3 Kwah AbRaham otam okichokil nimihki Sara oy otahto ka heteteto' kinmili:

4 ―Newal amo nika ika anmehwante;

shinishnamakiltik tipit anmotal kaha niktapacho nomihki.

5 Inik heteteko' kinankilik AbRaham:

6 ―Tats,

shitishkak;

ka tehwante tewal se niwe Dyos,

shiktapach momihki pa in se tokweba yewal kwal,

nimichilis kampa tihnikil pa tiktapachos momihki Teshkalkoyonke.

7 AbRaham omokets,

omotankwakets pa i'ishpa heteteko' in pweblo pa in tal,

8 kinmili:

―Ta ankat ka se tahtoliste ka anmehwante kampa newal niktapachos nomihki,

shinishkakik wan shiktahtanik Eprón nikon Tsohar pa newal

9 pa nishnamakiltis in kweba Makpela,

yewal onka itenko nital.

Shiktahtanik pa nishnamakiltis newal nitashtawas pa kishki kineki,

pa yok nikpiyas kaha tikintapachoske tomihmiki.

10 In Eprón katka ompa,

tsala in heteteko',

ompa yowatikatka pa i'ishpa in heteteko wan moshte inik kalakilo kaha tatapoli pa in Wepweblo kinankili AbRaham wan kili:

11 ―Amo,

Tats newal,

shinishkak.

Nimishmak in kwahmil wan in kweba niyok yewal onka kalitik.

Pa moshte ninishpa,

inik masewalme nimishmak.

Shiktapach momihki.

12 Kwakin AbRaham motsinkwep ka tamawishtiliste i'ishpa in masewalme pa in tal,

13 pa ininishpa in masewalme pa in tal kinankili Eprón,

kili:

―Shinishkak,

newal nitashtawas kishki ka tihnamak in kwahmil.

Kwakin niktapachos ompa nomihki.

14 Eprón kinankili AbRaham wan kili:

15 ―Tats newal,

shinishkak.

In tal nihnamak ka 400 tomiplata.

Kwal onka in ka tewal wan newal?

Shiktapach momihki.

16 Kwakin mokawak ka se tahtoliste AbRaham ka in tomi kili Eprón,

wan kitamachiwilik kishki tomiplata kina okital Eprón,

wan kikakik ininpilwam het:

Katkaloya 400 tomiplata,

kati takowaloya wan tanamakaloya pa in tal.

17 Yok kikowil kwahmil Eprón ompa Makpela,

amo wEhka katka nital Mamré,

in kinek kito,

in kwahmil ka in kweba yewal katka pa yewal wan mochi kwawim yewal katkaloya pa in tal.

18 Ashka katka nikwahmil AbRaham,

kimatiloya ininpilwam heteteko' wan moshte yewal asiloya pa in Wepweblo kitak kampa melak AbRaham omokowil.

19 Kwah otam in,

kwakin okitapach AbRaham nisiwa,

Sara,

pa in kweba nikwahmil pa Makpela amo wEhka katka nital Mamré,

yewal pa in pweblo Hebrón,

pa in tal Kanán.

20 Wan in kwahmil wan in kweba yewal ten takatka motakawil AbRaham,

inik okinamakiltik heteteko'.