―AbRaham!

Wan yewal kinankili:

―Nika ni'onka!

2 Wan Dyos kili:

―Shikonan mokon Itsak,

yewal han tikpi yewal tiktasot,

wan shihwik pa tal MoriYah.

Ompa shitateniwil,

kina tamakaliste wan shikchichin pa in se tepetLom yewal nimishneshtilis.

3 Mostatik AbRaham kwalka omokets,

okisiyat niburro wan okinkwik ome inintikipanolme wan nikon Itsak,

okwahkwa kwakin okonan in ot kampa Dyos kili.

4 Panok yey tonatim otachi AbRaham,

wan pa wEhka okit in lom.

5 Kwakin AbRaham kinmili inintikipanolme:

―Shimokawak nika ka in burro.

Newal wan nokon tiyaske ompa tiktankwaketsaliske Dyos,

kwakin tiwalmokwepaske ka anmehwante.

6 Okonan AbRaham kwawit ka kichichinoskya tamakaliste wan kimamaltil Itsak,

nikon;

okonan teshoshte wan wildok wan panotiyak.

7 Kwakin Itsak kitakichili AbRaham:

―NoTats!

―Ten kwakin,

nokon?

―Tikpiyal teshoshte wan in kwawit.

Kili Itsak:

―Kaha onka in borregit pa tamakaliste yewal tikchichinoske?

8 AbRaham kinankili:

―Yewal Dyos kita in borregit pa tamakaliste yewal tikchichinoske,

nokon.

Wan in omente hanse yaloya.

9 Kwah asik kaha Dyos kitatiniwili,

AbRaham kinichiko tetelme kaha kitali in tamakaliste wan okital in kwawit.

Wan ki'ilpi nikon Itsak okital ikpak kwawit.

10 Kwakin kimela nimahwa AbRaham pa kikitskiskya in wildok ka kimiktiskya nikon,

11 kwakin nitanawatilanhel in WeTatsDyos okinots pa in takpakIlwikak:

―AbRaham!

AbRaham!

Wan yewal tanankili:

―Nika ni'onka.

12 In nitanawatilanhel kito:

―Amo shihmela momahwa ipa in piltonte,

amoten shikchiwil.

Newal nihmat kampa timomapti pa i'ishpa Dyos,

kampa timochika pa tinishmakas mokonTakat in se yewal tikpi.

13 Kwakin otachi AbRaham,

wan okit in kwawitwiste,

okit se borregit' tilintikatka pa nikahilon pa in kwawitwiste,

oy okiwalik okimikti wan otemak pa tamakaliste yewal okichichin wan yok amoten okichiwil nikon.

14 Kwakin AbRaham okitokayolti in tal:

“In WeTatsDyos kimakas ten moteshmonek.”

Wan pa ashka yok tatakayoltil:

“Pa nitalTepet in WeTatsDyos kimakas ten moteshmonek.”

15 Oksep Nitanawatilanhel in WeTatsDyos okinots AbRaham pa in ilwikak,

16 wan kito:

―Newal in WeTatsDyos,

onimo'ili wan nitemak notahtoliste,

pa in ten tikchi kampa amo tishtasotil mokon in se tikpi,

17 newal melak nimishmashti kwal,

wan nikinmiyaptis mokolinchim yeske kina sitalme pa in ilwikak wan kina in shal pa itenko in we'at.

Mokolinchim mokawiliske mochi ininWepweblo' anmotakokolinilme.

18 Wan mokolinchim kiwalikaske tamashtiliste,

Wehwepweblo pa mochi kishki tal,

kampa otishneltok.

19 Walmokwep AbRaham kaha katkaloya inintikipanolme,

wan moshte okonanak ni'ot pa BérSheba,

ompa pa BérSheba omoka mochantiti AbRaham.

20 Kwah panok inik tonatim,

kimashtik AbRaham kilik,

shikit niyok Milka okimak ininpilwam monohni Nahor.

21 Wan kati okipewalti in takatiliste ye Uts,

takwitap otakat ninohni Bus wan hani KemuEl.

Yewal omochi nitats Aram,

22 Késed,

Hasó,

Pildásh,

Idelap,

wan BetuEl,

23 in yewal BetuEl ye itats Rebeka.

In chikweyi ininpilwam Milka okitakatilti ka Nahor,

ninohni AbRaham.

24 Niyok kipiyaya okse siwat Nahor,

itoka Rehumá,

okitakatilti Teba,

Gáham,

Tahash wan Maká.