Yehshwa kipahti se takat amo nehnemiyaya
(Mt. 9:1-8; Lk. 5:17-26)
2
Panok sek tonatim,
Yehshwa walmokwep oksep pa in pweblo KaparNahum;
kimatik masewalme kampa katka pa kal.
2 Monichikoloya myak masewalme,
yok yahmo kinasiyaya pa kiyawak in kal nitatapoli kaha kalakil;
Yehshwa kimashtiyaya nitahtolmeDyos.
3 Kwakin asik nawi takam,
kiwalikaloya se yewal amo nehnemiyaya.
4 Wan amokwal kina asiloskya ka yewal,
kampa katkaloya myak,
kikoyonak ikpak takalchiwal melahka kaha katka Yehshwa,
kitemowik pa nitapech in amo nehnemiyaya.
5 Yehshwa okit kina kineltokaloya pa kipahtiskya,
kili kokoshke:
―Nonihni,
ashka mota'ihtakoliste moka ta'ihniliste.
6 Katkaloya sek takam Tamashtinilme NitanawatilMoshé ompa yowatikatkaloya,
tamatiloya pa ininyololme:
7 “Pates yok tahtotik kina se we?
Yok kina kitotik amokimawishtiliDyos,
akyewal ta'ihnili ta'ihtakoliste,
amo hanwel Dyos ta'ihnili.”
8 Kimat Yehshwa pa niyol kina tamatiloya yehwante,
kwakin kinmili:
―Pates yok antamatitikat pa anmoyolme?
9 Ta hanwel antamatil ta yok kwal nikilis in amo nehnemi:
“Mo'ihtakoliste onka tapohpowali”,
ma yok ta nikil:
“Shimokets,
shikonan motapech wan shiyapti”?
10 Ta yok omotachi kwakin mokawas taneshtiliste kampa NitakaTakpakIlwikaka kipi pa tal chikawaliste pa ta'ihnilis katsawiliste.
Kwakin Yehshwa kili in takat yewal amo nehnemiyaya:
11 ―Shimokets,
shikonan motapech wan shiyapti kaha timochanti.
12 Kwakin haniman omokets in takat;
wan okonan nitapech,
okis pa ininishpa moshte.
Kwakin moshte mo'ihitatikatkaloya wan kililoya tahtolme wehwe pa Dyos,
kitoloya:
―Amo'ik tikitaloya,
kina in ten kichi.
Yehshwa okinots Lewí
(Mt. 9:9-13; Lk. 5:27-32)
13 Oksep okis Yehshwa pa itenko in we'atTemtik;
wan moshte walaloya kaha yewal,
wan yewal kinmashtiyaya.
14 Ompa kwah panotiyaya pa ot,
okit nikon Halpayo,
itok Lewí yowatikatka kaha tahtanil miyak tapishkalisteTomi,b
wan Yehshwa kili:
―Shinishtok.
Omokets Lewí wan okitok.
15 Kimani Yehshwa takwatikatkaya pa nikal Lewí,
niyok yehwante myak tahtaniloya tapishkalisteTomic wan ta'ihtakolilme motalik kaha takwal inak Yehshwa wan nimoneshtililme;
kampa katkaloya myak yehwante kitokaloya.
16 Wan sek Tamashtinilme NitanawatilMoshé wan inik parisheyo',
kitatikatkaloya kina takwatikatkaloya ka Yehshwa moshte yehwante,
wan kintahtanilik nimoneshtililme:
―Pates ompa yowatik anmotamashtini kaha takwatikat wan takontikat takam yehwante tahtaniloya tapishkalisteTomi wan ta'ihtakolilme?
17 Kwah okikak in,
Yehshwa kinmili:
―Amo moteshmonekil tapahtinilme nahyehwante amo kokoshkim,
hanwel moteshmonekil ka in kokoshkim.
Newal amo niwal nikinnots in kwahkwalme,
hanwel nikinnotsas in ta'ihtakolme.
Yehshwa kitahtanilil pates amo mosawal nimoneshtililme
(Mt. 9:14-17; Lk. 5:33-39)
18 Se tonat mosaptikatkaloya nimoneshtililme Yuhanes yewal takwateki wan nimoneshtililme in parisheyo',
sek takam walak kaha Yehshwa,
kitahtanilik in,
kilik:
―Pates mosawal nimoneshtililme Yuhanes yewal takwateki wan in parisheyo',
tewal momoneshtililme amo mosawal?
19 Yehshwa kinmili:
―Amo monek mosawaske ninihniwan ka in mitotiliste,
kwah monamiktil,
kimani yewal monamikti onka ka yehwante?
20 Ma yok,
asis in tonat kaha kikishtiliske yewal monamikti;
kwakin mosawaske.
21 ’Amo'ak kiteki se koton shashal pa kitsomilis se trapo yankwik;
kwakin in yankwik ki'ololo in koton shashal,
wan kitsayana oksep.
22 Niyok amo'ak kitali nihugoUbaBino yankwik pa'itik pa in tekomat tachiwal ka kwero yewal kipi miyak tonatim;
ta yok okichi kwakin nihugoUbaBino yankwik kitsayana in kwero,
kampa amowel motilana,
nihugoUbaBino mo'ihtako.
Wan monek pa kitali nihugoUbaBino yankwik pa in tekomat tachiwal ka kwero yankwik.
Nimoneshtililme Yehshwa kiwihwitaloya nitaki trigo pa in tonatmosewilyudiyo
(Mt. 12:1-8; Lk. 6:1-5)
23 Pa se tonatmosewilyudiyo kwah Yehshwa panowaya kaha tatoktikatkaya trigo;
nimoneshtililme kitekiloya nimiyawal.
24 Kwakin inik parisheyo' kilik:
―Shikit,
Pates kichiwal momoneshtililme pa in se tonatmosewilyudiyo yewal ten amokwal kichiwaske?
25 Yehshwa kinmili:
―Amo anmomashtik ten okichi Dawid pa se tonat kwah yewal wan ninihniwan mayanak?
26 Yok okalak pa nikalDyos,
katka ompa AbYatar in TotatsWe,
kikwa Dawid in pan tatasotalme pa Dyos,
han TotatsimWehwe kwal kikwaloskya;
wan niyok okinmak pa kikwaloskya yehwante katkaloya inak.
27 Niyok kinmili: