Inik matahti nitahtolmeDyos
20
Dyos otahto wan okineshti moshte inik tatolme:
2 “Ninewal in WeTatsDyos moDyos.
Newal nimishkisti pa in tal Egipto,
pa in Wepweblo kaha tikatka kina tatsakwal.
3 ’Amo shikinpi oksek dyose' newal han.
4 ’Amo shimochiwil ni se takopinal,
yewal neshtiyas kina inik kat pa takpakIlwikak,
wan amo nise yewal neshtiyas kina inik kat pa itsinta in tal wan amoten yewal neshtiyas kina inik kat pa atim yewal kat itsinta tal.
5 Amo shikintankwaketsil pa ininishpa yehwante,
amo shikinmil tahtolme wehwe,
kampa newal,
in WeTatsDyos moDyos,
ninewal se Dyos nichawatin.
Nikinkokoltis ininpilwam ka ininkatsawiliste inintahwan wan niyok ininkolinchim wan ininwichalme ika ka inik yehwante nishihyal.
6 Ma yok nikinneshtilitiyas tasotaliste pa mil shiwim inik yehwante nishtasotaske wan kichiwaske kina kito nitamashtilisteDyos.
7 ’Amo shiktokayoltiti ni'itokaliste in WeTatsDyos moDyos hanya han,
kampa in WeTatsDyos,
amo kikawas han pa kipiyaske takokoliste yewal aki yok kichiwas.
8 ’Shikilnamiktiyak in tonatmosewil isra'elita' wan okichi se tonat tatasot.
9 Shitekipanok in chikwase tonatim wan shikchi mochiten mishteshmonek pa inik tonatim.
10 Ma yok pa in tonat chikome yes se tonatmosewil isra'elita' pa kitahtoltiske WeTatsDyos,
moDyos.
Amo shikchi pa in tonat ni se tekipanoliste,
niyok mokonTakat,
mokonSiwat,
motekipanolTakat,
motekipanolSiwat,
inik moyolikilme,
wan niyok inik ompa kat takatilme pa oksek Wepweblo yehwante mochantitiyaske pa motalme.
11 Kampa ka inik chikwase tonatim okichi in WeTatsDyos inik takpakIlwikak,
in wehwe'atim wan mochiten onka pa yewal,
wan omose pa in chikome tonatim.
In WeTatsDyos okimashti in tonatmosewil isra'elita' wan okital se tonat tatasot.
12 ’Shikmawishtil motats wan monantsi,
pa yok tiwehkawas tiyoltiyas pa in tal,
yewal in WeTatsDyos moDyos mishmakas.
13 ’Amo shitamikti.
14 ’Amo shikonan se siwat tasiyawatil.
15 ’Amo shita'ishtikti.
16 ’Amo shitekwamanti ika monihni.
17 ’Amo shihnekti pa titapiyas kina nikal monihni:
Amo shihnekti nisiwa,
wan nitekipanolSiwat,
nitekipanolTakat,
niyok nitoro',
wan niburro,
wan mochiten inik tapi.”
Inik isra'elita' kimakasiloya in Dyos
(TaNiDc 5:22-33)
18 Moshte inik isra'elita' kikakiloya inik komonaliste wan tapitaniliste,
tatsotsonaliste ka trompeta wan in tepetLom hyero popokatikatka,
inik isra'elita' moyoyokatikatkaloya ka tamaptiliste wan katkaloya wehkA.
19 Kwakin kililoya Moshé:
―Shitishtakichil tewal,
wan timishkakiske.
Ta Dyos otishtakichil,
hanwel timikiske.
20 Kwakin Moshé kinmili:
―Amo shimomaptitiyak!
Dyos kinek kitas,
ta anmehwante ankimatil ankikakil,
kwakin mochi anmishkisas kwal.
21 Moshte inik masewalme mokawak wEhka,
ma yok Moshé omo'asilti ka in ayawit tiltik kaha katka Dyos.
Kina monekiya pa mochiwaskya nifretilme Dyos
22 In WeTatsDyos kili Moshé:
“Yok shikinmil isra'elita':
‘Anmehwante anmoselte ankikakil kampa annimishtakichil pa in takpakIlwikak.
23 Amo shikinchiwak dyose' ka oro,
plata wan amo shikintalik inak newal.
24 Nishchiwiliske se fretil ka tal wan ompa ipa yewal shikinmiktik borrego' wan moyolikilme pa tinishchiwilis tamiktiliste yewal monek pa mochichinos mochi wan inik temakaliste yewal kineshtis taneshtiliste ka sewiliste ka newal wan ka inik oksek.
Newal niwalas wan nimishmashtis pa kaha han newal nihnekis pa yes ta'ilnamikiliste no'itokaliste.
25 Ta otinishchiwil se fretil tachiwal ka tetelme,
amo shikchi ka tetelme yewal tashimalme kampa inik yewal ka ten moshim in tet kikatsawilti.
26 Amo shikchiwil eskaler in fretil kampa yok kwah titakisas inik masewalme amo michitaske pelado motsinta.’”