AbRaham kitemoli siwat Itsak
24
AbRaham katka kolinche kipiyaya myak shiwim,
wan in WeTatsDyos kimashti kwal pa mochiten.
2 Wan AbRaham kili se nitikipanol yewal kolinche katka pa nikal,
wan yewal niwetatakewan katka pa mochi nitomi wan pa kishki tapiyaya icha wan moshte tikipanolme:
―Shiktal momahwa itsinta nopyerna,
Génesis 24.1-67
3 melak shinichil pa i'ishpa in WeTatsDyos,
in Dyos pa in ilwikak wan in tal amo tikonanilis se siwat kananeyo',
ka nokonTakat nika kaha timochantil tehwante
4 Kampa tiyas pa notal,
ka nonohniwan wan ompa tikonanilis se siwat pa nokon Itsak.
5 NitikipanolTakat kinankili:
―Ten nikchiwas ta in siwat amo kinek walas nonawak pa in tal?
Tihnek pa nihwikas mokon pa in tal kaha otikis?
6 Wan AbRaham kili:
―Amo'ik shihwik nokon ompa.
7 In WeTatsDyos,
in Dyos pa in ilwikak,
onishkishti pa nikal notats wan pa nital ka nonohniwan,
yewal isel onishtakichil wan ka tahtol melak nichili in tal nikinmakas mokolinchim,
yok yewal kiwaltitanis nitanawatilanhel pa ta'ishpa tewal wan ompa tikonanilis se siwat nokon.
8 Ta amo kinek walas in siwat monak,
timokawas tamakawal ka in tahtol yewal otinichil;
amo shihwik ompa nokon!
9 Kwakin nitikipanol okital nimahwa itsinta nipyerna AbRaham,
niwetatakewan wan kichiwil tahtol melawak.
10 Kwakin okinonan matahti ikameyo' niwetatakewan,
wan panoti pa ni'ot kiwikaya ka yewal myak tatemakaliste in miyak kostaro yewal kipiyaya niwetatakewan,
wan asiloya pa Wepweblo Nahor pa MesoPotamya.
11 Okichi kampa motankwaketsaloskya kameyo' pa kiyawak in Wepweblo.
Kaha temtikatka at katka tyotak,
kwah kisaloya in siwam pa ta'onanaloya at.
12 Kwakin kito:
“WeTatsDyos,
niDyos nowetatakewan AbRaham,
shinishmakawalti pa kisas kwal,
in yewal nikchiptik ashka wan shikihnil nowetatakewan AbRaham.
13 Shichit nika,
inak in nalkistik at,
ashka ininpilwam in takam pa in Wepweblo kisal pa ta'onanaske.
14 Shihmakawalti yewal in siwatYankwik yewal newal nikili:
“Shinishihnil,
shiktemo mokom pa nikonis at”,
wan yewal nishnankilis:
“Shikon,
wan nikinahmakas mokameyo'”,
ma ye in siwatYankwik yewal tewal tikonanilis pa motikipanol Itsak.
Yok nihmatis kampa tewal tikihnilitik nowetatakewan.”
15 Kwah ayamo'ok tamiyaya kitahtaniyaya Dyos omoneshti Rebeka,
kiwalikaya nikomi pa niyahkwal.
Rebeka katka nikonSiwat BetuEl,
yewal katka nikonTakat Milka nisiwa Nahor,
yewal ninohni AbRaham.
16 In siwatYankwik kwal tachiyaya,
ayamo motekaya ka ni se takat,
yewal temo kaha ta'onanal at,
kitemilti nikom,
wan walmokwep,
17 in tikipanol omotal kaha yewal wan kili:
―Shinishmak tipit at pa nikonis pa mokomi?
18 Kili:
―Shikon tats.
In siwatYankwik hani kitemowi ikomi wan oki'ahmak.
19 Kwah otam okinahmak,
kili:
―Niyok nikinahmakas mokameyo' pa takoniske.
20 Motaloti okinok in at kaha takoniloya yolikilme,
yawiya wan walmokwepaya wan ta'onanaya pa takoniloskya in kameyo'.
21 In takat omoka kitatik in siwatYankwik,
amo nawatiyaya,
pa kimatiskya ta in WeTatsDyos okichi pa kisaskya kwal pa ni'ot ka ten owal.
