Yakob kinmashti ininpilwam
49
Kwakin Yakob kinnots pa walaloskya ininpilwam wan kinmili:
“Shimonichikok,
pa yok annimichilis ten anmishpanos pa inik tonatim yewal astiwalal:
2 ’Ininpilwam Yakob:
Shimonichikok wan shitakakik;
shihkakik anmotats Isra'El.
Génesis 49.1-50.1
3 ’Rubén,
tewal,
titakat ta'ishpa,
tewal nitanishtiliste nochikawaliste,
tikpi ipewaliste ka tamawishtiliste,
wan nichikawaliste.
4 Amo tihmat titamawishtili kina atim,
yahmo tiyes ta'ishpa:
kampa otikoch inak nosiwa;
wan tihkatsawilti kaha nikochi.
5 ’Shime'ón wan Lewí kat ninohni;
ininmomiktiliste ka miyak motakokoltil.
6 Amo nihnek niyes kaha taketsal,
kampa kwah kwalantikatkaloya!
kinmiktik takam
wan han kintahtapanilik inintankwam toro'.
7 Ma amokwal yes mokwalaniliste,
anmokwalaniliste ka chikawaliste!
Nikinsesemana pa in tal ka Yakob,
pa mochi in tal Isra'El.
8 ’Yehudá,
wan monohniwan;
michiliske tahtolme wehwe,
tikinkitski yehwante mishkokolil,
ininpilwam motats motankwaketsaske pa mo'ishpa.
9 Tewal Yehudá nokon newal!
Ti'onka kina se nikon leon,
kwah tami kikwa nita'asil:
mowalpacho,
motek talpa kina se leon,
ka miyak shiwim.
Ak mochika ki'ishilti.
10 Yehudá hanse tonatim kipiyas bordon bara,
pa reynaros,
han amo kikawaya,
kaha ipanta inintankwam nibordon nibara,
han amo kikawas
kwah walas yewal yes niyashka pa reynaros,
wan kineltokas mochi pweblo.
11 Yewal ki'ilpi burro pa se kwawitUba,
nikon niburro ki'ilpis kaha kwal tatsimolinke;
kipak nishashal ka nihugoUbaBino,
wan kipak nitakemtel ka niyEste nihugoubaBino.
12 Nishtololme tihtiltik amoyok onka nihugoubaBino;
wan nitankochowam ihistak kina lech.
13 ’Sabulón mochanti pa itenko in we'at;
nital mochiwas kaha asil barko',
Astiyaske pa itenko Tsidón.
14 ’Isakar kina se burro yewal kitamamaltilil yetik
yewal motek ipanta ka ome tatsakwalme.
15 Kampa okit kina kwal katka pa mosewiskya
wan in tal kina kwal katka pa kitikipanoskya,
wan mokwalpacho pa kiwikas tamamaltiliste pa niyahkwal
wan motemak pa kitikipanoltiske.
16 ’Dan yes se wetatakewan pa nipweblo,
onka in se tanichikolme ka Isra'El.
17 Dan yes kina se kowat pa in ot,
se kowat kochi pa itenko ot,
kikwa nitankwam kabayo'
kampa kichi pa wetsis pa takwitap takat.
18 ’Nikchishtik pa tinishkishti pa in polewiliste,
WeTatsDyos!
19 ’Gad kinamiki se tanichikol gwacho' ta'ishtikiyanilme,
wan kinekiske kimiktiske ma yok yewal kintohtokas.
20 ’Asher kipiyas miyak takwaliste;
in takwaliste yeske kina nitakwalme in reye'.
21 ’Neptalí onka kina se masatSiwat,
yewal onka kina tamakawal okintakatilti ininpilwam kwahkwalme.
22 ’Yosé onka kina se kwawit
kimat miyak taki kaha nalkistik at,
wan nimahmashaltik mowilanal pa tepante.
23 Masewalme ka inintawitolme,
kiminaloya
amo kipiyalo ta'ihniliste kikwalanililoya.
24 Ma yok amo ki'oliniyaya nitawitol Yosé,
mo'isiwiloya ininmahwam.
Tashta ka Dyos nichikawaliste Yakob,
ka ni'itokaliste in takwitawilme borrego',
yewal tatsakwili pa Isra'El!
25 Tashta ka niDyos motats,
yewal mishpalewis!
In Dyos niChikawaliste,
yewal mishmashti!
Ka tamashtiliste pa in takpakIlwikak!
Ka tamashtiliste pa in we'at wehwekatim!
Ka tamashtiliste ka myak mopilwam wan myak yolikilme!
26 Nitamashtiliste oye we motats
amoyok we kina nitamashtiliste notahwan,
asis itenko in tepetLom amoTamis.
Inik tamashtiliste yeske
ipa nitsontek Yosé,
yewal oye ta'onanal ka ninohniwan!
27 ’BenYamín onka kina se lobo tekwanim
yewal ta'asi pa watsinko kikwa
wan pa tyotak temak tahtahko nita'asil.”
28 Moshte yehwante in 12 tanichikolme Isra'El,
wan in yewal nitats kinmili kwah kinmashti ka sesen ka yehwante.
Miki Yakob
29 Kwakin,
Yakob kinmashti:
“Ashka nimonelo ka nonohniwan.
Shinishtapachok ka nowichalme yehwante mikik,
in koyonke kweba yewal onka pa nikwahmil Eprón in heteteko.
30 In kweba onka pa in kwahmil Makpela,
amo wEhka onka Mamré pa Kanán.
Yewal kiko AbRaham,
kinamakilti Eprón in heteteko,
kampa kintapacholoskya nikolinchim kiko in Teshkalkoyonke pa in kwahmil.
31 Ompa tapachotikat AbRaham wan nisiwa Sara,
ompa tapachotikat Itsak wan Rebeka,
wan ompa niyok tapachotik Le'a.
32 In kwahmil wan kweba tishnamakiltik in heteteko'.”
33 Kwah Yakob otam okinmil inik tahtolme ininpilwam,
Isra'El walmotek pa nitapeshte,
mihyot,
yok omik yok oy omonel inak niwichalme yehwante mikik.