolme Itsak takoyanak,
wan okitak nalkistikatka at.
20 Kwakin inik takwitawilme borrego' in Gerar mokwalantik ka inintakwitawilme borrego' Itsak,
kampa kitoloya.
In at ka tehwante kampa Itsak okitokayolti in takoyonaliste “Esek” in kinek kito momiktik,
kampa momiktik ika yewal.
21 Takoyonak oksela,
wan niyok kwalanik peleshteko'.
Itsak okitokayolti “Sitna”.a
22 Panoti wEhka pa okse tal wan amo'ak okwalan yok kwakin okitokayolti Rehobot,
kito:
“Ashka in WeTatsDyos tishmakawalti pa titapiyaske mochiten pa in tal.”
“Newal niDyos motats AbRaham.
Amo shimomapti,
kampa newal ni'onka ka tewal.
Pa ika notikipanol AbRaham,
newal nimishmashti wan nikinmiyaptis mokolinchim.”
25 Itsak kinichiko tetelme pa kitaliskya tamakaliste wan okinots ka ni'itokaliste WeTatsDyos,
ompa okital nikal tachiwali ka shashal tilawak wan inintikipanolme takoyonak pa kitaloskya at.
26 Pa inik tonatim AbiMélek walaya pa Gerar,
pa tahtoskya inak Itsak.
Wan kitokatiwalaya ninihni ka wetamatiliste Ahusat wan niyok Pikol,
niwetatakewan nigwacho.
27 Wan kinmili Itsak:
―Pates anwalak ka newal?
Kampa anmehwante annishkwalanilil,
wan annishkishtik ika anmehwante.
28 Yehwante kinankilik:
―Ashka tikitak kampa WeTatsDyos onka ka tewal,
kwakin timo'ilik:
Ma ye se tahtoliste melawak ika tehwante,
ika tewal wan tehwante.
Tihnekil tikchiwaske se taketsaliste ka tewal,
29 kampa tewal amoten titishchiwili,
tehwante amoten timishchiwilik,
yok kina tehwante amoten timishchiwilil.
Tehwante han timishchiwilik kwal,
wan timishtakewak pa tiyas ka mosewiliste,
wan ashka tewal mishmashtitik in WeTatsDyos!
30 Kwakin Itsak kichi se mitotiliste,
wan yehwante takwak wan takonik.
31 Mostatik tahtanesti kwalka moketsak wan se ka okse mo'ilik ka tahtol melawak.
Kwakin Itsak okintake pa ni'ot wan yehwante mowikak ka sewiliste.
32 Pa in tonat walak inintikipanolme Itsak oyak kinawatik ka in takoyonaliste yewal kikoyontikatkaloya,
wan kilik:
―Otikitak at!
33 Itsak okitokayolti in takoyonaliste Shebá,
kampa yok itok in Wepweblo' BérSheba wan pa ashka yok kitokayoltil.
Itsak kimashti Yakob