22 Kwah tamik takonik in kameyo',
in takat okimak se aniyo tachiwal ka oro yetik katka ka chikwase gramo',
niyok kimak ome yahyawaltik,
tachiwal ka oro yehyetik kina 100 gramos.
23 Kwakin kili:
―Akyewal motats wan kipi motats kaha tikochiske in tayo?
24 Wan yewal kinankili:
―Newal nikon BetuEl,
yewal nikon Milka yewal kipi ka Nahor.
25 Wan niyok kili:
―Tikpiyal miyak tasol wan sakat,
niyok tikpiyal kaha anpanoske in yowal.
26 Kwakin in takat motankwakets wan kimashti in WeTatsDyos,
27 wan kito:
“Ma ye ka tamawishtiliste WeTatsDyos,
yewal niDyos nowetatakewan AbRaham,
amo'ik ki'ilka nowetatakewan ki'ihnili,
wan melak onishwalik pa ot pa inikal niparyente nowetatakewan.”
28 Rebeka motalo pa nikal ninantsi,
wan kitakichili ten kipan.
29 Yewal kipiya se ninohniTakat itoka Labán,
wan yewal oy okinamik in takat,
yewal omoka ompa kaha nalkistikatka at.
30 Kwah kinmitatikatka in aniyo wan in yahyawaltik pa nimahwa ninohniSiwat,
wan takaktikatka kina taketstikatka ninohniSiwat kina kitowaya in takat.
Labán oy okit in takat,
wan moketstikatka ika kaha ta'onanal,
ka nikameyo'.
31 Kwakin kili:
Tamashti in WeTatsDyos!
Pates timoketstik nika kiyawak?
Nikpi in kal kaha anmosewiske wan niyok in kameyo'!
32 In takat oy pa in kal,
wan Labán kintatemowili in kameyo',
wan kinmak tasol wan sakat,
in takat wan inik yaloya inak kinmak at pa kinpakaloskya nikshiwam.
33 Kwah kikishtilik takwal pa takwaloskya,
yewal kinmili:
―Ayamo'ok nitakwas ta ayamo annimichilis in yewal ten nikitos.
Wan Labán kili:
―Shitahto.
34 In takat kito:
―Ninewal nitikipanol AbRaham.
35 In WeTatsDyos kimashti miyak nowetatakewan wan yewal kimak myak borrego',
baka',
plata wan oro,
tikipanolmeSiwam,
tikipanolmeTakam,
kameyo' wan burro'.
36 Sara,
nisiwa nowetatakewan,
kipi se nikonTakat yok kolinche,
wan nowetatakewan nikon okinmak mochiten yewal tapiyaya.
37 Wan nowetatakewan onishchiwalti melak pa ni'ishpa Dyos,
wan nichili:
“Amo shiksiyawat nokon ka ininpilwam Kananeyo',
nika kaha timochantil.
38 Tiyas pa nital notats wan nonohniwan,
wan ompa tikonanilis siwat nokon.”
39 Kwakin nowetatakewan nikili:
“Wan ta in siwat amo kinek walas nonawak?”
40 Kwakin yewal nishnankili:
“Newal hanse ninehnemtinem ka in WeTatsDyos,
yok yewal kiwaltitanis nitanawatilanhel ka tewal,
pa kisa kwal pa mo'ot wan tikonanili nokon se nisiwa ka nonohniwan wan pa nikal notats.
41 Yok titamakawal tiyes ka tahtol melawak,
ta oti ka notiyahwan,
wan yehwante amo mishmakal in siwatYankwik,
kwakin titamakawal timokawas ka notahtol melawak.”
42 “Ashka kwah ni'as ka ta'onanal,
nikito:
‘WeTatsDyos,
niDyos nowetatakewan AbRaham,
ta tewal tihnek,
shikchi pa kisas kwal notikipanoliste yewal newal nikchiwas.’
43 Nika ni'onka ashka,
ika in at kaha ta'onanal.
Ta wal se siwatYankwik pa in pweblo pa ta'onanas wan nikilis:
‘Shikon wan niyok nikinwikilis at pa ankoniske kameyo’,
ma yes in siwatYankwik yewal in WeTatsDyos ki'onanil pa nikon nowetatakewan.”
45 Ayamo'ok nitamiyaya niktahtaniyaya Dyos pa'itik noyol,
onikit Rebeka walaya ka nikomi pa niyahkwal.
Wan temo kaha ta'onanal,
ta'onanaya.
Kwakin nikili:
“Nimishtahtani,
shinishmak tipit at.”
46 Haniman yewal kitemo nikomi wan nichili:
“Shikon,
wan niyok nikinahmakas mokameyo'.”
47 Kwakin niktahtanili:
“Akyewal motats?”
Yewal nishnankili:
“Newal nikon BetuEl,
yewal nikon Nahor yewal kipi inak Milka.”
Kwakin oniktalil in aniyo pa niyakatsol wan in yahyawaltik pa nimahwam,
48 hani nimotankwakets wan niktahtolti in WeTatsDyos nowetatakewan AbRaham,
kampa yewal melahka nishwalik pa in ot,
pa nikonanas nikonSiwat ninohni nikal pa yes nisiwa.
49 Wan ashka,
ta anmehwante ankinekil ki'ihniliske nowetatakewan,
shinichilik.
Wan ta amoyok shinichilik niyok,
pa nihmatis kina nikchiwas.
50 Labán wan BetuEl kinankilik:
―Mochi okichi in WeTatsDyos,
wan amokwal ten tikitoske ta kwal wan amokwal.
51 Nika onka Rebeka;
shikonan wan shihwik ma yes nisiwa nikon mowetatakewan,
yok kina kito in WeTatsDyos.
52 Kwah nitikipanol AbRaham,
kikak ten kilik,
mopacho pa in tal pa i'ishpa in WeTatsDyos.
53 Kwakin in tikipanol okinkishti tachiwalme ka oro wan plata wan shashalme kwahkwalme,
okinmak Rebeka.
Niyok okinmak ninohni Labán wan ninantsi Rebeka.
54 Hani yewal wan in takam yehwante yaloya inak otakwak wan otakonik,
wan ompa omokawak in yowal.
Mostatik,
watsinkit moketsak,
wan in tikipanol kinmili:
―Shinishkwepak newal ka nowetatakewan.
55 Wan ninohni wan ninantsi kinankilik:
―Ma moka in siwatYankwik ka tehwante pa matahti tonatim,
kwakin panotiyas.
56 Wan yewal kinmili:
―Shinishkawak pa niyas.
Kampa in WeTatsDyos okichi pa kisaskya kwal in ka ten niwal.
Shinishtakewak pa no'ot pa niyas ka nowetatakewan.
57 Kwakin yehwante kinankilik:
―Ma tihnotsak in siwatYankwik ma tiktahtanilik yewal.
58 Wan kinotsak Rebeka wan kitahtanilik:
―Tiyas inak in takat?
Wan yewal tanankili:
―Nihnek niyas inak yewal.
59 Wan yok panoti Rebeka inak in tikipanolSiwat yewal ki'apa wan niyok nitikipanol AbRaham wan inik tikipanolme.
60 Wan Rebeka kimashtik yok:
“TonohniSiwat ka tehwante:
ma yes ninantsitsi ka myak wan myak masewalme!
wan mokolinchim,
ma kintanilik
inik Wehwepweblo' ka anmotakokolilme!”
61 Kwakin omokets Rebeka,
inak nitikipanolmeSiwam wan omotalik pa kameyo' wan okitokak in takat tikipanol,
yewal kati okonan Rebeka wan panoti.
62 Itsak,
yewal mochantiyaya pa Négeb,
walmokwepaya pa in ta'onanaliste itoka Beer-Lahay-Roy in kinek kili:
“Takoyonaliste Dyos yewal yoltik wan nichit.”
63 Katka tyotak wan Itsak oyaya nehnemiya ka tashosholtik,
kwah otachi wan okinmit kameyo' astiwalaloya.
64 Rebeka niyok otachi wan okit Itsak,
otem pa in kameyo,
65 wan kitahtanili in tikipanol:
―Akyewal in takat yewal nehnem pa in tashosholtik.
Wan tishnamiktiwal?
In tikipanol kinankili:
―Yewal nowetatakewan.
Okonan Rebeka se tukuru belo wan motsakwili nishayak.